13. Orashon i Servisio Dibino

13.4  Kontesta riba Orashonnan

 

1. Di ki manera Dios ta aktua ora Su Yuinan hasi nan nesesidat konosí na dj’E?
Isaias 65:24 Tambe lo sosodé ku promé ku nan yama, lo Mi kontestá, i mientras nan ta papia ainda, lo Mi tende.

 

2. Dios Su kapasidat pa yuda ta limitá?
Efesionan 3:20 Awor na Esun ku ta poderoso pa hasi tur kos muchu mas abundantemente di loke nos ta pi di òf pensa, segun e poder ku ta obra den nos,

 

3. Kon kompleto Dios a primintí di proveé den nos nesesidatnan?
Filipensenan 4:19 I mi Dios lo prove tur loke boso tin mester, segun Su rikesa den Gloria den Cristo Hesus

 

4. Nos sa tur ora kon pa resa?
Romanonan 8:26 I di e mesun manera e Spiritu tambe ta bin na yudansa di nos debilidat; pasobra nos no sa kon pa hasi orashon manera mester, ma e Spiritu mes ta intersedé pa nos ku kehamentu ku no por wòrdu ekspresá,
.

5. Dios ta hañ’e semper bon pa skucha nos orashon?
2 Korintionan 12:8, 9
8 Enkuanto e kos aki mi a roga Señor tres biaha pa esaki por kita for di mi.
9 I El a bisami: "Mi grasia ta basta pa bo, pasobra Mi poder ta wòrdu hasí perfekto den debilidat. " Pesei, gustosamente lo mi preferá di gaba den mi debilidatnan, pa e poder di Cristo por biba den mi.

 

6. Si e kontesta no bin mes ora, kiko nos mester hasi?
Salmonan 37:7 Sosegá den Señor, i warda ku pasenshi riba djE; no kunsumi pa motibu di esun ku ta prosperá den su kaminda, pa motibu di e hende ku ta ehekutá plan di maldat.

 

7. Di kon e parabola, di e buida ku tabata persistí, a wòrdu duná?
Lukas 18:1 Awor E tabata kontanan un parábola pa mustra nan ku nan Mester hasi orashon tur ora bai i no desmayá,

 

8. Kon Elias a resa, prome ku su petishon a wòrdu pérmiti?
Santiago 5:17,18
17 Elias tabata un hòmber ku un naturalesa meskos ku di nos, i el a hasi orashon fervientemente pa awa no yobe; i awa no a yobe riba tera pa tres aña i seis luna.
18 I el a bolbe hasi orashon, i shelu a duna awaseru, i tera a produsi su fruta.

 

9. Bou di ki kondishon nos lo risibí, segun Kristo?
Marko 11:24 Pesei Mi ta bisa boso, tur loke boso pidi ora boso ta hasi orashon, kere ku boso ta risibié, i e lo bira di boso.

 

10. Dios ke skucha orashonnan sin e fe aki?
Santiago 1:6, 7
6 Ma lagu'é pidi den fe sin ningun duda, pasobra esun ku duda ta manera un ola di laman ku ta wòrdu lastrá i tirá dor di bientu.
7 Pasobra no laga e hende ei spera ku e lo risibí algu di Señor,

 

11. Di kua orashon nos por konfia ku Dios lo skuchá?
1 Juan 5:14,15
14 I esaki ta e konfiansa ku nos tin Su dilanti, ku si nos pidi kualkier kos konforme Su boluntat, E ta tende nos.
15 I si nos sa ku E ta tende nos den tur loke nos pidi, nos sa ku nos tin e petishonnan ku nos a pidi di djE.

 

12. Ora Daniel i su kompañeronan tabata na punta di wòrdu matá pa motibu ku e sabionan no por a revela e soño di Rey, kon Dios a skucha nan orashon?
Daniel 2:19 E ora ei e misterio a wordu revelá na Daniel den un vishon di anochi. E ora ei Daniel a bendishoná e Dios di shelu;

 

13. Ora Pedro a kai será i tabata na punta di wòrdu husgá dor di Herodus, kiko e iglesia a hasi e momento ei?
Echonan 12:5 Asina Pedro a keda será den prizon, ma e iglesia fervientemente tabata hasi orashon na Dios p'é.

14. Kon e orashonnan ei a wòrdu skucha?
Echonan 12:7-10
7 I mira, direpiente un angel di Señor a presentá i un lus a iluminá e sèl. I el a stot Pedro na su kustia i a lant'é for di soño, bisando: "Lanta lihé." I e kadenanan a kai for di su mannan.
8 I e angel a bis'é: "Faha bo mes i bisti bo sandalia." I asina Pedro a hasi. I e angel a bis'é: "Lora bo mantel rònt di bo kurpa i siguimi. "
9 I el a sali bai pafó i a keda siguié, i e no tabata sa ku loke e angel tabata hasi tabata realidat, ma el a kere ku ta un vishon e tabata mira.
10 I ora nan a pasa e promé i di dos guardia, nan a yega na e porta dl heru ku hende mester pasa pa bai den stat, i esei a habri di mes pa nan. I nan a sali bai pafó i a pas a un kaya, i mesora e angel a bai lagu'é.

 

15. Kiko Dios a duna Salomo, ku a pidi pa sabiduria na luga di un bida largu i rikesa?
1 Reinan 3:11-13
11 I Dios a bis'é: "Pasobra bo a pi di esaki i no a pidi bida largu pa bo mes, ni a pidi rikesa pa bo mes, ni bo no a pidi bida di bo enemigunan, ma a pidi pa bo mes disernimentu pa komprendé hustisia,
12 mira, Mi a hasi konforme bo palabranan. Ata, Mi a dunabo un kurason sabí i ku disernimentu, asina ku promé ku bo no tabatin niun manera bo, ni despues di bo lo no lanta otro manera bo.
13 I tambe Mi a dunabo loke bo no a pidi, tantu rikesa komo onor, asina ku entre e reinan lo no tin ni un manera bo den tur bo dianan.
Nota: Aki ta sigui algun kosnan ku Skritura ta siña pa resa panan.
1. Pa nos pan di kada dia. Mat 6: 11
2. Pa pordon di pika: 2 Kron 7: 14; Salmo 32: 5,6; 1 Juan 1:5; 5:16
3. Pa Spiritu Santu: Luka 11: 13; Juan 14: 16; Zak 10: 1
4. Pa salbashon den momentu di tentashon i peliger: Mat 6: 13; Jaun 17: 11, 15; Prov 3: 26; Salmo 91; Mat 24: 20
5. Pa sabiduria i komprendementu: Sant 1: 5; 1 Reinan 3: 9; Dan 2: 17-19
6. Pa un bida di pas i trankilidat: 1 Tim 2: 1, 2
7. Pa sanamentu di enfermonan: Sant 5: 14, 15; 2 Reinan 20; 1-11
8. Pa adelante di e obra di e sirbidornan di Dios i e evangelio: Efesio 6: 18, 19; Kol 4: 3; 2 Tes 3: 1.
9. Pa esnan ku ta sufri pa kousa di e berdat: Hebr 13: 3; Ech 12: 5.
10.Pa reinan i gobernantenan i esnan den puesto responsabel: 1 Tim2: 1, 2; Esra 6: 10.
11. Pa prosperidat temporal: 2 Kor 9: 10; Sant 5: 17, 18.
12. Pa nos enemigunan: Mat 5: 44
13. Pa tur e santunan: Efe 6: 18.
14. Pa tur hende: 1 Tim 2: 1.
15. Pa e binida di Kristo i Su Reino: Mat 6: 10; Rev 22: 20