11. E Bida solamente den Kristo

11.7  E Sirbishi di e Bon Angelnan

 

1. Di kua famia Pablo ta papia den e karta na Efeso?
Efesionan 3:14,15
14 Pa e motibu aki mi ta dobla mi rudia dilanti di e Tata,
15 di Kende henter e famia den shelu i riba tera ta haña su nòmber,

 

2. Ku kua nòmber e miembronan di e famia aki ta wòrdu yamá?
Job 1:6 Awor a yega un dia ku e yu hòmbernan di Dios a bin pa presentá nan mes dilanti di Señor, i Satanás tambe a bin den nan.
1 Juan 3:1 Mira ki un amor grandi e Tata a duna nos, ku nos por wàrdu yamá yunan di Dios; i esei nos ta. Pesei mundu no konosé nos, pasobra e no a konos'E.

 

3. Normalmente ku kua nòmber nos ta menta esnan ku ta part di e famia den shelu?
Revelashon 5:11 I mi a wak, i mi a tende bos di hopi angel rònt di e trono i e kriaturanan bibu i e ansianonan; i nan kantidat tabata dies mil biaha dies mil i miles i miles,

4. Tabatin angelnan prome ku hendenan a muri?
Genesis 3:24 Asina EI a saka e hòmber afó; anto parti pariba di hófi di Edén EI a stashoná e kerubinnan i un spada tur na fIam di kandela ku tabata bira den tur direkshon, pa warda e kaminda ku ta bai na e palu di bida.

 

5. Ken tabata testigunan ora e fundeshinan di tera tabata wòrdu poné?
Job 38:6,7
6 Riba kiko su fundeshinan a wòrdu wantá? òf ken a pone su piedra di skina,
7 tempu ku e streanan di mardugá tabata kanta huntu, i tur e yu hòmbernan di Dios tabata grita di alegria?

 

6. Kuantu di sernan aki Juan a mira rondo di e trono?
Revelashon 5:11 I mi a wak, i mi a tende bos di hopi angel rònt di e trono i e kriaturanan bibu i e ansianonan; i nan kantidat tabata dies mil biaha dies mil i miles i miles,

7. Angelnan ta pertenesé na òrden mas haltu ku hende?
Salmonan 8:4-6
4 ta kiko hende ta, ku Bo ta kòrda di dJé? I e yu di hende, ku Bo ta hasi kaso di djé?
5 Sinembargo, Bo a hasié un poko menos ku e angelnan, i ta koron'é ku gloria i mahestat!
6 Bo ta lagu'é tin dominio riba e obranan di Bo mannan; Bo a pone tur kos bou di su pia,

 

8. Kristo a yega di wòrdu yamá un angel?
Daniel 12:1 "Awor e tempu ei, Miguel, e gran prens ku ta protehá e yu hòmbernan di bo pueblo, lo lanta. I lo tin un tempu di angustia manera nunka tabatin for
1 Tesalonisensenan 4:16 Pasobra Señor mes lo baha for di shelu ku un gritu, ku bos di arkangel i ku tròmpèt di Dios; i e mortonan den Cristo lo lanta promé.
Eksodo 23:20-23
20 "Mira, Mi ta bai manda un Angel bo dilanti pa wardabo na kaminda, i pa hibabo na e lugá ku Mi a prepará.
21 Paga bon ti no na djE i obedesé Su bos; no sea rebelde kontra djE, pasobra E lo no pordoná boso transgreshon, komo ku Mi nòmber ta den djE.
22 Ma si di bèrdat bo kier obedesé Su bos i hasi tur loke Mi bisa, e ora ei Ami lo ta un enemigu pa bo enemigunan i un atversario pa bo atversarionan.
23 Pasobra Mi Angel lo bai bo dilanti i hibabo na e tera di e amoreonan, e heteonan, e ferezeonan, e kananeonan, e heveonan i e jebuseonan; i lo Mi destruí nan kompletamente.
Echonan 7:38 Esaki ta esun ku tabata den e kongregashon den desierto huntu ku e Angel ku tabata papia kuné riba Seru Sinai, i ku tabata ku nos tatanan; i el a risibí palabranan bibu pa duna boso.
1 Korintionan 10:4 i tur a bebe e mesun bibida spiritual, pasobra nan tabata bebe for di un baranka spiritual ku tabata sigui nan; i e baranka tabata Cristo.
Isaias 63:9 Den tur nan afiikshon E tabata afligí, i e Angel di Su presensia a salba nan. Den Su amor i den Su miserikòrdia EI a redimï nan; EI a hisa nan i a karga nan tur e dianan di promé aya.
Judas 8 Ma e arkangel Miguel, ora ku e tabata pleita ku diabel i tabata diskutí tokante di e kurpa di Moisés, no a tribi pronunsiá un huisio di maldishon kontra djé, ma a bisa: "SEÑOR reprendébo."

