12. Kresementu Kristian i Konklushon

12.4  Fe ku ta Salba  

 

1. Kiko fe ta?
Hebreonan 11:1 Awor fe ta e siguransa di kosnan ku hende ta spera, e konvikshon di kosnan ku hende no ta mira.

 

2. Di ki importansha Fe ta?
Hebreonan 11:6 I sin fe ta imposibel pa agrad'E, pasobra esun ku bin serka Dios mester kere ku Eta, i ku E ta Esun ku ta rekompensá esnan ku ta busk'E.

 

3. Kon nos por konosé Dios berdadermente?
Mateo 11:27 Tur kos a wòrdu entregá na Mi dor di Mi Tata; i ningun hende no konosé e Yu, sino e Tata so; ni ningun hende no konosé eTata, sino e Yu so, i esun na kende e Yu kier revel'E.

 

4. Den ken nos mester kere pa wòrdu salbá?
Juan 3:16 Pasobra Dios a stima mundu asina tantu, ku El a duna Su Yu unigénito, pa ken ku kere den djE no bai pèrdí, ma tin bida etèrno.

5. Kon apostel Santiago ta desfiá hende pa mustra kiko ta e prueba ku nan ta kere di berdat?
Santiago 2:18 Ma un hende por bisa: "Abo tin fe i ami tin obranan.
"Mustrami bo fe sin e obranan, i ami lo mustrabo mi fe pa medio di mi obranan."

 

6. Kon Abraham a mustra, ku e tabatatin fe perfekto den Dios?
Santiago 2:21, 22
21 Nos tata Abraham no a wòrdu hustifiká pa medio di obranan, ora ku el a ofresé su yu Isaak riba altar?
22 Bo ta mira ku fe tabata traha huntu ku su obranan, i komo resultado di e obranan, fe a wòrdu perfekshoná;

 

7. Dor di ki ehempel perfekto e apostel ta mustra e diferensia entre un fe sinsero i bibu i un fe morto?
Santiago 2:15, 16
15 Si un ruman hòmber òf ruman muhé ta sin paña i den nesesidat di e kuminda di kada dia,
16 i un di boso bisa nan: "Bai na pas, tene bo kurpa kayente i yena bo barika, " i sinembargo, boso no ta duna nan loke ta nesesario pa nan kurpa, kiko esei ta bal?

 

8. Kon nesesario obranan ta, pa mantené un fe bibu?
Santiago 2:20-26
20 Ma bo ta dispuesto pa rekonosé, abo hende bobo, ku fe sin obranan ta imitil?
21 Nos tata Abraham no a wòrdu hustifiká pa medio di obranan, ora ku el a ofresé su yu Isaak riba altar?
22 Bo ta mira ku fe tabata traha huntu ku su obranan, i komo resultado di e obranan, fe a wòrdu perfekshoná;
23 i e Skritura a wòrdu kumpli, ku ta bisa: "I Abraham a kere Dios, i esaki a wòrdu kontá p'é komo hustisia, "d i el a wòrdu yamá e amigu di Dios.
24 Boso ta mira ku un hen de ta wòrdu hustifiká pa medio di obranan, i no pa medio di fe so.
25 I no ta na e mesun manera e prostituta Rahab a wòrdu hustifiká tambe pa medio di obranan, ora ku el a risibí e mensaheronan i amanda nan bai pa un otro kaminda?
26 Pasobra meskos ku e kurpa sin spiritu ta morto, asina tambe fe sin obranan ta morto.

 

9. Kiko nos mester hasi pa speransa guia nos na salbashon?
1 Juan 3:3 I kada un ku tin e speransa aki den djE ta purifiká su mes, meskos ku E ta puru.

 

10. Riba ki kondishon nos ta bira partisipante di Kristo?
Hebreonan 3:14 Pasobra nos a bira partisipante di Cristo, si nos te ne firme na e prinsipio di nos siguransa te na fin,

 

11. A base di kondishon Dios a primintí nos limpiamentu i pordon di piká?
1 Juan 1:7-9
7 ma si nos ta kana den lus meskos ku E mes ta den lus, nos tin komunion ku otro, i e sanger di Jesus, Su Yu, ta limpia nos di tur piká.
8 Si nos bisa ku nos no tin piká, nos ta gaña nos mes, i e bèrdat no ta den nos.
9 Si nos konfesá nos pikánan, Eta fiel i hustu pa pordoná nos nos pikánan i pa limpia nos di tur inhustisia.

 

12. Riba kiko fe sinsero i salbage ta basá?
Romanonan 10:17 Asina ta ku fe ta bin for di tendementu, i tendementu pa medio di e palabra di Cristo.

13. Kiko tabata e kousa ku Pedro tabata senk, despues ku el a kuminsá kana riba e laman brutu pa yega serka Hesus?
Mateo 14:31 I mesora Jesus a saka Su man gar'é i a bis'é: "o abo, hende di poko fe, pakiko bo a duda?