12. Kresementu Kristian i Konklushon

12.16  Unidat di e Kerientenan  

 

1. Ki relashon tin entre e Yui i e Tata?
Juan 10:30 Ami i e Tata ta ún.

2. For di kiko e relashon aki ta eksistí?
Juan 5:30 Mi no por hasi nada di Mi mes. Manera Mi ta tende, Mi ta huzga; i Mi huzgamentu ta hustu, pasobra Mi no ta buska Mi mes boluntat, sino e boluntat di Esun ku amandaMi.

 

3. Kiko Kristo a pidi su Tata pa ku su disipelnan?
Juan 17:11, 22 en 23
11 I Ami no ta den mundu mas, ma nan si ta den mundu, i Mi ta bin serka Bo. Tata santu, warda nan den Bo nòmber. e nòmber ku Bo a dunaMi, pa nan ta un meskos ku Nos.
22 I e gloria ku Bo a dunaMi, Mi a duna nan, pa nan ta ún, meskos ku Nos ta ún;
23 Ami den nan i Abo den Mi, pa nan por ta perfekto den unidat, pa mundu por sa ku ta Abo a mandaMi, i ku Bo a stima nan, meskos ku Bo a stimaMi.

 

4. Pakiko Kristo tabata deseá ku e unidat aki lo a éksistí entre Su siguidornan?
Juan 17:21 pa nan tur por ta ún, meskos ku Abo, o Tata, ta den Mi i Ami den Bo, pa nan tambe por ta den Nos; pa mundu kere ku ta Abo a mandaMi.

5. Na kiko, Kristo a bisa, tur hende lo a konose Su disipelnan?
Juan 13:35 Na esaki tur hende lo sa ku boso ta Mi disipel, si boso tin amor un pa otro."

 

6. Kon Pablo a mustra su preokupashon tokante e asuntu aki?
1 Korintionan 1:10 Awor mi ta eksortá boso, rumannan, pa medio di e nòmber di nos Señor Jesu-Cristo, pa boso tur papia e mesun kos, i pa no tin divishon entre boso, ma pa boso ta perfektamente uni den e mesun mente i den e mesun opinion.

 

7. Kiko tabata e kousa prinsipal di divishon den e prome iglesia?
Echonan 20:29, 30
29 Mi sa ku despues ku mi bai, lobo brabu lo drenta meimei di boso, ku lo no tin miserikòrdia di e tou;
30 i for di meimei di boso mes lo lanta hombeman ku ta papia kosnan pèrvèrso, pa desviá e disipelnan i hasi nan bai nan tras.

 

8. Kiko tabata obrando kaba den tempu di Pablo?
2 Tesalonisensenan 2:7 Pasobra e misterio di inikidat ta obrando kaba; solamente esun ku ta stroba awor lo sigui hasi asina te ora ku e wòrdu kitá for di kaminda.

 

9. Kiko, segun Pablo, mester tuma luga prome ku Kristo lo a bini?
2 Tesalonisensenan 2:3,4
3 No laga ni un hende gaña boso di ningun manera, pasobra e dia ei lo no bin promé ku e kaimentu for di fe yega i e hòmber di piká keda manifestá, e yu di pèrdishon,
4 kende ta oponé i ta halsa su mes riba tur loke ta wòrdu yamá Dios òf opheto di adorashon, asina ku e ta tuma asiento den e tèmpel di Dios, proklamando su mes komo Dios.

 

10. Kiko e kerientenan den Kristo ta forma huntu?
1 Korintionan 12:27 Awor, boso ta e kurpa di Cristo i kada un en partikular miembro di djé.

 

11. Di kiko mas nos ta bira miembro, pasobra nos ta miembro di e kurpa di Kristo?
Romanonan 12:5 asina nos, siendo hopi, ta ún kurpa den Cristo, i kada un en partikular miembro di otro.

 

12. Kiko ta deber di tur, komo miembro di otro?
1 Korintionan 12:25 pa no tin divishon den e kurpa, ma pa e miembronan tin e mesun pèrkurashon un pa otro.

 

13. Kiko nos mester purba di mantené?
Efesionan 4:1-3
1 Pesei, ami, prizonero di Señor, ta roga boso pa kana na un manera digno di e yamada ku kual boso a wòrdu yamá,
2 ku tur umildat i suavidat, ku pasenshi, soportando un i otro den amor,
3 siendo diligente pa preservá e unidat di e Spiritu den e vinkulo di pas.

 

14. Kua unidat di fe mester éksistí finalmente entre e guardianan di Dios?
Isaias 52:8 Skucha! Boso guardianan ta halsa nan bos; tur huntu nan ta grita di goso, pasobra ku nan mes wowo nan lo mira ora Señor restorá Sion.

15. Ki mensahe solém lo uni e pueblo di Dios ku e vinkulonan di fe i amor, djies prome e binida di Señor?
E mensahe di e tres angelnan.
Revelashon 14:6-10
6 I mi a mira un otro angel ta bula meimei di shelu, kende tabatin un evangelio etèrno pa prediká na esnan ku ta biba riba tera, i na tur nashon i tribu i lenga i pueblo;
7 i el a bisa na bos haltu: "Teme Dios i dun'E gloria, pasobra e ora di Su huisio a yega; i adorá Esun ku a traha shelu i tera i laman i fuentenan di awa."
8 I un otro angel, un di dos, a sigui, bisando: "El a kai! Ata e gran Babilonia a kai, esun ku a hasi tur e nashonnan bebe di e biña di e pashon di su inmoralidat."
9 I un otro angel, un di tres, a sigui nan, bisando na bos haltu: "Si un hende adorá e bestia i su imagen, i risibi un marka na su frenta of na su man, lo e tambe
10 bebe di e biña di e furia di Dios, ku ta wòrdu bashá puru den e kòmchi di Su rabia; i e lo wòrdu tormentá ku kandela i swafel den presensia di e angelnan santu i den presensia di e Lamchi.
Lesa tambe Revelashon 18:1-5
.

16. Kon esnan ku ta risibí e mensahe aki, ta wòrdu deskribí?
Revelashon 14:12 At'aki e pèrseveransia di e santunan ku ta warda e mandamentunan di Dios i nan fe den Jesus.

 

17. Ora Señor ta bini, kiko e pueblo di Dios lo sklama ku unidat di bos?
Isaias 25:9 Anto den e dia ei hende lo bisa: "Mira, esaki ta nos Dios, riba Kende nos a spera pa E salba nos. Esaki ta e Señor, riba Kende nos a spera; laga nos regosihá i sea kontentu den Su salbashon."