 

9. Kiko ta wòrdu bisá di e poder i karakter di angelnan?
Salmonan 103:20 Bendishoná Señor, boso, Su angelnan, poderoso den fortalesa, ku ta ehekutá Su palabra, obedesiendo e bos di Su palabra!

10. Ki deskripshon Daniel ta duna duna di Gabriel?
Daniel 10:6 I mira, ún ku tabata parse un ser humano a mishi ku mi lepnan; e ora ei mi a habri mi boka i a papia, i mi a bisa esun ku tabata pará mi dilanti: "O mi señor, komo resultado di e vishon, angustia a bin riba mi i mi no tin forsa mas.

 

11. Kiko tabata e aparensia di e angel ku a lora e piedra i hal'é un banda for di e graf riba dia di resurekshon di Kristo?
Mateo 28:3 I su aparensia tabata manera lamper , i su pañanan blanku manera sneu;

 

12. Kiko ta mustra ku e angelnan ku a wòrdu manda na Abraham i Lot tabata sernan real?
Genesis 18:8 I el a kohe manteka i lechi i e bishé ku el a prepará i a pone esaki nan dilanti; i e tabata pará serka nan bou di e palu mientras ku nan tabata kome.
Genesis 19:3 Ma el a keda insisti; asina nan a bai serka djé i a drenta su kas; i el a prepará un fiesta pa nan i a traha pan sin zùrdeg, i nan a kome.

 

13. Ki motibu Pablo ta duna pa enkurashá entrenamentu di stranhero?
Hebreonan 13:2 No laga di mustra hospitalidat na stranhero, pasobra dor di hasi esaki algun hende a entretené angelnan .sin sa.

 

14. Kiko Jakob a mira den su soño na Betel?
Genesis 28:12 I el a soña, i mira, un trapi a wòrdu poní riba tera ku su parti di ariba alkansando shelu i mira, e angelnan di Dios tabata subi baha riba djé.

 

15. Na ken su outoridat e angelnan ta sumití?
1 Pedro 3:21,22
21 I korespondiendo na esei, boutismo awor ta salba boso no e kitamentu di sushi for di e karni, ma un apelashon na Dios pa un bon konsenshi pa medio di e resurekshon di Jesu-Cristo,
22 Kende ta na man drechi di Dios, despues di a subi na shelu, despues ku angelnan i outoridatnan i podernan a wèrdu someti na djE.

 

16. Ku ki tipo di trabou e angelnan ta okupá?
Hebreonan 1:14 Nan tur no ta spiritunan ku ta sirbi, mandá pa sirbi esnan ku lo eredá salbashon?

 

17. Kua teksto ta mustra ku kada yui di Dios tin un angel wardador?
Mateo 18:10 "Mira pa boso no despresiá un di e chikitunan aki, pasobra Mi ta bisa boso ku nan angelnan den shelu kontinuamente ta kontemplá kara di Mi Tata ku ta den shelu.

 

18. Kon e warda di angelnan rónt di e pueblo di Dios ta wòrdu ekspresá?
Salmonan 34:7 E Angel di SEÑOR ta kampa rònt di esnan ku ta tem'E, i ta reskatá nan.

19. Pa medio di ken e tres hòmber Hudiu a wòrdu salbá for di e fornu kayente?
Daniel 3:25-28
25 El a kontestá i a bisa: "Atal Mi ta mira kuater hòmber ta kana los den e kandela sin sufri ningun daño, i aparensia di e di kuater ta manera di un yu hòmber di e Dios!"
26 E ora ei Nabukodonosor a yega serka di e porta di e fòrnu di kandela; el a kontestá i a bisa: "Sadrak, Mesak i Abed-nego, boso, sirbidónan di e Dios Haltisimo, sali bin aki!" Anto Sadrak, Mesak i Abed-nego a sali for di meimei di e kandela.
27 I e sátrapanan, e ofisialnan, e gobernadó¬nan i e konseheronan di rei a bin para rònt, i a mira ku e kandela no tabatin ningun efekto riba kurpa di e hòmbernan aki, ku e kabei riba nan kabes no a kima, ku nan mantel a keda intakto, i ku ni holó di kandela no a keda riba nan kurpa.
28 Nabukodonosor a kontestá i a bisa: "Bendisboná sea e Dios di Sadrak, Me-sak i Abed-nego, Kende a manda Su angel i a libra Su sirbidónan ku a pone nan konfiansa den djE, desobedesiendo e òrdu di rei, i ku a entregá nan kurpa pa no sirbi ni adorá ningun dios sino nan mes Dios so.

