11. E Bida solamente den Kristo

11.3  E Bida ta solamente den Kristo 

1. Kiko ta pago di piká?
Romanonan 6:23 Pasobra e pago di piká ta morto, ma e don di grasia di Dios ta bida etèrno den Cristo Jesus, nos Señor

2. Ken solamente por salba for di piká?
Echonan 4:12 I no tin salbashon den ningun otro; pasobra no tin bou di shelu ningun otro nòmber ku a wòrdu duná na hende, pa medio di kual nos mester wòrdu salbá." (Kual ta Hesus)

3. Di kon Dios a manda Su uniko Yui na e mundu aki?
Juan 3:16 "Pasobra Dios a stima mundu asina tantu, ku El a duna Su Yu unigénito, pa ken ku kere den djE no bai pèrdí, ma tin bida etèrno.

4. Kiko Kristo ta bisa ku E mes ta?
Juan 14:6 Jesus a bis'é: "Ami ta e kaminda, i e bèrdat, i e bida; ni un hende no ta bin serka eTata, sino pa medio di Mi.

5. Kiko, segun Hesus, E ta duna na esun ku ta siguiE?
Juan 10:27,28
27 Mi karnénan ta tende Mi bos, i Mi konosé nan, i nan ta siguiMi;
28 i Mi ta duna nan bida etèrno, i nan lo no peresé nunka; i ni un hende lo no ranka nan for di Mi man.

6. Riba ki kondishon por risibí e bida aki?
Juan 6:53 E ora ei Jesus a bisa nan: "Di bèrdat, di bèrdat, Mi ta bisa boso, si boso no kome e karni di e Yu di Hende i bebe Su sanger, boso no tin bida den boso.

7. Den ken bida eterno ta?
1 Juan 5:11 I e testimonio ta esaki, ku Dios a duna nos bida etèrno, i e bida aki ta den Su Yu.

8. Ken solamente tin e bida aki?
1 Juan 5:12 Esun ku tin e Yu tin e bida; esun ku no tin e Yu di Dios no tin e bida.
Juan 5:24 "Di bèrdat, di bèrdat, Mi ta bis a boso, esun ku tende Mi palabra i kere Esun ku a mandaMi, tin bida etèrno, i no ta bin na huisio, ma a pasa for di morto pa bida.

9 . Kon Kristo ta wòrdu yamá na un manera apropiá?
Kolosensenan 3:4 Ora Cristo, Kende ta nos bida, wòrdu revelá, e ora ei boso tambe lo wòrdu revelá huntu kunE den gloria.