12. Kresementu Kristian i Konklushon

12.17  Mansedumbre i Umildat  

 

1. Ki promesa ta wòrdu duná na esnan umilde?
Mateo 5:5 Bendishoná ta esnan umilde, pasobra nan lo eredá e tera.

 

2. Kiko Kristo ta bisa di su mes karakter?
Mateo 11:29 Tuma Mi yugo riba boso, i siña di Mi, pasobra Mi ta mansu i umilde di kurason; i boso lo haña sosiegu pa boso alma.

3. Kiko ta wòrdu bisá di e karakter di Moises?
Numbernan 12:3 Awor e hòrnber Moisés tabata masha umilde, mas ku tur hòmber ku tabatin riba superfisio di tera.

4. Ken Dios a primintí di guie den huisio?
Salmonan 25:9 E ta guia e umildenan den huisio, i E ta siña e umildenan Su kaminda.

 

5. Di kiko mansedumbre ta un fruta?
Galationan 5:22-23
22 Ma fruta di e Spiritu ta amor, goso, pas, pasenshi, kariño, bondat, fieldat,
23 mansedumbre, dominio propio; kontra kosnan asina no tin lei.

 

6. Kiko Kristo ta bisa di esnan ku ta halsa nan mes?
Lukas 14:11 Pasobra ken ku halsa su mes lo wòrdu umiyá, i esun ku umiyá su mes lo wòrdu halsá."

7. Ki ehempel Kristo ta duna di bèrdadero umildat?
Mateo 18:2 -4
2 I Jesus a yama un mucha bin serka djE i a pon'é para nan dilanti,
3 i a bisa: "Di bèrdat Mi ta bisa boso, si boso no kombèrtf i bira manera mucha, boso lo no drenta e reino di shelu.
4 Esun anto ku umiyá su mes manera e mucha aki ta esun di mas grandi den e reino di shelu.

 

8. Kon umildat ta forma nos pa nos konsiderá otro?
Filipensenan 2:3 No hasi nada ku un aktitut di egoismo òf orguyo, ma ku umildat laga kada un di boso konsiderá e otro mas importante ku e mes;

9. Serka ken Dios ta biba?
Isaias 57:15 Pasobra, asina Esun haltu i sublime, Kende ta biba pa semper, Kende Su nòmber ta Santu, ta bisa: "Mi ta biba den un lugá haltu i santu, i tambe huntu ku esnan umilde i di spiritu kibrá, pa rebibá spiritu di e hende kibrá i pa rebibá kurason di e umilde.

 

10. Ku ki spiritu nos mester kontesta esnan ku ta pidi nos kuenta di e speransa ku ta den nos?
1 Pedro 3:15 ma santifiká Cristo komo Señor den boso kurason, i sea semper dispuesto pa duna kontesta na kada un ku pidi boso pa duna kuenta di e speransa ku tin den boso, sinembargo ku suavidat i reverensia;

11. Ken por restorá un hende ku a wòrdu sorprendí den un delito i ku spiritu?
Galationan 6:1 Rumannan, asta si un hende wòrdu sorprendí den kualkier delito, boso, ku ta spiritual, restorá un hende asina den un spiritu di mansedumbre; kada un wak su mes, pa boso tambe no wòrdu tentá.

12. Ku kiko e muhernan Kristian mester dòrná nan mes?
1 Pedro 3:3, 4
3 I no laga boso dòrnamentu ta di pafó so flègtmentu di kabei, bistimentu di hoya di oro, Of bistimentu di paña luhoso;
4 ma lagu'é ta e persona skondi di e kurason, ku e kalidat inkoruptibel di un spiritu suave i ketu, lokual ta presioso den bista di Dios.

 

13. Dikon nos ta wòrdu atvertí oa umiyá nos mes?
1 Pedro 5:6 Umiyá boso mes anto bou di e man poderoso di Dios, pa E por halsa boso na e tempu apropiá,

14. Ku kiko Señor a primintí di dòrna e umildenan?
Salmonan 149:4 Pasobra Señor ta hiba gustu den Su pueblo; E ta dòrna e umildenan ku salbashon.

15. Kiko e umildenan ta wòrdu atvertí di buska?
Sofonias 2:3 Buska Señor, boso tur umildenan di tera ku a kumpli ku Su ordenansanan; buska hustisia; buska umildat. Kisas boso lo wòrdu skondí riba e dia di e rabia di Señor.

16. Ki erensia ta wòrdu primintí na e umildenan?
Salmonan 37:10, 11
10 Pasobra aki poko tempu e malbado lo no t'ei mas; maske kuantu bo buska su lugá, e lo no t'ei.
11 Ma e umildenan lo eredá e tera, i lo deleitá nan mes den pas abundante.