 

20 . Kiko Daniel a bisa ora el a wòrdu salbá for di e boka di e leonnan?
Daniel 6:22. 23
22 Mi Dios a manda Su angel i a sera boka di e leonnan, i nan no a hasimi daño, pasobra mi a wòrdu hañá inosente Su dilanti; i tambe kontra bo, o rei, mi no a kometé ningun krimen."
23 E ora ei rei a keda masha kontentu i a duna òrdu pa saka Daniel for di e kueba. Asina nan a saka Daniel for di e kueba, i ningun daño no a wòrdu hañá na su kurpa, pasobra el a konfia den su Dios.

 

21. Kiko Eliseo a bisa, ora el a wòrdu rondoná dor di e ehersito di Syria, i a resa pa su sirbidor ansioso por wòrdu enkurashá?
2 Reinan 6:16,17
16 Asina el a kontestá: "No tene miedu, pasobra esnan ku ta ku nos ta mas ku esnan ku ta ku nan."
17 E ora ei Eliseo a hasi orashon i a bisa: "O Señor, mi ta pidiBo, habri su wowo pa e mira." I Señor a habri wowo di e sirbidó i el a mira, i at'e seru tabata yen di kabai i garoshi di kandela tur rònt di Eliseo.

22. Kiko e Salmista ta bisa di e garoshinan di Dios?
Salmonan 68:17-18
17 E garoshinan di Dios ta binti mil, si, miles i miles; Señor ta meimei di nan, meskos ku na Sinai, den e lugá santu.
18 Bo a subi bai den haltura, Bo a hiba koutiverio komo katibu; Bo a risibi donnan entre hende, si, entre e rebeldenan tambe, pa Señor Dios por biba ayanan.

 

23. Ken a reskatá e apostelnan for di prison?
Echonan 5:19 Ma den anochi un angel di Señor a habri e portanan di prizon i a hiba nan pafó i a bisa:

24. Kon Pedro a wòrdu reskatá for di prison?
Echonan 12:7-10
7 I mira, direpiente un angel di Señor a presentá i un lus a iluminá e sèl. I el a stot Pedro na su kustia i a lant'é for di soño, bisando: "Lanta lihé." I e kadenanan a kai for di su mannan.
8 I e angel a bis'é: "Faha bo mes i bisti bo sandalia." I asina Pedro a hasi. I e angel a bis'é: "Lora bo mantel rònt di bo kurpa i siguimi. "
9 I el a sali bai pafó i a keda siguié, i e no tabata sa ku loke e angel tabata hasi tabata realidat, ma el a kere ku ta un vishon e tabata mira.
10 I ora nan a pasa e promé i di dos guardia, nan a yega na e porta dl heru ku hende mester pasa pa bai den stat, i esei a habri di mes pa nan. I nan a sali bai pafó i a pas a un kaya, i mesora e angel a bai lagu'é.

 

25. Kon Elias a wòrdu fortalesá pa un biahe di kuarenta dia i anochi?
1 reinan 19:7, 8
7 I e Angel di SEÑOR a bolbe bin pa di dos biaha, a mishi kuné i a bis a: "Lanta i kome, pasobra e biahe ta muchu largu pa bo."
8 Asina el a lanta i a kome i bebe, i den e forsa di e kuminda ei el a bai kuarenta dia i kuarenta nochi te ora ku el a yega Horèb, e seru di Dios

 

26. Kon Kristo a wòrdu fortalesá durante e kuarenta dia di ayuno den desierto?
Mateo 4:11 E ora ei diabel a lagu'E; i mira, angelnan a bin i a sirbiE. Jesus ta kuminsá ku Su ministerio

 

27. Kon kristi a wòrdu fortalesé durante su sufrimentu den Getsemane?
Lukas 22:43 Awor a paresé un angel for di shelu na djE pa fortales'E.


28. Angelnan ta interesá den e plan di salbashon?
1 Pedro 1:12 A wòrdu revelá na nan ku no tabata nan mes, sino boso, nan tabata sirbi den e kosnan aki, ku awor a wòrdu anunsiá na boso dor di esnan ku a prediká e evangelio na boso pa medio di Spiritu Santu, mandá for di shelu-kosnan ku e angelnan ta anhelá di mira.

