13. Orashon i Servisio Dibino

13.5  Servisio Publiko

 

1. Kon, solamente i berdaderamente, nos por adorá Dios ?
Juan 4:24 Dios ta Spiritu, i esnan ku ta ador'E mester adorá den spiritu i bèrdat."

2. Kon ta wòrdu bisá na nos, pa adorá Señor?
Salmonan 29:2 Atribuí na Señor, O yunan di e poderoso, atribuí na Señor gloria i poder.

3. Kua postura ta testigua di respet durante servisio dibino?
Salmonan 95:6 Laga nos ban adorá i buig te na suela; laga nos hinka rudia dilanti di Señor, Esun ku a traha nos.

 

4. Kantamentu ta parti di servisio publiko?
Salmonan 100:2-4
2 Sirbi Señor ku goso; bin den Su presensia ku kantamentu gososo.
3 Rekonosé ku Señor, E ta Dios; E ta Esun ku a traha nos, i no ta nos a traha nos mes; nos ta Su pueblo, i e karnénan ku E ta pastoriá.
4 Drenta Su portanan ku kantika di gradisimentu, i Su plenchinan ku alabansa; dun'E gradisimentu, bendishoná Su nòmber

 

5. Beibel ta aprobá usamentu di instrumèntnan di musiko durante adorashon di Dios?
Salmonan 150:3-5
3 Alab'E ku zonidu di tròmpèt; alab'E ku arpa i lirio.
4 Alab'E ku tamburein i baliamentu; alab'E ku instrumènt di kuèrdè i fluit.
5 Alab'E ku simbal ku ta zona duru; alab'E ku simbal ku ta resoná.

6. Kiko ta wòrdu primintí na esna ku ta sperá riba Señor?
Isaias 40:31 ma esnan ku spera riba Señor lo haña forsa renobá; nan lo bula bai ariba ku hala manera águila, nan lo kore sin bira fatigá, nan lo kana sin kansa.

 

7. E presensia di Kristo ta restringí na misanan grandi?
Mateo 18:20 Pasobra kaminda dos of tres ta reunî den Mi nòmber, ei Mi ta meimei di nan."

 

8. Kiko tabata e sintimentu di David tokante servisio publiko?
Salmonan 122:1 Mi tabata kontentu ora nan a bisami: "Laga nos bai na e kas di Señor."
Salmonan 84:2,10
2 Mi alma ta anhelá, si, ta antohá pa e pationan di Señor; mi kurason i mi karni ta kanta ku goso na e Dios bibu.
10 Pasobra un dia den Bo pationan ta mihó ku mil dia pafó. Mi ta preferá di para na entrada di e kas di mi Dios ku biba den e tèntnan di maldat.

 

9. Ki konseho Pablo ta duna tokante asistimentu di servisio publiko?
Hebreonan 10:25 i no laga di asistí na nos mes reunionnan, manera ta kustumber di algun, ma enkurashá otro; i muchu mas ainda, ora boso ta mira ku e dia ta yegando serka.

 

10. Dios ta paga atenshon na reunionnan di Su pueblo?
Malakias 3:16,17
16 E ora ei esnan ku a teme Señor a papia ku otro, i Señor a presta atenshon i a tende esaki, i un buki di memoria a wòrdu skirbi Su dilanti pa esnan ku ta teme Señor i ku ta onra Su nòmber.
17 "I nan lo ta di Mi," e Señor di ehérsitonan ta bisa, "riba e dia ku Mi ta prepará Mi mes propiedat, i lo Mi spar nan manera un hòmber ta spar su mes yu hòmber ku ta sirbié."

11. Tin bendishon ligá ora nos bai misa regularmente?
Salmonan 84:4 Bendishoná ta esnan ku ta biba den Bo kas; pa semper nan ta alabáBo.
Salmonan 27:4 Un kos mi a deseá di Señor, esei lo mi buska: ku mi por keda den e kas di Señor tur e dianan di mi bida, pa kontemplá e bunitesa di Señor, i pa meditá den Su tèmpel.

12. Ki spiertamentu ta wòrdu duná tokante e manera ku nos ta komportá den Kas di Dios?
Eklesiastes 5:1 Warda bo pasonan ora bo ta bai na e kas di Dios, i hal a serka pa skucha enbes di ofresé e sakrifisio di bobonan, pasobra nan no sa ku ta malu nan ta hasi.
1 Timoteo 3:15 ma si akaso mi tarda, mi ta skirbi pa bo sa kon bo mester komportá bo mes den e kas di Dios, ku ta e iglesia di e Dios bibu, e pilar i sosten di e bèrdat.

 

13. Kua dia ta partikularmente ta designá pa servisio publiko?
Levitiko 23:3 Seis dia boso mag hasi trabou, ma riba e di shete dia tin un sabat di sosiegu kompleto, un konvokashon santu. Boso no mag hasi ningun trabou; ta un sabat na SENOR den tur boso lugánan di biba.

 

14. Kon Dios a designá pa warda e dia aki?
Eksodo 20:8-10
8 "Kòrda dia di sabat, pa santifik'é.
9 Seis dia bo mag traha i hasi tur bo trabou,
10 ma e di shete dia ta sabat di Señor bo Dios; riba e dia ei bo no mag hasi ningun trabou, ni abo ni bo yu hòmber ni bo yu muhé, ni bo sirbidó hòmber ni bo sirbidó muhé, ni bo bakanan, ni esun ku ta keda biba pa un tempu serka bo.
Isaias 58:13,14
13 " Si riba dia di sabat bo warda bo pia di hasi bo mes gana riba Mi dia santu, i si bo yama dia di sabat un delisia, e dia santu di Señor onorabel, i si bo onra esaki dor di bandoná bo mes kamindanan, dor di no buska bo mes plaser, i di no papia bo mes palabra,
14 e ora ei lo bo tin delisia den Señor, i lo Mi hasibo kore riba e halturanan di tera; lo Mi alimentábo ku e erensia di bo tata Jakob, pasobra e boka di Señor a papia."

 

15. Ofrendanan, e ta parti apropiá di servisio dibino?
Salmonan 96:8 Atribuî na Señor e gloria debi na Su nòmber; trese un ofrenda i bin den Su plenchinan.
Salmonan 76:11 Hasi promesanan na Señor bo Dios i kumpli ku nan;

16. Lo nos tin servisio publiko de e kreashon nobo?
Isaias 66:22,23
22 "Pasobra meskos ku e shelunan nobo i e tera nobo, ku lo Mi traha, lo permanesé Mi dilanti, " Señor ta deklará, "asina boso desendientenan i boso nòmber lo permanesé.
23 I lo ta di luna nobo pa luna nobo, i di sabat pa sabat, ku henter humanidat lo bin pa bùig Mi dilanti, " Señor ta bisa.