14. Servisio Kristian

14.10  Òrdu i Reglamentu     

 

1. Di kiko Dios ta e fundador?
1 Korintionan 14:33 pasobra Dios no ta un Dios di konfushon, sino di pas. Manera den tur e iglesianan di e santunan,

 

2. Di kon Pablo a duna ordu na Timoteo tokante e debernan i kualifikashonnan di e obisponan i diakononan?
1 Timoteo 3:14,15
14 Mi ta skirbibo e kosnan aki, sperando di bin pronto serka bo;
15 ma si akaso mi tarda, mi ta skirbi pa bo sa kon bo mester komportá bo mes den e kas di Dios, ku ta e iglesia di e Dios bibu, e pilar i sosten di e bèrdat.

 

3. Kon tur kos ku ta pertenesé na e obra di Dios, tin ku wòrdu hasí?
1 Korintionan 14:40 Kiko ta e prome eksigensia di soldanan den un ehersito? Ma laga tur kos sosodé korektamente i na un maner a ordená.

4. Kiko ta e prome eksigensia di soldanan den un ehersito?
1 Kronikanan 12:38 Tur esakinan, siendo hòmbernan di guera, ku por a pone nan mes den òrdu di bataya, a bin Hebròn ku kurason kompletamente dediká pa hasi David rei riba henter Israel; i tambe tur e restu di Israel tabatin e mesun pensamentu di hasi David rei.

 

5. Kua konseho Jetro, e suegra di Moises, a dunel’e pa asina e responsabilidat pa guia Isreael i pa atende e asuntunan di e pueblo, no tabata riba Moises so?
Eksodo 18:21,22
21 Ademas, skohe for di den henter e pueblo hòmbernan kapas ku ta teme Dios, hòmbernan konfiabel, esnan ku ta odia ganashi desonesto; i pone esakinan riba nan komo lidernan di milnan, di shennan, di sinkuentanan i di diesnan.
22 I laga nan huzga e pueblo tur ora; i laga nan hiba tur asunto difisil serka bo, ma tur asunto simpel nan mes mester huzga. Asina lo ta mas fasil pa bo, i nan mester karga e peso huntu ku bo.

 

6. Kuantu apostelnan Kristo a apartá prome, pa prediká e evangelio?
Marko 3:14 I EI a nombra diesdos, pa nan por ta huntu kunE i pa E por manda nan bai prediká,

7. Kuantu Ela nombra despues pa hasi e trabao aki?
Lukas 10:1 Awor despues di esaki Señor a nombra setenta otro, i a manda nan dos-dos Su dilanti pa tur stat i lugá, kaminda E mes tabata pa bai.

 

8. Ora e kantidat di e disipelnan a aumentá, kua instrukshon e disipelnan a duna e kerientenan, pa asina tur hende nan nesesidatnan diario por a wòrdu atendé?
Echonan 6:3 Buska anto for di meimei di boso, rumannan, shete hòmber di bon reputashon, yen di Spiritu Santu i di sabiduria, ku nos por enkargá ku etarea aki.

 

9. Kua ordu a wòrdu duna na e profetanan i maestronan na Antiochia dor di Spritu Santu?
Echonan 13:2, 3
2 I mientras ku nan tabata hasi nan sirbishi na Señor i tabata yuna, Spiritu Santu a bisa: "Apartá pa Mi Barnabas i Saulo pa e trabou pa kual Mi a yama nan."
3 E ora ei, despues ku nan a yuna i a hasi orashon i a pone nan mannan riba nan, nan amanda nan bai.

 

10. Kua ta un di e donnan ku Dios a duna na iglesia?
1 Korintionan 12:28 I Dios a nombra den iglesia, primeramente apòstelnan, di dos profetanan, di tres siñadónan, despues milagernan, despues donnan di kura hende, di yudansa, di atministrashon, di varios sorto di lenga.

 

11. Kua mandato Pablo a dua na Tito pa atministrashon di asuntunan den kada iglesia lokal?
Tito 1:5 Pa e motibu aki mi a lagabo na Kreta, pa bo regla loke ta falta, i nombra ansianonan na tur stat, manera mi a ordenábo.

 

12. Kua ordu ela duna na e miembronan di iglesia tokante nan komportashon pa ku esnan ku a wòrdu ordená?
Hebreonan 13:17 Obedesé boso lidernan i someté boso mes na nan; pasobra nan ta tene warda riba boso alma, komo esnan ku lo duna kuenta. Laga nan hasi esaki ku goso i no ku tristesa, pasobra esaki lo no ta bentahoso pa boso.
1 Pedro 5:5 Boso, hobennan, meskos, sea sumiso na boso ansianonan; i boso tur, bistí boso mes ku umildat pa ku otro, pasobra "Dios ta resistí e orguyosonan, ma ta duna grasia na e umildenan. "
Marko 10:42-45.
42 I yamando nan serka djE, Jesus a bisa nan: "Boso sa ku esnan ku ta rekonosi komo gobernantenan di e paganonan tin dominio riba nan; i nan shonnan ta ehersé outoridat riba nan.
43 Ma entre boso no t'asina, ma ken ku kier bira grand i entre boso lo ta boso sirbidó;
44 i ken ku kier ta esun di promé entre boso lo ta esklabu di tur.
45 Pasobra ni e Yu di Hende no a bin pa wördu sirbi, ma pa sirbi, i pa duna Su bida komo preis di reskate pa hopi."

 

13. Ki ordu i kua spiertamentu ta wòrdu duná na e ansianonan?
1 Pedro 5:1-3
1 Pesei, mi ta eksortá e ansianonan meimei di boso, siendo mi mes tambe un ansiano i testigu di e sufrimentunan di Cristo, i un partisipante tambe di e gloria ku lo wòrdu revelá,
2 pastoriá e tou di Dios meimei di boso, hasiendo e trabou di kuidadó, no fòrsá, ma boluntariamente, segun e boluntat di Dios; i no pa ganashi desonesto, sino ku hopi afan;
3 no manera hende ku tin dominio riba esnan ku a wòrdu konfiá na boso, ma siendo ehèmpel pa e tou.