12. Kresementu Kristian i Konklushon

12.3  Kana den Luz 

 

1. Kon importante e ta pa kana den luz ora e bin serka nos?
Juan 12:35 E ora ei Jesus a kontestá nan: "Pa un poko tempu mas e lus ta meimei di boso. Kana mientras ku boso tin e lus, pa skuridat no sorprendé boso; esun ku ta kana den skuridat no sa unda e ta bai.

 

2. Riba ki kondishon limpiamentu di pikánan ta wòrdu primintí?
1 Juan 1:7 ma si nos ta kana den lus meskos ku E mes ta den lus, nos tin komu-nion ku otro, i e sanger di Jesus, Su Yu, ta limpia nos di tur piká.

 

3. Kuantu tempu e hustunan por spera ku mas luz lo briya riba nan kaminda?
Proverbionan 4:18 Ma e bereha di e hustu ta manera lus di ourora, ku ta briya mas i mas te ora ku bira di dia kla.

 

4. Pa ken luz ta wòrdu sembrá?
Salmonan 97:11 Lus ta sembrá pa e hustu, i alegria pa esnan ku ta rekto di kurason.

 

5. Ken a wòrdu bisá dor di un angel ku su karakter tabata aseptabel pa Dios?
Echonan 10:3,4
3 Pa tres or di atardi el a mira kla-kla den un vishon un angel di Dios bin serka djé i bis'é: "Cornelio!"
4 I fihando su bista riba e angel i mashá spantá, el a bisa: "Kiko apasa, Señor?"
I el a bis'é: "Bo orashonnan i limosnanan a subi bai dilanti di Dios i E ta recòrdá nan.

 

6. Ku e komportashon di Cornelio tabata aseptabel pa Dios, esei tabata prueba ku e no tin nada mas di siña òf hasi?
Echonan 10:5,6
5 I awor, manda algun hòmber bai Jope i laga buska un hòmber ku yama Simon, kende tambe ta wòrdu yamá Pedro;
6 e ta keda serka un kurtidó-di-kueru ku yama Simon, kende su kas ta keda pegá ku laman. Esei lo bisabo kiko bo tin di hasi. "

 

7. Kiko ta pasa ku luz, den kaso nos laga di hasi pa kana den dj’e?
Lukas 11:34, 35
34 E lampi di bo kurpa ta bo wowo; ora bo wowo ta bon, henter bo kurpa tambe ta yen di lus; ma ora ku e ta malu, bo kurpa tambe ta yen di skuridat.
35 Pesei, pèrkurá pa e lus den bo no ta skuridat.

 

8. Pakiko Kristo a bisa ku e piká di esnan ku a rechas’É ta keda?
Juan 9:41 Jesus a bisa nan: "Si boso tabata siegu, boso lo no tabatin piká, ma awor ku boso ta bisa: 'Nos ta mira', boso piká ta keda.
Juan 15:22 Si Mi no a bin i a papia ku nan, nan lo no tabatin piká, ma awor nan no tin diskulpa pa nan piká.

 

9. Dikon esnan ku no ta bin serka e Luz, ta wòrdu kondená?
Juan 3:19 I esaki ta e kondenashon, ku e lus a bin den mundu, i hende tabata stima e skuridat mas ku e lus; pasobra nan echonan tabata malu.

 

10. Si un hende ta buska berdat berdaderamente, kiko e lo hasi?
Juan 3:21 Ma esun ku ta praktiká bèrdat ta bin na e lus, pa por wòrdu manifestá ku su echonan ta wòrdu hasi den Dios."

 

11. Esnan ku no a kere e luz di berdat, kiko Dios lo permití nan pa kere?
2 Tesalonisensenan 2:11,12
11 I pa e motibu aki Dios lo manda riba nan un influensia di eror, pa nan kere men-tira,
12 pa nan tur wòrdu huzgá, kendenan no a kere e bèrdat, ma a hiba gustu den maldat.

 

12. Ken ta e luz di mundu?
Juan 8:12 E ora ei Jesus a bolbe papia ku nan, bisando: "Ami ta e lus di mundu; esun ku siguiMi lo no kana den skuridat, ma lo tin e lus di bida."

 

13. Kon nos tin ku kana ora nos risibí Kristo?
Kolosensenan 2:6 Pesei, meskos ku boso a risibi Cristo Jesus e Señor, asina kana den djE,

 

14. Kiko Dios a duna pa guiá nos riba e kaminda di berdat deber?
Salmonan 119:105 Bo palabra ta un lampi pa mi pia i un lus pa mi kaminda.
Proverbionan 6:23 Pasobra e mandamentu ta un lampi, i e siñansa ta lus; i e reprendementunan di disiplina ta e kaminda di bida,

 

15. Kiko habrimentu di e palabra di Dios ta duna?
Salmonan 119:130 E habrimentu di Bo palabranan ta iluminá; e ta duna komprendementu na e simpelnan.

 

16. Ken lo risibí bendishon dor di studia e profesianan den e buki di Revelashon, segun Kristo?
Revelashon 1:3 Bendishoná ta esun ku lesa i esnan ku tende e palabranan di e profesia, i ku paga atenshon na e kosnan ku ta pará skirbí den djé; pasobra e tempu ta serka.

 

17. Ta posibel ku esnan ku a bini serka Dios un biaha, por wòrdu rechasá pa motibu di nan inkredulidat?
Judas 5 Awor, apesar ku ya boso sa tur kos un bes i pa semper, mi kier rekòrdá boso ku ounke un tempu Señor a salba un pueblo for di tera di Egipto, despues EI a destruí esnan ku no a kere.

18. Solamente riba ki kondishon nos por bira partisipante di Kristo?
Hebreonan 3:14 Pasobra nos a bira partisipante di Cristo, si nos te ne firme na e prinsipio di nos siguransa te na fin,
Mateo 10:22 I tur hende lo odia boso pa kous a di Mi nòmber, ma ta esun ku a pèrseverá te na fin lo ta salbá.
Mateo 24:12,13
12 I pasobra inikidat ta oumentá, amor di hopi hende lo fria.
13 Ma esun ku pèrseverá te na fin, esei lo ta salbá.