12. Kresementu Kristian i Konklushon

12.10  Pasenshi  

 

1. Kiko Beibel bisa tokante di pasenshi?
1 Tesalonisensenan 5:14 I nos ta roga boso, rumannan, spièrta esnan ku ta hiba un bida desordená, enkurashá esnan ku ta falta ánimo, yuda e debilnan, tene pasenshi ku tur hende.
Eklesiastes 7:8 Fin di un asunto ta mihó ku su prinsipio; i pasenshi ta mihó ku orguyo.

 

2. Ki diferensha ta wòrdu mustra entre e saksenu i esun ku ta iritabel?
Proverbionan 14:29 Esun ku no ta rabia lihé tin gran komprendementu, ma esun ku ta rabia lihé ta halsa bobedat.

 

3. Ken ta wòrdu yamá komo ehempel di pasenshi?
Santiago 5:10,11
10 Rumannan, tuma e profetanan ku a papia den e nòmber di Señor komo un ehèmpel di sufrimentu i di pasenshi.
11 Mira, nos ta konsiderá komo bendishoná esnan ku a pèrseverá. Boso a tende di e pèrseveransia di Job i a mira e fin ku Señior tabatin na bista, ku Señor ta yen di kompashon i ta miserikòrdioso.

 

4. Kiko ta wòrdu bisá di esnan ku ta pèrserverá den prueba?
Santiago 1:12 Bendishoná ta un hende ku ta pèrseverá den prueba; pasobra unabes ku el a pasa e prueba, e lo risibí e korona di bida, ku Señor a primintí na esnan ku ta stim'E.
Mateo 10:22 I tur hende lo odia boso pa kous a di Mi nòmber, ma ta esun ku a pèrseverá te na fin lo ta salbá.

 

5. Kiko prueba di fe ta produsí?
Santiago 1:3 sabiendo ku e prueba di boso fe ta produsí pèrseveransia.
Romanonan 5:3 I no solamente esaki, ma nos ta regosihá tambe den nos tribulashonnan, sabiendo ku tribulashon ta produsí pèrseveransia;

 

6. Kua bon karakterístika mester añadí na dominio propio?
2 Pedro 1:6 i na boso konosementu, dominio propio, i na boso dominio propio, pèrseveransia, i na boso pèrseveransia, santidat;
Nota: Pasenshi naturalmente ta sigui dominiopropio. Ta pa esei e peso pa siña biba un bida rekto, siña dominá nos pashonnan i deseonan.

 

7. Dikon nos ta wòrdu atvertí pa tene pasenshi?
Santiago 1:4 I laga pèrseveransia tin su resultado perfekto, pa boso por ta perfekto i kompleto, sin falta di nada.

8. Kua tèst di perfekshon di karakter, skritura ta indiká?
Santiago 3:2 Pasobra nos tur ta trompeká na hopi manera. Si un hende no ta trompeká den loke e ta bisa, e ta un hende perfekto, kapas pa frena henter e kurpa tambe.

 

9. Dikon nos ta wòrdu atvertí di sigui kore e kareda Kristian?
Hebreonan 12:1,2
1 Pesei, komo ku nos tin un nubia asina grandi di testigunan ta rondoná nos, laga nos tambe pone un banda tur strobashon, i e piká ku ta mara nos asina fasil, i ku pèrseveransia laga nos kore e kareda ku ta poní nos dilanti,
2 fihando nos wowo riba Jesus, e outor i kumplidó di fe, Kende, pa motibu di e goso poni Su dilanti, a soportá e sufrimentu di krus, sin hasi kaso di bèrguensa, i a sinta na man drechi di e trono di Dios.

 

10. Riba kua evento grandi nos tin ku warda ku pasenshi, segun Skritura?
2 Tesalonisensenan 3:5 I ku Señor dirigí boso kurason den e amor di Dios i den e firmesa di Cristo.
Santiago 5:7,8
7 Pesei, te ne pasenshi, rumannan, te na e binida di Señor. At'e kunukero ta spera e produkto presioso di e tera, teniendo pasenshi kuné, te ora ku e haña e awaserunan tempran i lat.
8 Boso tambe tene pasenshi; fortalesé boso kurason, pasobra e binida di Señor ta serka.

 

11. Kiko lo ta un marka di e iglesia, ku ta forma e remanente?
Revelashon 14:12 At'aki e pèrseveransia di e santunan ku ta warda e mandamentunan di Dios i nan fe den Jesus.

 

12. Kiko mester ta e lenga di kada kurason?
Salmonan 130:5 Mi ta spera riba Señor, mi alma ta spera, i mi speransa ta den Su palabra.

 

13. Kiko Su pueblo lo bisa ora Kristo ta bini?
Isaias 25:9 Anto den e dia ei hende lo bisa: "Mira, esaki ta nos Dios, riba Kende nos a spera pa E salba nos.”