12. Kresementu Kristian i Konklushon
12.2 E armadura Kristian
1. Kua poder lo a hasi ruera kontra e iglesia remanente prome ku e binida di Señor?
Revelashon 12:17 I e dragon tabata furioso riba e muhé, i a bai pa hasi guera ku e restu di su desendientenan, kendenan ta warda e mandamentunan di Dios i tin e testimonio di Jesu-Cristo,
2. Kua rekompensa ta wòrdu primití na esnan ku vense?
Revelashon 2:7 Esun ku tin orea, lagu' é tende loke e Spiritu ta bisa e iglesianan. Esun ku vense lo Mi laga kome di e palu di bida, ku ta den e Paraiso di Dios.
Revelashon 2:11,17
11 'Esun ku tin orea, lagu'é tende loke e Spiritu ta bisa e iglesianan. Esun ku vense lo no sufri daño dor di e di dos morto.'
17 'Esun ku tin orea, lagu'é tende loke e Spiritu ta bisa e iglesianan. Esun ku vense, na djé lo Mi duna di e mana skondi, i lo Mi dun'é un piedra blanku, i riba e piedra un nòmber nobo skirbî ku ni un hende no konosé, sino solamente esun ku risibié.'
Revelashon 3:5, 12, 21
5 Esun ku vense lo wòrdu bisí! na paña blanku; i lo Mi no kita su nòmber for di e buki di bida, i lo Mi konfesá su nòmber dilanti di Mi Tata i dilanti di Su angelnan.
12 Esun ku vense, lo Mi hasié un pilar den e tèmpel di Mi Dios, i e lo no sali for di djé nunka mas; i lo Mi skirbi riba djé e nòmber di Mi Dios, i e nòmber di e stat di Mi Dios, e Jerusalèm nobo, ku ta baha for di shelu for di Mi Dios, i Mi nömber nobo.
21 'Esun ku vense, lo Mi permitié sinta huntu ku Mi riba Mi trono, meskos ku Ami tambe a vense i a sinta huntu ku Mi Tata riba Su trono.
3. Dor di ken nos nos ta kapas pa vense?
Romanonan 8:35 - 37
35 Ken lo separá nos for di e amor di Cristo? Tribulashon, angustia, pèrsekushon, hamber, sunü, peliger öf spada?
36 Manera ta pará skirbï: "Pa Bo kousa nos ta wòrdu matá henter dia; nos a wòrdu konsiderá komo karné pa wòrdu matá."
37 Ma den tur e kosnan aki nos ta mas ku vensedor dor di Esun ku a stima nos.
4. Ken tabata e kapitan invisibel di e ehersito di Israel?
Josue 5:13,14
13 Awor a sosodé ku ora Josué tabata pegá ku Jeriko, el a hisa kara wak, i mira, tabatin un Hòmber pará su dilanti ku Su spada saká for di baliña den Su man tení, i Josué a bai serka djE i a bis'E: "Bo ta pa nos of pa nos atversarionan?"
14 I EI a bisa: "No, mas bien Mi a bin awor komo Kapitan di e ehérsito di Señor." I Josué a tira su kurpa abou ku su kara te na suela, i a adorá, i a bis'E: "Kiko mi Señor tin di bisa Su sirbidó?"
1 Korintionan 10:1-4
1 Pasobra mi no kier, rumannan, pa boso keda sin sa ku nos tatanan tur tabata bou di e nubia i tur a pasa dor di e laman;
2 i tur a wòrdu batisá den Moisés den e nubia i den e laman;
3 i tur a kome e mesun kuminda spiritual;
4 i tur a bebe e mesun bibida spiritual, pasobra nan tabata bebe for di un baranka spiritual ku tabata sigui nan; i e baranka tabata Cristo.
5. Kiko ta e karakteristika di e armanan di guera di un Kristian?
2 Korintionan 10:4 pasobra e armanan ku nos ta batayá kuné no ta karnal, ma poderoso den Dios pa basha e fòrtinan abou,
6. Kiko e armanan aki ta kapas pa vense?
2 Korintionan 10:5 i pa destruí spekulashonnan i tur arogansia ku ta wòrdu lantá kontra e konosementu di Dios, hibando den koutiverio tur pensamentu, pa hasi nan obedesido na Cristo,
7. Kiko nos mester bistí?
Efesionan 6:11 Bisti e armadura kompleto di Dios, pa boso por para firme kontra e trampanan di diabel.
