11. E Bida solamente den Kristo

11.5  E Dos Resurekshonnan 

 

1. Kiko ta e konsekuensia pa tur hende dor di e kaida di Adam?
1 Korintionan 15:22 Pasobra meskos ku den Adam tur ta muri, asina tambe tur lo wòrdu hasi bibu den Cristo.
Romanonan 5:12 Pesei, meskos ku dor di ún hende piká a drenta den mundu, i morto dor di piká, i asina morto a pasa pa tur hende, pasobra tur a peka.

 

2. Unda nos tur ta bai despues di morto?
Eklesiastes 3:20 Tur ta bai na e mesun lugá. Tur a bin di stof i tur ta bolbe na stof.

 

3. Kiko ta e sitiuashon di hende, mientras e ta den graf?
Eklesiastes 9:10 Tur loke bo man haña pa hasi, hasié ku tur bo forsa; pasobra no tin ni aktividat ni planifikashon ni sabiduria den Seol (graf), kaminda bo ta bai.

 

4. Kiko a wòrdu primintí pa asina hende lo a wòrdu salbá for di morto?
Oseas 13:14 "Lo Mi reskatá nan for di e poder di Seol; la Mi redimí nan for di morto. Morto, unda ba sumpiñanan ta? o Seol, unda ba pui ta? "Kompashon la ta skondí for di Mi bista.

 

5. Dor di ken e salbashon for di graf lo bini?
1 Korintionan 15:21,22
21 Pasobra komo ku morto a bin pa medio di un hende, asina tambe pa medio di un hende a bin e resurekshon di e mortonan.
22 Pasobra meskos ku den Adam tur ta muri, asina tambe tur lo Dwòrdu hasi bibu den Cristo

 

6. Kiko lo tabatata e konsekuensia pa e mortonan, si kristo na o obtené nan salbashon for di graf?
1 Korintionan 15:16-18
16 Pasobra si e mortonan no ta wòrdu lantá, Cristo tampoko no a wòrdu lantá;
17 i si Cristo no a wòrdu lantá, boso fe ta sin balor; ainda boso ta den boso pikánan.
18 E ora ei tambe esnan ku a muri den Cristo a peresé.

7. Dikon Dios a duna Su uniko Yui na mundu?
Juan 3:16 "Pasobra Dios a stima mundu asina tantu, ku El a duna Su Yu unigénito, pa ken ku kere den djE no bai pèrdí, ma tin bida etèrno.

8. Kiko e Saduseonan den tempu di Kristo a kontradisí?
Lukas 20:27 Awor algun di e Saduseonan, ku ta bisa ku no tin resurekshon, a bin serka djE,

 

9. Kon Kristo a pruebá e resurekshon for di e skrituranan di Testament Bieuw?
Lukas 20:37,38
37 Ma ku e mortonan ta wòrdu lantá, esei Moisés tambe a mustra serka e mondi, kaminda e ta yama Señor e Dios di Abraham, i e Dios di Isaak, i e Dios di Jakòb
38 Awor E no ta e Dios di e mortonan, sino di e bibunan, pasobra pa E tur ta biba."

 

10. For di kua figura den naturalesa e resurekshon i e salbashon final di e hustunan ta wòrdu siñá?
1 Korintionan 15:36-37
36 Boso, bobonan! Loke bo sembra no ta haña bida si e no muri;
37 i loke bo sembra, no ta e kurpa ku e lo bira, ma un simpel simia, sea di trigo òf di aigu otro.
Juan 12:24 Di bèrdat, di bèrdat, Mi ta bis a boso, si un pipita di trigo no kai den tera i muri, e ta keda su so; ma si e muri, e ta duna hopi fruta.

 

11. Unda e mortonan ta, ora nan tende bos di Kristo ku ta yama nan pa bolbe biba?
Juan 5:28,29
27 i El a dun'E outoridat pa ehekutá huisio, pasobra E ta e Yu di Hende.
28 "No straña boso di esaki, pasobra e ora lo yega den kual tur ku ta den graf lo tende Su bos,

 

12. Kuantu klase determiná lo ta den e resurekshon?
Echonan 24:15 teniendo speransa den Dios, meskos ku e hòmbernan aki tambe ta spera, ku siguramente lo tin un resurekshon di tantu e hustunan komo e malbadonan.

 

13. Ku kua palabranan Kristo ta referí na e dos resurekshonnan?
Juan 5:28,29
28 "No straña boso di esaki, pasobra e ora lo yega den kual tur ku ta den graf lo tende Su bos,
29 i lo sali; esnan ku a hasi bon, pa un resurekshon di bida, esnan ku a kometé maldat, pa un resurekshon di huisio.

