12. Kresementu Kristian i Konklushon

12.12  Alegria  

 

1. Kiko Hesus a bisa su disipelnan, prome Ela bai for di nan?
Juan 16:33 "E kosnan aki Mi a papia ku boso, pa den Mi boso por tin pas. Den mundu boso tin tribulashon, ma tene kurashi, Mi a vense mundu."

 

2. Kual tabata algun di e palabranan di kurashamentu, ku Ela papia ku nan?
Juan 14:1-3
1 "No lag a boso kurason bira intrankil; kere den Dios, kere tambe den Mi.
2 Den kas di Mi Tata tin hopi lugá-di-biba; si no tabata asina, lo Mi a bisa boso; pasobra Mi ta bai pa prepará un lugá pa boso.
3 I ora Mi bai i prepará un lugá pa boso, lo Mi bin atrobe i risibi boso serka Mi, pa kaminda Ami ta, boso tambe por ta.

 

3. Den kua spiritu nos mester sirbi Señor?
Salmonan 100:2 Sirbi Señor ku goso; bin den Su presensia ku kantamentu gososo
.

4. Kiko ta wòrdu sembrá pa esnan rekto di kurason?
Salmonan 97:11 Lus ta sembrá pa e hustu, i alegria pa esnan ku ta rekto di kurason.

 

5. Ki influensia un kurason kontentu tin?
Proverbionan 17:22 Un kurason kontentu ta un bon remedi, ma un spiritu abatí ta seka wesu.

 

6. Kua influensia palabranan di kurashamentu tin riba e kurason?
Proverbionan 12:25 Ansha den kurason di hende ta hasié abatí, ma un bon palabra ta hasié kontentu.

 

7. Dor di kua bendishonnan temporal, Dios ta yena e kurason humano ku alegria?
Echonan 14:17 i tòg E no a laga Su mes sin testimonio, dor ku EI a hasi bon i a manda awaseru for di shelu i tempu di bon kosecha pa boso, i a satisfasé boso kurason ku kuminda i alegria."

8. Di kon I den kiko kada yui di Dios por regosihá?
Isaias 61:10 Lo mi gosa grandemente den Señor; mi alma lo regosihá den mi Dios, pasobra El a bistimi ku e bistínan di salbashon. El a lorami den e mantel di hustisia, manera un brùidehòm ta dòrna su kabes ku un korona, i manera un brùit ta dòrna su mes ku su prendanan.


9. Kontra kiko Kristo ta spierta nos?
1 Korintionan 10:10 I no murmurá, manera algun di nan a hasi i a wòrdu destruí dor di e destruidó.

 

10. Kiko ta wòrdu bisá na nos pa hasi asta ora nos ta wòrdu persigui?
Lukas 6:22, 23
22 Bendishoná ta boso ora hende ta odia boso i ta ekskluî boso i ta insultá boso,
i ta rechasá boso nömber komo malu, pa kousa di e Yu di Rende.
23 "Sea kontentu den e dia ei i bula di goso, pasobra mira, boso rekompensa ta grand i den shelu; pas ob ra meskos nan tatanan tabata hasi ku e profetanan.

 

11. Kiko e apostelnan a hasi, ora e lidernan Hudiu a suta nan, pa motibu ku nan tabata prediká Kristo?
Echonan 5:41 Asina nan a bai for di presensia di e Konsilio, regosihando ku nan a wòrdu konsiderá digno pa sufri bèrguensa pa Su nòmber.

12. Kiko Pablo i Silas a hasi den prison, despues di a wòrdu sutá I nan pia tabata será na sepa?
Echonan 16:24, 25
24 i esaki, despues di a risibi un òrdu asina, a tira nan den e prizon di mas paden i a sera nan pia na sepa.
25 Ma banda di mei anochi Pablo i Silas tabata hasi orashon i tabata kanta himno di alabansa na Dios, i e prezonan tabata skucha nan;

 

13. Ki siguransa ta wòrdu duná, ku e yui di Dios por enfrentá I soportá kada prueba, difikultat i tentashon den bida?
Romanonan 8:28 l nos sa ku Dios ta hasi tur kos obra huntu pa bon pa esnan ku ta stima Dios, pa esnan ku ta yamá segun Su propósito.

 

14. Kon konstante nos alegria mester ta?
Filipensenan 4:4 Regosihá den Señor semper; atrobe lo mi bisa, regosihá!