8. Kontra kua tipo di podernan nos tin ku lucha?
Efesionan 6:12 Pasobra nos lucha no ta kontra karni i sanger, sino kontra e gobernantenan,s kontra e podernan, kontra e forsanan mundial di e skuridat aki, kontra e forsanan spiritual di maldat den e lugánan selestial.
9. Kiko ta e prome rekesitonan pa e armadura nesesario?
Efesionan 6:14 Para firme anto, ku boso hep fahá ku bèrdat, i ku e korasa di hustisia bisti,
10. Kiko ta e bérdat ku kual nos mester fahá nos heb?
Juan 17:17 Santifiká nan den e bèrdat; Bo palabra ta bèrdat.
Juan 14:6 Jesus a bis'é: "Ami ta e kaminda, i e bèrdat, i e bida; ni un hende no ta bin serka eTata, sino pa medio di Mi.
11. Kiko ke men pa tin nos heb fahá?
1 Pedro 1:13 Pesei, faha e hepnan di boso mente, sea sobrio, fiha boso speransa kompletamente riba e grasia ku lo wòrdu tresí na boso na e revelashon di Jesu-Cristo.
12. Kiko ta e hustisia for di kual e korasa ta komponé?
Salmonan 119:172 Laga mi lepnan ekspresá alabansa, pasobra tur Bo statutonan ta hustisia.
Jeremias 23:6 Den Su dianan Juda lo wòrdu salbá, i Israel lo biba den siguridat; i esaki ta e nòmber ku E lo karga: 'Señor nos hustisia.'
Romanonan 13:14 Ma bisti boso ku Señor Jesu-Cristo, i no hasi provishon pa e karni, pa kumpli ku su mal deseonan.
1 Tesalonisensenan 5:8 Ma komo ku nos ta di dia, laga nos ta sobrio, despues di a bisti e korasa di fe i amor, i komo hèlm e speransa di salbashon.
13. Ku kiko e pianan mester wòrdu bistí?
Efesionan 2:14 Pasobra E mes ta nos pas, Kende a hasi tur dos grupo bira ún, i a tumba e muraya meimei ku ta separá,
Efesionan 6:15 i ku boso pianan bistí ku e preparashon di e evangelio di pas;
Santiago 3:18 I e simia, kual su fruta ta hustisia, ta wòrdu sembrá den pas dor di esnan ku ta hasi pas.
14. Kua parti di e armadura despues ta wòrdu yamá komo nesesario?
Efsionan 6:16 i riba tur kos, tumando e eskudo di fe, ku kual boso lo por paga tur e flechanan sendi di e malbado.
1 Juan 5:4 Pasobra tur loke ta nasi di Dios ta vense mundu; I esaki ta e viktoria ku a vense mundu, nos fe.
Hebreonan 11:6 I sin fe ta imposibel pa agrad'E, pasobra esun ku bin serka Dios mester kere ku Eta, i ku E ta Esun ku ta rekompensá esnan ku ta busk'E.
15. Kua parti di e armadura mester wòrdu bistí pa protehá e kabes?
Efesionan 6:17 I tuma e hèlm di salbashon, i espada di e Spiritu, kual ta e Palabra di Dios.
16. Ku kua espada e guerero kristian mester ta armá?
Efesionan 6:17 I tuma e hèlm di salbashon, i espada di e Spiritu, kual ta e Palabra di Dios.
17. Ku kua palabranan e kurachi, e fieldat i e loyalidat di e iglesia remanente ta wòrdu ékpresá?
Revelashon 12:11 I nan a vens'é pa motibu di e sanger di e Lamchi i pa motibu di e palabra di nan testimonio, i nan no a stima nan bida te na morto.
18. Lo e fiel luchadornan vense bou di Kristo?
Revelashon 15:2 I mi a mira loke tabata parse un laman di glas mesklá ku kandela, i esnan ku a sali viktorioso riba e bestia i riba su imagen i riba e number di su nòmber, pará riba e laman di glas, ku arpanan ku Dios a duna nan.