12. Kresementu Kristian i Konklushon

12.19  Sabiduria  

 

1. Di kon ta wòrdu bisá pa atkirí sabiduria?
Proverbionan 4:6, 7
6 No bandoná sabiduria, i é lo wardabo; stim'é, i é lo kuidabo.
7 E prinsipio di sabiduria ta: Atkirí sabiduria; i riba tur kos, atkirí komprendementu;

 

2. Kuantu balor sabiduria tin?
Proverbionan 3:15 E ta mas presioso ku rubi, i tur loke bo por deseá no ta di kompará kuné.

 

3. Ki bendishonnan sabiduria ta trese kune?
Proverbionan 4:8, 9
8 hals'é, i é lo halsabo; é lo onrabo si bo bras'é.
9 E lo pone un adorno di grasia riba bo kabes; é lo regalábo un korona di gloria."

 

4. Ken ta duna sabiduria?
Proverbionan 2:6 Pasobra Señor ta duna sabiduria; for di Su boka ta sali konosementu i komprendementu.

 

5. Kon nos por risibí sabiduria?
Santiago 1:5 Ma si kualkier di boso falta sabiduria, lagu'é pidi Dios, Kende ta duna na tur hende generosamente i sin reproche, iesaki lo wòrdu duná na djé.

 

6. Ora Salomo a bira rey, kiko ela puntra Señor pa dunel’e?
2 Kronikanan 1:10 Awor dunami sabiduria i konosementu, pa mi por sali i drenta dilanti di e pueblo aki; pasobra ken por goberná e pueblo grandi aki di Bo?"

 

7. Kon Señor a konsiderá e petishon aki?
1 Reinan 3:10 I tabata agradabel den bista di SEÑOR ku Salomon a pidi esaki.

 

8. Kon e orashon di Salomo a wòrdu kontestá?
1 Reinan 3:11-13
11 I Dios a bis'é: "Pasobra bo a pi di esaki i no a pidi bida largu pa bo mes, ni a pidi rikesa pa bo mes, ni bo no a pidi bida di bo enemigunan, ma a pidi pa bo mes disernimentu pa komprendé hustisia,
12 mira, Mi a hasi konforme bo palabranan. Ata, Mi a dunabo un kurason sabí i ku disernimentu, asina ku promé ku bo no tabatin niun manera bo, ni despues di bo lo no lanta otro manera bo.
13 I tambe Mi a dunabo loke bo no a pidi, tantu rikesa komo onor, asina ku entre e reinan lo no tin ni un manera bo den tur bo dianan.

9. Esnan di edat, nan ta semper sabí?
Job 32:9 No ta tur ora esnan di edat haltu ta sabi, tampoko no ta tur ora e ansianonan ta komprendé hustisia.

 

10. Kiko ta e prinsipio di sabiduria?
Salmonan 111:10 E temor di Señor ta e prinsipio di sabiduria; tur hende ku kumpli ku Su mandamentunan tin bon komprendementu; Su alabansa ta permanesé pa semper.

 

11. Pa medio di kiko e Salmista a bira mas sabí ku su enemigunan?
Salmonan 119:98 Bo mandamentunan ta hasimi bira mas sabí ku mi enemigunan, pasobra semper nan ta ku mi.

 

12. Di kon a tabatin mas komprendementu ku su siñadonan?
Salmonan 119:99 Mi tin mas komprendementu ku tur mi siñadónan, pasobra Bo testimonionan ta mi meditashon.

 

13. Ki influemsia sabiduria tin riba e kara?
Eklesiastes 8:1 Ken ta manera e hende sabí i ken sa e interpretashon di un asunto? Un hende su sabiduria ta ilumin'é i ta hasi su kara será briya.

14. Den kiko e yuinan di e mundu aki ta mas astuto ku e yuinan di lus?
Lukas 16:8 "I e shon a gaba e mayordomo inhustu, pasobra el a trata ku astusia; pasobra e yunan di e siglo aki ta mas astuto relashoná ku nan mes sorto ku e yunan di lus.

 

15. Den kiko pablo tabata deseá pa nos ta mas sabí en den kiko mas inosente, òf sin konosementu?
Romanonan 16:19 Pasobra e notisia di boso obedensia a yega na tur hende; pesei mi ta regosihá pa boso motibu, ma mi kier pa boso ta sabi den loke ta bon, i inosente den loke ta malu.

 

16. Kuantu tipo di sabiduria tin?
1 Korintionan 2:6, 7
6 Sinembargo, nos ta papia sabiduria meimei di esnan madurá; un sabiduria sinembargo, no di e siglo aki, ni di e gobernantenan di e siglo aki, kendenan ta muri bai;
7 ma nos ta papia e sabiduria di Dios den un misterio, e sabiduria skondí, ku Dios a predestiná promé ku e siglonan pa nos gloria;

 

17. Kon Dios ta konsiderá e sabiduria di mundu?
1 Korintionan 3:19 Pasobra e sabiduria di e mundu aki ta bobedat dilanti di Dios. Pasobra ta pará skirbi: "E ta Esun ku ta kohe e sabinan den nan astusia"

18. Kiko ta karakterisá e sabiduria ku ta bin di Dios?
Eklesiastes 3:17 Mi a bisa den mi mes: "Dios lo huzga tantu e hende rekto komo e hende malbado," pasobra tin un tempo pa tur asunto i pa tur echo.

 

19. Ki sabiduria Skritura ta kapas pa duna?
2 Timoteo 3:15 i ku for di infansia bo a konosé e skrituranan santu, kualnan por dunabo e sabiduria ku ta hiba na salbashon pa medio di fe, ku ta den Cristo Jesus.