12. Kresementu Kristian i Konklushon

12.1  Kresementu den Grasia 

1. Kon apostel Pedro ta será su segundo kartamisionero?
2 Pedro 3:18 ma krese den e grasia i konosementu di nos Señor i Salbador Jesu-Cristo. Na E sea e gloria, awor i te na e dia di etèrnidat. Amèn.

2. Kon grasia i paz por multipliká na e kerientenan?
2 Pedro 1:2 Grasia i pas sea multipliká na boso dordi e konosementu di Dios i di Jesus nos Señor;

3. Kiko e konosementu di Dios i Hesu Kristo ta impliká?
Juan 17:3 I esaki ta bida etèrno, ku nan por konoséBo, e úniko Dios bèrdadero, i Jesu-Cristo, Kende Bo amanda.

4. Pa medio di kiko nos bira partisipante di e naturalesa dibino?
2 Pedro 1:3-4
3 komo ku Su poder divino a duna nos tur kos ku ta pertenesé na bida i santidat, dor di e konosementu bèrdadero di Esun ku a yama nos pa medio di Su mes gloria i ekselensia.
4 Pasobra pa medio di esakinan El a duna nos Su promesanan presioso i maraviyoso, ku pa medio di nan boso por a bira partisipante den e naturalesa divino, ya ku boso a skapa for di e korupshon ku tin den mundu pa kous a di pashon.

5. Kua bon kalidat nos mester añadí na formamentu di nos karakter?
2 Pedro 1:5-7
5 Awor pa e mesun motibu aki tambe, hasiendo tur diligensia, añadí na boso fe, birtut, i na boso birtut, konosementu;
6 i na boso konosementu, dominio propio, i na boso dominio propio, pèrseveransia, i na boso pèrseveransia, santidat;
7 i na boso santidat, kariño fraternal, i na boso kariño fraternal, amor pa tur.

6. Kiko Skritura ta bisa nos tokante amor?
1 Korintionan 13:4-7
4 Amor tin pasenshi, amor ta karñioso i no ta yalurs; amor no ta gaba, i no ta arogante,
5 e no ta komportá su mes indesente; e no ta buska su propio interes, e no ta wòrdu proboká, e no ta warda renkor, ‘
6 e no ta regosihá den inhustisia, ma ta regosihá den e bèrdat;
7 tur kos e ta tapa, tur kos e ta kere, tur kos e ta spera, tur kos e ta soportá.
1 Pedro 4:8 Riba tur kos, keda ferviente den boso amor pa otro, pasobra amor ta kubri un multitut di piká.
Proverbionan 10:12 Odio ta lanta pleitu, ma amor ta tapa tur piká.

7 . Kiko amor ta?
Kolosensenan 3:14 I ademas di tur e kosnan aki bisti amor, kual ta e laso perfekto di unidat.
.

8. Kiko ta e resultado ora nos desaroyá e ocho kalidatnan aki?
2 Pedro 1:8 Pasobra si e kalidatnan aki ta den boso i ta oumentando, nan lo no laga boso keda inútil ni sin fruta den e konosementu bèrdadero di nos Señor Jesu-Cristo.

9. Kiko ta e situashon di un persona ku ta falta kalidatnan aki?
2 Pedro 1:9 Pasobra esun ku ta falta e kalidatnan aki ta siegu, òf no ta mira leu, i a lubidá e purifikashon di su pikánan di antes.

10. Kiko ta wòrdu primintí na esnan ku ta añadí un grasia na e otro?
2 Pedro 1:10 Pesei, rumannan, sea ainda mas diligente pa ta sigur ku ta El a yama i a skohe boso; pasobra tanten ku boso ta praktiká e kosnan aki, boso lo no trompeká nunka;