11. E Bida solamente den Kristo

11.4  E Estado Intermedio  

 

1. Ku kiko Beibel ta kompará morto?
1 Tesalonisensenan 4:13 Ma nos no kier, rumannan, pa boso keda den ignoransia tokante di esnan ku a muri (bai drumi), pa boso no ta tristu manera e otronan ku no tin speransa.
1 Korintionan 15:18-20
18 E ora ei tambe esnan ku a muri (bai drumi) den Cristo a peresé.
19 Si ta den e bida aki so nos a spera den Cristo, e ora ei di tur hende nos ta esnan mas di kompadesé.
20 Ma awor Cristo a wòrdu lantá for di e mortonan, e promé fruta di esnan ku a muri (a bai drumi)
Juan 11:11-14
11 Esaki El a papia i despues El a bisa nan: "Nos amigu Lázaro a pega soño, ma Ami ta bai pa Mi lant'é for di soño."
12 Anto e disipelnan a bis'E: "Señor, si el a pega soño, e lo bira bon”
13 Awor Jesus tabata papia di su morto, ma nan a kere ku E tabata papia di e sosiegu di soño.
14 E ora ei Jesus a bisa nan bon kla: "Lázaro a muri,

 

2. Unda e mortonan ta drumi?
Daniel 12:2 I hopi di esnan ku ta drumi den stof di suela lo spièrta, algun pa bida etèrno, ma otronan pa bèrguensa i despresio etèrno.
Eklesiastes 9:10 Tur loke bo man haña pa hasi, hasié ku tur bo forsa; pasobra no tin ni aktividat ni planifika¬shon ni sabiduria den Seol, (graf) kaminda bo ta bai.

 

3. Pa kuantu tempu nan lo drumi einan?
Job 14:12 asina hende ta kai drum i no ta lanta mas; te ora ku e shelunan no t'ei mas, lo no lanta ni wòrdu spièrtá for di su soño.

 

4. Riba kiko Job kier a warda despues di su morto?
Job 14:14 Si un hende muri, lo e bolbe biba? Tur e dianan di mi lucha lo mi spera, te ora mi liberashon bin.

5 . Unda Job kier a warda?
Job 17:13 Si mi spera, Seol (graf) lo ta komo mi kas, si lo mi drecha mi kama den skuridat

 

6. Kuantu kos un morto sa di loke e a laga atras?
Job 14:21 Su yunan ta wòrdu onrá, ma e no sa esei; òf nan ta wòrdu umiyá, ma e no ta ripará esei.

7. Kiko ta pasa ku e pensamentunan di hende despues di su morto?
Salmonan 146:4 Su spiritu ta sali, e ta bolbe na tera; e mes dia ei su pensamentunan ta peresé.

 

8. E mortonan sa algu?
Eklesiastes 9:5 Pasobra e bibunan sa ku nan lo muri, ma e mortonan no sa nada, ni nan no tin rekompensa mas, pasobra ningun hende no ta kòrda mas riba nan.

 

9. Nan ta tuma algun parti den asuntunan terenal?
Eklesiastes 9:6 Di bèrdat nan amor, nan odio i nan zelo a peresé kaba, i nan lo no tin parti mas den tur loke ta wòrdu hasí bou di solo.

 

10. Kiko e Psalmista ta bisa tokante alabansa di Dios dor di mortonan?
Salmonan 115:17 E mortonan no ta alabá SEÑOR, ni esnan ku ta baha den e lugá di silensio;

 

11. Kuantu nos sa di Dios ora nos muri?
Salmonan 6:5 Pasobra den morto no tin rekuèrdo di Bo (Dios); ken lo dunaBo gradisimentu den Seol (graf)?

 

12. E hustunan morto ta den shelu?
Echonan 2:34 Pasobra no ta David a subi na shelu, ma e mes ta bisa: 'SEÑOR a bisa mi SEÑOR: "Sinta na Mi man drechi,

 

13. Kiko mester sosodé, prome ku e mortonan por alaba Dios?
Isaias 26:19 Bo mortonan lo biba; nan kadavernan lo lanta. Boso ku ta drumi den stòf, spièrta i grita di goso, pasobra bo serena ta manera serena di ourora, i tera lo duna lus na su mortonan.

 

14. Ki ora David a bisa ku e lo ta satisfecho?
Salmonan 17:15 Ma pa loke t'ami, lo mi mira Bo kara den hustisia; i ora mi spièrta lo mi ta satisfecho di mira Bo kara.

 

15. Kiko lo ta e sitiuashon di esnan ku a muri den Kristo, si lo no ta tin resurekshon di e mortonan?
1 Korintionan 15:16-18
16 Pasobra si e mortonan no ta wòrdu lantá, Cristo tampoko no a wòrdu lantá;
17 i si Cristo no a wòrdu lantá, boso fe ta sin balor; ainda boso ta den boso pikánan.
18 E ora ei tambe esnan ku a muri den Cristo a peresé.

 

16. Ki ora e resurekshon di e hustunan lo tuma lugá?
1 Tesalonisensenan 4:16 Pasobra Señor mes lo baha for di shelu ku un gritu, ku bos di arkangel i ku tròmpèt di Dios; i e mortonan den Cristo lo lanta promé.