12. Kresementu Kristian i Konklushon

12.11  Satisfakshon  

1. Kiko ta di gran ganashi, segun apostel Pablo?
1 Timoteo 6:6,7
6 Ma di bèrdat, santidat akompañá pa kontentamentu ta di gran ganashi.
7 Pasobra nos no a trese nada den mundu, i nos no por hiba nada for di djé tampoko.

2. Ku kiko nos ta wòrdu atvertí, pa keda kontentu?
Hebreonan 13:5 Laga boso karakter ta liber di amor pa plaka i sea kontentu ku loke boso tin; pasobra E mes a bisa: "Nunka lo Mi no bandonábo, i nunka lo Mi no lagabo desampará, "
1 Timoteo 6:8 I si nos tin kuminda i paña pa bistí, ku esakinan nos mester ta kontentu.

3. Di kiko, Hesus ta bisa, nos no mester preokupá?
Mateo 6:31, 32
31 No preokupá boso mes anto, bisando: 'Kiko nos lo kome?' òf 'Kiko nos lo bebe? òf 'Kiko nos lo bisti?'
32 Pasobra tur e kosnan aki e paganonan ta buska; ma boso Tata selestial sa ku boso tin mester di tur e kosnan aki.

4. Ki malu ta pasa esnan ku kier bira riku?
1 Timoteo 6:9,10
9 Ma esnan ku kier bira riku ta kai den tentashon i den trampa i den hopi deseonan loko i dañino, kualnan ta hundi hende den ruina i destrukshon.
10 Pasobra amor pa plaka ta rais di tur sorto di maldat, i algun hende, dor di deseá esaki, a desviá for di e fe, i a traspasá nan mes ku hopi doló.

5. Pa medio di ki ehempel Kristo tabata siña kontenttura?
Lukas 12:24-28
24 Konsiderá e rafnan, pasobra nan no ta sembra ni kosechá; i nan no tin lugá pa warda provishon, ni mangasina; i tòg Dios ta alimentá nan; kuantu mas ku parha boso no ta bal!
25 I kual di boso, dor di preokupá, por añadí ún kodo na su haltura?
26 Si boso anto no por hasi ni sikiera un kos asina chikitu, pakiko boso ta preokupá pa otro asuntonan?
27 "Konsiderá e lelinan, kon nan ta krese; nan no ta traha mata kurpa, ni nan no ta hila; ma Mi ta bisa boso ku ni Salomon den tur su gloria no tabata bisti manera un di esakinan.
28 Ma si di tal manera Dios ta bisti e yerba di sabana, lokual awe t'ei i mañan ta wòrdu tirá den fòrnu, kuantu mas E lo bisti boso, o hendenan di poko fe!

6. Ki lès den kontentura Pablo a bisa ku ela siña?
Filipensenan 4:11 No ku mi ta papia pasobra mi tin nesesidat; pasobra mi a siña di ta kontentu den ki sirkumstansia ku mi hañami aden.

7. Kua promesa bieu tin ku guia nos pa ta kontentu?
Genesis 8:22 "Mientras ku tera ta ermanesé, tempu di sembra i tempu di kosechá, i frialdat i kalor, i zomer i wenter, i dia i anochi lo no kaba."

8. Riba ken nos por tira nos preokupashon?
1 Pedro 5:7 tirando tur boso preokupashon riba djE, pasobra E ta pèrkurá pa boso.