14. Ki ora e resurekshon di e hustunan lo tuma lugá?
1 Tesalonisensenan 4:16 Pasobra Señor mes lo baha for di shelu ku un gritu, ku bos di arkangel i ku tròmpèt di Dios; i e mortonan den Cristo lo lanta promé.
1 Korintionan 15:22-23
22 Pasobra meskos ku den Adam tur ta muri, asina tambe tur lo wòrdu hasi bibu den Cristo.
23 Ma kada un segun su mes orden: Cristo e promé fruta, despues di esei, esnan ku ta di Cristo na Su binida;

 

15. Den ki kondishon David tabata spera ku e lo a lanta foi morto?
Salmonan 17:15 Ma pa loke t'ami, lo mi mira Bo kara den hustisia; i ora mi spièrta lo mi ta satisfecho di mira Bo kara.

 

16. Ki gran distinshon lo wòrdu mira entre kurpa presente i esun despues di e resurekshon?
1 Korintionan 15:42-44
42 Asina e resurekshon di e mortonan tambe ta. Kurpa ta wòrdu sembrá den korupshon i ta wòrdu lantá den inkorupshon;
43 ta wòrdu sembrá den desonor, ta wòrdu lantá den gloria; ta wordu sembrá den debilidat, ta wòrdu lantá den poder;
44 ta wòrdu sembrá un kurpa natural, ta wòrdu lantá un kurpa spiritual.
Si tin un kurpa natural, tin un kurpa spiritual tambe.

 

17. Na ken su kurpa esnan lantá lo ta igual?
Filipensenan 3:20,21
20 Ma nos siudadania ta den shelu, for di unda nos ta spera ansiosamente pa un Salbador, e Señor Jesu-Cristo,
21 Kende lo transformá nos kurpa despresiabel pa e bira meskos ku Su kurpa glorioso, pa medio di e poder ku E tin pa tambe hasi tur kos someté nan mes na djE.

 

18. Kiko e hustunan lo hasi despues ku nan a lanta for di graf?
Isaias 26:19 Bo mortonan lo biba; nan kadavernan lo lanta. Boso ku ta drumi den stòf, spièrta i grita di goso, pasobra bo serena ta manera serena di ourora, i tera lo duna lus na su mortonan.

 

19. Den kua palabranan nan viktoria riba morto lo wòrdu ekspresá?
1 Korintionan 15:55 O morto, unda bo viktoria ta? o morto, unda bo pui ta?"!

 

20. Pa kuantu tempu nan lo biba?
Lukas 20:36 pasobra nan no por muri mas tampoko, pasobra nan ta manera angel, i ta yunan di Dios, siendo yunan di resurekshon.

 

21. Pa kuantu tempu, despues di e prome resurekshon, e otro klase tin ku warda, prome ku nan wòrdu lanta?
Revelashon 20:4, 5
4 I mi a mira trononan, i nan a sinta riba nan i nan a wòrdu pèrmití pa huzga. I mi a mira e almanan di esnan ku nan kabes a wòrdu kitá afó pa motibu di e testimonio di Jesus i pa motibu di e palabra di Dios, i esnan ku no a adorá e bestia ni su imagen, i ku no a risibí e marka na nan frenta i na nan man; i nan a bolbe biba i a reina ku Cristo pa mil aña.
5 E restu di e mortonan no a bolbe biba te ora ku e mil añanan a keda kumpli, esaki ta e prome resurekshon.

 

22. Kiko la ta nan destino?
Revelashon 20:9 I nan a subi bin riba henter e hanchura di tera i a rondoná e kampamentu di e santunan i e stat stimá; i kandela a baha for di shelu i a devorá nan.

 

23. Ken lo kompartí e destino aki?
Revelashon 21:8 Ma e kobardenan, i e inkrédulonan, i e abominabelnan, i e matadónan, i e fornikadónan i e hasidónan di bruha, i e adoradónan di dios falsu i tur gañadó, nan parti lo ta den e lago ku ta kima ku kandela i swafel, kual ta e di dos morto. "

 

24. Ken ta e delaster enemigu ku lo wòrdu destrui?
1 Korintionan 15:26 E delaster enemigu ku lo wòdu destruí ta morto.
Revelashon 20:13,14
13 I laman a entregá e mortonan ku tabata den djé, i morto i Hades a entregá e mortonan ku tabata den nan; i nan a wòrdu huzgá, kada un di nan segun nan obranan.
14 I morto i Hades a wòrdu tirá den e lago di kandela. Esaki ta e di dos morto, e lago di kandela. I si un hende su nòmber no a wòrdu hañá skirbî den e buk i di bida, el a wòrdu tirá den e lago di kandela.

 

25. Kon e aparensia di e hustunan lo ta pa semper?
Mateo 13:43 E ora ei e hustunan lo briya manera solo den e reino di nan Tata. Esun ku tin orea, lagu'é tende.