12. Kresementu Kristian i Konklushon
12.15 E deber pa animá
1. Ora e dies kabesantenan a plama mal notisia tokante e tera Kanaan, kiko Kaléb a bisa e ora ei?
Numbernan 13:30 E ora ei Kalèb a kalma e pueblo dilanti di Moisés, i a bisa: "Laga nos bai mesora i tuma poseshon di djé, pasobra siguramente nos lo vens'é”.
2. Kiko e dies kabesantenan a bisa?
Numbernan 13:31 Ma e hòmbernan ku a bai huntu ku Kalèb a bisa: "Nos no por bai kontra e pueblo, pasobra nan ta muchu fuerte pa nos."
3. Ki influensia e mal notisia tabatatin riba e pueblo?
Numbernan 14:1-4
1 E ora ei henter e kongregashon a halsa bos i a grita, i e pueblo a
yora e anochi ei.
2 I tur e yunan di Israel tabata murmurá kontra Moisés i Aaron; i henter e kongregashon a bisa nan: "Mihó nos a muri na ter a di Egipto! Of mihó nos a muri den e desierto aki!
3 I pakiko Señor ta trese nos na e tera aki pa nos muri pa medio di spada? Nos esposanan i nos yunan chikitu lo bira víktima; no ta mihó nos bolbe Egipto?"
4 Asina nan a bisa otro: "Laga nos nombra un lider i bolbe Egipto."
4. Ku ki palabranan Moises a purbá pa animá?
Deuteronomio 31:7, 8
7 E ora ei Moisés a yama Josué i a bis'é den presensia di henter Israel: "Sea fuerte i tene kurashi, pasobra abo mester bai ku e pueblo aki den e tera ku Señor a hura na nan tatanan di duna nan, i dun'é na nan komo un erensia.
8 I Señor ta Esun ku ta bai bo dilanti; E lo ta ku bo. E lo no fayabo ni bandonábo. No tene miedu ni desmayá."
5. Kiko Moises a bisa Josue den su ultimo mandato na e pueblo, papiando pa Dios?
Deuteronomio 31:23 E ora ei Señor a duna òrdu na Josué, yu hòmber di Nun, i a bisa: "Sea fuerte i tene kurashi, pasobra abo lo hiba e yunan di Israel na e tera ku Mi a hura na nan, i lo Mi ta ku bo."
6. Kon Señor a animá Josue despues di e morto di Moises?
Josué 1:1-6
1 Awor a sosodé despues di e morto di Moisés, sirbidó di Señor, ku
Señor a papia ku Josué, yu hòmber di Nun, Moisés su sirbidó, bisando:
2 "Moisés, Mi sirbidó, a muri; pesei, lant'ariba awor, krusa e Jordan aki, abo i henter e pueblo aki, bai na e tera ku Mi ta duna nan-e yunan di Israe!.
3 Tur lugá ku boso plant'i pia trapa, Mi a duna boso, manera Mi a bisa Moisés.
4 For di e desierto i e Lîbano aki te na e riu grandi, Riu Eufrates, henter e tera di e heteonan, i te na Laman Grandi den direkshon di kaminda solo ta baha, lo ta boso teritorio.
5 Ningun hende lo no por para bo dilanti tur e dianan di bo bida. Meskos ku Mi tabata ku Moisés, asina lo Mi ta ku bo; lo Mi no fayabo ni bandonábo.
6 " Sea fuerte i tene kurashi, pasobra abo lo hasi e pueblo aki eredá e tera ku Mi a hura nan tatanan ku Mi ta duna nan.
7. Kiko Rei Hiskia a bisa Israel, ora Sanherib, Rei di Asiria, kier a hasi guera kontra Israel?
2 Kronikanan 32:7,8
7 "Sea fuerte i tene kurashi; no tene miedu ni desmayá pa motibu di rei di Asiria, ni pa motibu di henter e multitut ku ta huntu kuné; pasobra Esun ku ta ku nos ta mas grandi ku esun ku ta kuné.
8 E tin solamente un brasa di karni kuné, ma nos tin SEÑOR nos Dios huntu ku nos, pa yuda nos i pa bringa nos batayanan." I e pueblo a konfia den e palabranan di Ezekias, rei di Juda.
8. Kiko tabata e efekto di e palabranan aki riba e pueblo?
2 Kronikanan 32:8 E tin solamente un brasa di karni kuné, ma nos tin SEÑOR nos Dios huntu ku nos, pa yuda nos i pa bringa nos batayanan." I e pueblo a konfia den e palabranan di Ezekias, rei di Juda.
9. Kon Josue a purba di enkurashá e sirbishi di Señor?
2 Kronikanan 35:2 I el a pone e saserdotenan den nan puesto i a enkurashá nan pa e sirbishi di e kas di Señor.
10. Dor di kua mensahe Dios a purba di enkurasha su pueblo pa rekonstruí e tempel?
Hageo 2:4 Ma awor tene kurashi, Zorobabel,' Señor ta deklará, 'tambe tene kurashi Josué, yu hòmber di sumosaserdote Josadak, i boso tur, yu di tera, tene kurashi,' Señor ta deklará, 'i traha; pasobra Mi ta ku boso,' e Señor di ehérsitonan ta bisa.
11. Kua mensahe Kristo laga atras pa nos?
Juan 16:33 "E kosnan aki Mi a papia ku boso, pa den Mi boso por tin pas. Den mundu boso tin tribulashon, ma tene kurashi, Mi a vense mundu."