11. E Bida solamente den Kristo

11.8 E sirbishi di e angelnan di maldat

 

1. Kontra ken nos ta lucha?
Efesionan 6:12 Pasobra nos lucha no ta kontra karni i sanger, sino kontra e gobernantenan, kontra e podernan, kontra e forsanan mundial di e skuridat aki, kontra e forsanan spiritual di maldat den e lugánan selestial.

 

2. Unda Dios a tira e angelnan ku a peka?
2 Pedro 2:4 Pasobra si Dios no a spar angelnan ora nan a peka, ma a tira nan den fièrnu i a kondená nan na posnan di skuridat, pa wòrdu reservá pa huisio,
.

3. Kiko satanas ta wòrdu yamá?
2 Korintionan 4:4 den kende nan kaso e dios di e mundu aki a siega mente di esnan ku no ta kere, pa nan no mira e lus di e evangelio di e gloria di Cristo, Kende ta e imagen di Dios.
Juan 14:30 Ami lo no papia muchu mas ku boso, pasobra e prens di e mundu aki ta bin, i e no tin nada di aber ku Mi;
Efesionan 2:2 den kualnan boso tabata kana antes segun e kurso di e mundu aki, segun e prens di e poder di laira, di e spiritu ku ta obra awor den e yunan di desobedensia.

 

4. Kon numeroso ta e spiritunan di maldat?
Marko 5:9 I El a puntr'é: "Kon bo nòmber ta?" I el a kontest'E: "Mi nòmber ta Legion; pasobra nos ta hopi."

 

5. Kiko ta e trabou prinsipal di Satanas i su angelnan?
1 Pedro 5:8 Sea sobrio, sea alerta. Boso atversario, e diabel, ta kana rònt manera un leon ku ta gruña, buskando ken e por devorá.
Revelashon 12:9-12
9 I e gran dragon a wòrdu tirá abou, e kolebra di antiguedat, kende ta wòrdu yamá diabel i Satanás, kende ta gaña henter mundu; el a wòrdu tirá abou riba tera, i su angelnan a wòrdu tirá abou huntu kuné.
10 I mi a tende un bos duru den shelu, bisando: "Awor e salbashon i e poder i e reino di nos Dios i e outoridat di Su Cristo a yega, pasobra e akusadó di nos rumannan, ku ta akusá nan di dia i anochi dilanti di nos Dios, a wòrdu tirá abou.
11 I nan a vens'é pa motibu di e sanger di e Lamchi i pa motibu di e palabra di nan testimonio, i nan no a stima nan bida te na morto.
12 Pa e motibu aki, regosihá, o shelunan i boso ku ta biba den nan.
Ai di tera i laman, pasobra diabel a baha bin serka boso ku gran furia, sabiendo ku ta ked'é solamente un poko tempu mas."
Revelashon 16:14 pasobra nan ta spiritunan di demoñonan ku ta hasi milagernan, ku ta sali bai serka e reinan di henter mundu, pa reuni nan pa e guera di e gran dia di Dios Todopoderoso.

 

6. Kiko nos ta wórdu atvertí pa no hasi?
Efesionan 4:26, 27
26 Rabia, ma no hasi piká"; no laga solo baha riba boso rabia,
27 i no duna diabel oportunidat.

 

7. Kua spiritunan ta semper kla pa gaña i tira abou esnan ku no ta paga tino òf tin e tendensia pa dwal?
1 Reinan 22:20-22
20 I Señor a bisa: 'Ken lo gaña Akab pa bai muri na Ramot-galaad?' "I un a bisa esaki i un otro a bisa esaya.
21 E ora ei un spiritu a bin dilanti i a bai para dilanti di Señor, i a bisa: 'Ami lo gañ'é.'
22 "I Señor a bis'é: 'Kon?' "I el a bisa: 'Ami lo bai i bira un spiritu di mentira den boka di tur su profetanan. '
2 Tesalonisensenan 2:10,11
10 i ku tur e engaño di inikidat pa esnan ku ta peresé, pasobra nan no a aseptá e amor pa e bèrdat, pa nan por wòrdu salbá.
11 I pa e motibu aki Dios lo manda riba nan un influensia di eror, pa nan kere mentira,

 

8. Ku kua tipo di aflikshon hendenan tabata sufri den tempu di Hesus?
Mateo 4:24 I Su fama a piama den henter Siria; i nan tabata trese serka djE tur hende ku tabata afligí ku tur sorto di malesa i doló, hende posei pa demoño, epiléptikonan i paralitikonan; i E tabata kura nan.

 

9. Kon e mal spiritunan tin biaha tabata trata esnan ku nan tabata poseé?
Lukas 9:42 I mientras ku e tabata aserkando, e demoño a bent'é abou na suela i a pon'é haña steipi. Ma Jesus a reprendé e spiritu impuru i a kura e mucha hòmber i a dun'é bèk na su tata.

 

10. Di kon nos lo por spera un oumento di revelashonnan diaboliko ora nos ta aserkando e esenarionan final di e tempu di meserikòrdia pa hende?
Revelashon 12:12 Pa e motibu aki, regosihá, o shelunan i boso ku ta biba den nan. Ai di tera i laman, pasobra diabel a baha bin serka boso ku gran furia, sabiendo ku ta ked'é solamente un poko tempu mas."

11. Tokante di kiko nos a wòrdu di informá klaramente?
1 Timoteo 4:1 Ma e Spiritu ta bisa klaramente ku den e ultimo tempunan algun lo kai for di fe, dor di paga atenshon na spiritunan engañoso i doktrinanan di demoñonan,

 

12. Kua klase di sirbidornan di Dios a wòrdu matá òf persigui dor di angelnan di maldat ku pa medio di hende malbado, por a hasi nan trabou?
Echonan 7:52 Ta kual di e profetanan boso tatanan no a pèrsigui? I nan a mata esnan ku a anunsiá di padilanti e binida di Esun Hustu, Kende Su traidónan i matadónan boso a bira awor,

 

13. Kiko lo ta e kondenashon final di satanas i su angelnan?
Malakias 4:1 Pasobra mira, e dia ta bin; e lo kima manera fòrnu; i tur e hendenan arogante i kada hasidó di maldat lo ta bagas; i e dia ku ta bin lo sende nan na kandela," e Señor di ehérsitonan ta bisa, "asina ku ni nan rais ni nan rama lo no keda.
Revelashon 20:9 I nan a subi bin riba henter e hanchura di tera i a rondoná e kampamentu di e santunan i e stat stimá; i kandela a baha for di shelu i a devorá nan.