12. Kresementu Kristian i Konklushon

12.5  Pruebanan i e intenshon di dj’e  

 

1. Kiko apostel Pedro ta bisa nos tokante e tentashonnan ku kada keriente tin ku sufri?
1 Pedro 4:12, 13
l2 Stimánan, no sea sorprendí pa motibu di e kandela di prueba ku tin meimei di boso, ku ta bin riba boso pa boso wòrdu probá, komo si fuera ta aigu straño ta pasa ku boso;
13 ma segun e midi ku boso ta kompartí e sufrimentunan di Cristo, sigui regosihá; pa tambe na e revelashon di Su gloria, boso por regosihá ku gran alegria.

 

2. Kon importante tentashonnan ta pa nos fe?
1 Pedro 1:7 pa e prueba di boso fe, ku ta mas presioso ku oro ku ta peresé, ounke ku e ta wòrdu probá dor di kandela, lo por resultá den alabansa i gloria i onor ora Jesu-Cristo wòrdu revelá;

 

3. Ki motibu Pablo ta duna regosihá den tribulashonnan?
Romanonan 5:3-5
3 I no solamente esaki, ma nos ta regosihá tambe den nos tribulashonnan, sabiendo ku tribulashon ta produsí pèrseveransia;
4 i pèrseveransia, karakter; i karakter, speransa;
5 i speransa no ta desapuntá, pasobra e amor di Dios a wòrdu dramá den nos kurason dor di Spiritu Santu, Kende a wòrdu duná na nos.

 

4. Kiko lo a sosodé ku e pueblo di Dios den transkurso di siglonan, segun e profesianan di Daniel?
Daniel 11:33 "I esnan den e pueblo ku tin komprendementu lo instrui hopi hende; tòg nan lo kai pa medio di spada i kandela, pa medio di koutiverio i plùnder, pa hopi dia.

5. Dikon e lo ta asina?
Daniel 11:35 I a1gun di esnan ku tin disernimentu lo kai, pa wòrdu refiná, limpiá i purifiká, te na e tempu di e fin; pasobra esaki mester bin ainda na e tempu stipulá.

 

6. Ki mensahe di animashon Kristo a manda dor di Juan e revelador na su siguidornan, mirando riba e tribulashonnan binidero?
Revelashon 2:10, 11
10 No tene miedu di loke bo ta bai sufri. Mira, diabel ta bai tira algun di boso den prizon, pa boso wòrdu poní na prueba, i boso lo sufri tribulashon dies dia largu. Sea fiel te na morto i lo Mi dunabo e korona di bida.
11 'Esun ku tin orea, lagu'é tende loke e Spiritu ta bisa e iglesianan. Esun ku vense lo no sufri daño dor di e di dos morto.'

 

7. Ki deskripshon Pablo ta duna tokane e sufrimentu di e pueblo di Dios den e siglonan anterior?
Hebreonan 11:35-38
35 Muhénan a hafia nan mortonan bèk pa medio di resurekshon; i otronan a wòrdu torturá, sin aseptá nan liberashon, pa nan por a optené un mihó resurekshon;
36 i otronan a pasa den prueba di bofon i sota di karbachi, si, tambe kadena i prizon.
37 Nan a wòrdu piedrá, nan a wòrdu gezag na dos, nan a wòrdu tentá, nan a wòrdu matá ku spada; nan a kana rònt, bisti na kueru di karné, na kueru di kabritu, siendo bashi, afligí, maltratá
38 (hendenan ku mundu no tabata digno di nan), nan tabata dwal den desiertonan i serunan, kuebanan i burakunan den tera.

 

8. Kuantu lo wòrdu persigui, segun Pablo?
2 Timoteo 3:12 I di bèrdat, tur hende ku ta deseá di hiba un bida santu den Cristo Jesus lo wòrdu pèrsigui.

 

9. Dios ta kousá tritesa pa hende di kurson?
Lamentashonnan 3:31-33
31 Pasobra Señor lo no rechasá pa semper.
32 Maske E kousa tristesa, tòg E lo tin kompashon segun Su miserikòrdia abundante.
33 Pasobra E no ta afligí boluntariamente, ni ta hasi yunan di hende bira triste.

 

10. Dikon Dios ta disipliná?
Hebreonan 12:10 Pasobra nan a disipliná nos pa un tempu kòrtiku, manera nan tabata haña ta bon, ma E ta disipliná nos pa nos bon, pa nos por komparti den Su santidat.

 

11. Kiko Kristo a bisa Pedro ku e lo hasi p’e ora tentashon pisa lo kai riba dj’e?
Lukas 22:31, 32
31 "Simon, Simon, mira, Satanás a pidi pèrmit pa sefta boso manera trigo,
32 ma Ami a hasi orashon pa bo, pa bo fe no faya; i abo, unabes ku bo a kombèrti, fortalesé bo rumannan."

 

12. Kua promesa konsolador ta wòrdu duná na esnan ku ta sufri di e tribulashonnan i tentashonnan den e bida aki?
Santiago 1:12 Bendishoná ta un hende ku ta pèrseverá den prueba; pasobra unabes ku el a pasa e prueba, e lo risibí e korona di bida, ku Señor a primintí na esnan ku ta stim'E.