14. Servisio Kristian

14.9  Obra den Prison    

 

1. Pa ki motibu Kristo lo duna e hustunan un bon biní den su reino?
Mateo 25:36 Mi tabata sunú, i boso a bistiMi; Mi tabata malu, i boso a bishitáMi; Mi tabata den prizon, i boso a bin serka Mi.'

 

2. Kiko Beibel ta deklará di ta e religion puru i sin mancha?
Santiago 1:27 Esaki ta e religion puru i sin maneha den bista di nos Dios i Tata: bishitá wérfano i biuda den nan aflikshon, i konservá bo mes liber di maneha di mundu.

 

3. Kiko Dios ta mira, ora e wak abou foi shelu?
Salmonan 102:20, 21
20 pa skucha kehamentu di e prezo, pa libra esnan ku ta kondená na morto;
21 pa nan deklará e nòmber di Señor den Sion, i Su alabansa na Jerusalèm,

 

4. Ku kua meta Dios a manda Su Yu den mundu?
Isaias 42:7 pa habri wowo siegu, pa libra prezonan for di den kashòt, i esnan ku ta biba den skuridat, for di prizon.

 

5. Pa hasi kua trabou,Kristo a bisa, ku El a wòrdu ungí?
Lukas 4:18 "E Spiritu di Señor ta riba Mi, pasobra El a ungiMi pa prediká evangelio na e pobernan; EI a mandaMi pa proklamá libertat na e prezonan, i restorashon di bista na e siegunan, pa duna libertat na esnan ku ta wòrdu oprimí,

 

6. Dikon e Salmista tabata anhelá pa su alma wòrdu saká for di prizon di piká?
Salmonan 142:7 Saka mi alma for di prizon, pa mi por duna gradisimentu na Bo nòmber; e hustunan lo rondonámi, pasobra Abo lo tratami ku tur bondat."

 

7. Pakiko e Salmista ta resa?
Salmonan 79:11 Laga e kehamentu di e prezo bin Bo dilanti; segun e grandesa di Bo poder preservá esnan kondená na morto.

 

8. Kon Dios ta konsiderá Su pueblo ku ta den prizon?
Salmonan 69:33 Pasobra Señor ta tende esnan den nesesidat, i no la despresiá esnan di djE ku ta prezo.

9. Dikon satanas ta wòrdu permití pa tira algun di e pueblo di Dios den prizon?
Revelashon 2:10 No tene miedu di loke bo ta bai sufri. Mira, diabel ta bai tira algun di boso den prizon, pa boso wòrdu poní na prueba, i boso lo sufri tribulashon dies dia largu. Sea fiel te na morto i lo Mi dunabo e korona di bida.
Daniel 11:33-35
33 "I esnan den e pueblo ku tin komprendementu lo instrui hopi hende; tòg nan lo kai pa medio di spada i kandela, pa medio di koutiverio i plùnder, pa hopi dia.
34 Ma ora nan kai, nan lo haña djis un poko yudansa, i hopi lo uni ku nan den hipokresia.
35 I algun di esnan ku tin disernimentu lo kai, pa wòrdu refiná, limpiá i purifiká, te na e tempu di e fin; pasobra esaki mester bin ainda na e tempu stipulá.

 

10. Kon Dios ke pa nos tin kompashon ku esnan den prizon i ku ta wòrdu maltratá?
Hebreonan 13:3 Kòrda riba e prezonan, komo sífuera boso ta huntu ku nan den prizon, i riba esnan ku ta wòrdu maltratá, komo ku boso mes tambe ta den e kurpa.

 

11. Ki invitashon bendishoná Kristo lo duna finalmente na esnan ku a suministra den e nesesidatnan di esnan pober i ku a bishitá e enfermonan i e prezonan?
Mateo 25:40 "I e Rei lo kontestá i bisa nan: 'Di bèrdat Mi ta bisa boso, tur loke boso a hasi pa un di esnan di mas chikitu di e rumannan aki di Mi, ta pa Mi boso a hasié.'