 

29. Angelnan tin interes ora un pekador repentí?
Lukas 15:10 Asina tambe Mi ta bisa boso, tin goso den presensia di e angelnan di Dios pa un pekadó ku repentí."

 

30. Manera ta wòrdu bisá: den presensia di ken nos ta papia,?
Eklesiastés 5:4, 5
5 Ta mihó bo no primintí, ku primintí i keda sin kumpli.
6 No laga bo boka hasibo peka, i no bisa den presensia di e mensahero di Dios ku esei tabata un eror. Pakiko Dios mester ta rabiá pa motibu di bo bos i destruí e obra di bo mannan?

 

31. Di kiko hendenan lo dua kuenta den huisio?
Mateo 12:36 I Ami ta bisa boso, ku hende lo duna kuenta riba e dia di huisio di kada palabra bano ku nan papia.
Eklesiastés 12:13, 14
13 E konklushon di tur loke ku a wòrdu tendí, ta: teme Dios i warda Su mandamentunan, pasobra esaki ta aplikabel na kada persona.
14 Pasobra Dios lo trese tur echo na huisio, tur kos ku ta skondi, sea bon òf malu.

 

32. For di kiko na lo wòrdu husgá?
Revelashon 20:12 I mi a mira e mortonan, grand i i chikitu, pará dilanti di e trono, i bukinan a wòrdu habrf; i un otro buki a wòrdu habrî, kual ta e buki di bida; i e mortonan a wòrdu huzgá for di loke tabata pará skirbí den e bukinan, segun nan obranan.

 

33. Ki ta mustra, ku kada akto di hende ta wòrdu notá den un buki?
Malakias 3:16 E ora ei esnan ku a teme Señor a papia ku otro, i Señor a presta atenshon i a tende esaki, i un buki di memoria a wòrdu skirbi Su dilanti pa esnan ku ta teme Señor i ku ta onra Su nòmber.
Isaias 65:6 "Mira, esaki ta pará skirbi Mi dilanti, lo Mi no keda ketu, ma lo Mi paga nan bèk; lo Mi paga nan bèk den nan skochi,
Jeremias 2:22 Maske bo laba bo mes ku soda brabu i uza hop i habon, tög e mancha di bo inikidat ta Mi dil anti, " Señor Dios ta deklará.

34. Kuantu angelnan ta sirbi Dios den e huisio?
Daniel 7:10 Un riu di kandela tabata kore i tabata sali for di Su dilanti; miles i miles tabata sirbiE, i dies mil biaha dies mil tabata pará Su dilanti; e korte a sinta, i e bukinan a wòrdu habrí,

 

35. Kiko Kristo ta primintí e vensedornan?
Revelashon 3:5 Esun ku vense lo wòrdu bisí! na paña blanku; i lo Mi no kita su nòmber for di e buki di bida, i lo Mi konfesá su nòmber dilanti di Mi Tata i dilanti di Su angelnan.

 

36. Ki protekshon Dios a primintí na su pueblo durante e siete plaganan?
Salmonan 91:10-12
10 nada malu la na pasa ku bo, ni ningun plaga la no yega serka di bo tènt.
11 Pasobra E lo duna Su angelnan enkargo tokante di bo, pa wardabo den tur bo kamindanan.
12 Den nan mannan nan lo kargabo, pa bo no dal bo pia na piedra.

 

37. Ora Kristo ta bini, ken mas lo bin huntu kun’E i koko nan lo hasi?
Mateo 16:27 Pasobra e Yu di Rende lo bin den e gloria di Su Tata, huntu ku Su angelnan; anto E lo rekompensá kada hende segun su obranan.
Mateo 24:31 I E lo manda Su angelnan ku un zonidu duru di tròmpèt i nan lo reuni Su eliginan for di e kuater bientunan, for di esun ekstremo di shelu te na e otro.

 

38. Unda e santunan lo bai?
1 Tesalonisensenan 4:17 E ora ei nos ku ta na bida, i ku a keda, lo wòrdu tumá den e nubianan huntu ku nan pa kontra ku Señor den laira, i asina nos lo ta semper ku Señor.
Nota.- E ora ei nos lo tin e privilegio no solamente pa mira e hustunan di tur siglo i papia ku nan, pero tambe e angelnan ku a akompañá nos durante e biahe riba tera.