12. Kresementu Kristian i Konklushon
12.20 Diligensia
1. Ki mandato general Dios a duna tokante labor?
Eksodo 20:9 Seis dia bo mag traha i hasi tur bo trabou,
2. Na luga di biba di limosna, ki otro amonestashon ta wòrdu duná?
Efesionan 4:28 Laga esun ku ta hòrta, no hort a mas; ma mas bien, lagu'é traha, hasiendo ku su mes mannan loke ta bon, pa e por tin aigu pa kompartí ku esun ku ta den nesesidat.
3. Kua regla general Pablo a duna riba e asuntu aki?
2 Tesalonisensenan 3:10 Pasobra tambe tempu ku nos tabata serka boso, nos tabatin e kustumber di ordená boso esaki: si un hende no kier traha, no lagu'é kome tampoko.
4. Den kua palabranan ela kondená flohero?
2 Tesalonisensenan 3:11,12
11 Pasobra nos ta tende ku algun den boso ta hiba un bida desordená, sin hasi ningun trabou, ma ta mete den asunto di otro hende.
12 Awor sorto di hendenan asina nos ta ordená i eksortá den Señor Jesu-Cristo pa traha na un manera trankil i kome nan mes pan.
5. Kua Pablo tabata un ehempel den e asuntu aki?
Tesalonisensenan 3:8 tampoko nos no a kome pan di ningun hende sin paga, ma ku trabou i esfuerso nos a traha anochi i di dia, pa nos no ta un karga pa ningun hende;
6. Kon hende mester a traha despues ku nan a peka?
Genesis 3:19 Ku sodó di ba frenta la bo kome pan, te ora bo bolbe na tera, pasobra for di djé bo a wòrdu tumá; pasobra stòf bo ta, i na stòf la bo bolbe.
7. Kiko ta algun konekuensia di trabou?
Proverbionan 13:4 Alma di e hende floho ta antohá i no ta haña nada, ma alma di e hende balente ta keda satisfecho.
8. Kiko ta konsekuensia di flohero i negligensia?
Proverbionan 10:4 Esun ku traha ku man negligente ta bira pober, ma man di e balente ta hasi riku.
9. Kiko Salomo ta bisa di deligensia?
Eklesiastes 9:10 Tur loke bo man haña pa hasi, hasié ku tur bo forsa; pasobra no tin ni aktividat ni planifikashon ni sabiduria den Seol, kaminda bo ta bai.
Proverbionan 10:5 Esun ku rekohé den zomer ta un yu sabí, ma esun ku drumi den tempu di kosecha ta un yu ku ta kousa bèrguensa.
10. Kiko Pablo ta bisa tokante un muhé virtuoso?
Proverbionan 31:27,28
27 E ta tene e kamindanan di su famia bon na bista, i no ta kome pan di flohedat.
28 Su yunan ta lanta i ta yam'é bendishoná; su esposo tambe, i e ta gab'é, bisando
11. Kiko Pablo ta bisa di esnan ku ta konfesá kristianidat, pero na ta proveé pa su famia?
1 Timoteo 5:8 Ma si un hende no proveé pa su mes hendenan, i spesialmente pa esnan di su kas, el a nenga e fe i ta pió ku un inkrédulo.
12. Kon Salomo ta pinta e floho?
Proverbionan 24:30, 31
30 Mi a pasa banda di kunuku di un floho, banda di hòfi di wendrùif di un hende ku falta komprendementu.
31 I mira, tabatin kadushi ta krese tur kaminda; e superfisio tabata yen-yen di bringamosa. I su transhi a keda bashá abou.
13. Kiko ta nesesario den asuntunan spiritual tambe?
2 Pedro 1:5-10
5 Awor pa e mesun motibu aki tambe, hasiendo tur diligensia, añadí na boso fe, birtut, i na boso birtut, konosementu;
6 i na boso konosementu, dominio propio, i na boso dominio propio, pèrseveransia, i na boso pèrseveransia, santidat;
7 i na boso santidat, kariño fraternal, i na boso kariño fraternal, amor.
8 Pasobra si e kalidatnan aki ta den boso i ta oumentando, nan lo no laga boso keda inútil ni sin fruta den e konosementu bèrdadero di nos Señor Jesu-Cristo.
9 Pasobra esun ku ta falta e kalidatnan aki ta siegu, òf no ta mira leu, i a lubidá e purifikashon di su pikánan di antes.
10 Pesei, rumannan, sea ainda mas diligente pa ta sigur ku ta El a yama i a skohe boso; pasobra tanten ku boso ta praktiká e kosnan aki, boso lo no trompeká nunka;