12. Kresementu Kristian i Konklushon

12.18  Sano huisio I sobrio  

 

1. Te ku ki haltura Salomo a pone plaser di mundu na prueba?
Eklesiastes 2:10, 1
10 I mi no a nenga mi wowonan nada di loke nan tabata deseá. Mi no a nenga mi kurason ningun plaser, pasobra mi kurason tabata gosa pa motibu di tur mi trabou; i esaki tabata mi rekompensa pa tur mi trabou.
1 Mi a bisa mi mes: "Bin awor, lo mi ponebo na prueba ku plaser. Pesei, gosa plaser." I mira, esaki tambe tabata banidat.

 

2. Kuantu plaser real e aktitut aki a trese?
Eklesiastes 2:11 Asina mi a konsiderá tur mi aktividatnan ku mi mannan a hasi i e trabou ku mi a tuma pa hasi nan: i mira, tur tabata banidat i korementu tras di bientu. No tabatin probecho bou di solo. Sabiduria i lokura ta banidat

 

3. Kiko Salomo ta bisa e hobennan pa korda den nan hubentut?
Eklesiastes 11:9 Regosihá, hoben, durante di bo hubentut, i laga bo kurason tin plaser durante di e dianan di bo adolesensia. I sigui e kamindanan di bo kurason i e deseonan di bo wowo. Ma sabi si ku Dios lo huzgabo pa tur e kosnan aki.

 

4. Kon nos tin ku biba segun e grasia di Dios?
Tito 2:11,12
11 Pasobra e grasia di Dios a paresé, tresiendo salbashon na tur hende,
12 siñando nos pa renunsiá impiedat i deseonan mundano i pa biba huisioso, hustu i santu den e siglo presente,

 

5. Kua klase di hende ta wòrdu atvertí pa ta moderá?
Tito 2:2-6
2 Hòmbernan di edat mester ta moderá, digno, huisioso, sano den fe, den amor, den pèrseveransia.
3 Di e mesun manera, muhénan di edat mester ta reverente den nan kom-portashon, no kalumniadó, ni sklabisá na biña, siñando loke ta bon,
4 pa nan enkurashá e muhénan hoben pa stima nan esposo, pa stima nan yunan,
5 pa ta huisioso, puru, bon ama di kas, kariñoso, siendo sumiso na nan mes esposo, pa e palabra di Dios no wòrdu desonrá.
6 Di e mesun manera eksortá e hòmbernan hoben pa ta huisioso;

 

6. Kua konseho eksakto tin den e karta na e Romanonan?
Romanonan 13:13 Laga nos komportá nos mes desentemente manera den dia, no den parandiamentu i den buracheria, no den inmoralidat seksual i den sensualidat, no den pleitu i envidia.

 

7. Kua testimonio Pablo ta duna riba e punto aki?
1 Pedro 1:13 Pesei, faha e hepnan di boso mente, sea sobrio, fiha boso speransa kompletamente riba e grasia ku lo wòrdu tresí na boso na e revelashon di Jesu-Cristo.

8. For di kiko nos mester warda nos mes?
Efesionan 5:3, 4
3 Ma no laga inmoralidat òf kualkier sorto di impuresa òf golosidat ni wòrdu mentá mes meimei di boso, manera ta pas pa santunan,
4 ni sushedat, ni papiamentu di ko'i loko, ni chansanan bulgar, ku no ta pas, ma mas bien duna gradisimentu.

 

9. Kiko ta, segun Beibel, e pensamentu di lokura?
Proverbionan 24:9 Plania lokura ta piká, i e hasidó di bofon ta un abominashon pa hende.

 

10. Di kon e ta sumamente nesessario pa ta sobrio i alertá?
1 Petrus 5:8 Sea sobrio, sea alerta. Boso atversario, e diabel, ta kana rònt manera un leon ku ta gruña, buskando ken e por devorá.

 

11. Ki otro pensamentu mester guia nos pa ta ku sano huisio i sobrio?
1 Pedro 4:7 Fin di tur kos ta serka; pesei, sea ku sano huisio I sobrio ku e propósito di por hasi orashon.