11. E Bida solamente den Kristo
11.2 Kiko hende ta?
1. Den ki estado hende a wòrdu kreá?
Salmonan 8:5 Sinembargo, Bo a hasié un poko menos ku e angelnan, i ta koron'é ku gloria i mahestat!
2. Kiko lo ta e estado final di e hustunan?
Lukas 20:35,36
35 ma esnan ku wòrdu konsiderá digno pa tin parti den e siglo ei i den e resurekshon for di e mortonan no ta kasa, ni ta wòrdu duná pa kasa;
36 pasobra nan no por muri mas tampoko, pasobra nan ta manera angel, i ta yunan di Dios, siendo yunan di resurekshon.
3. Kon e angelnan tambe ta wòrdu yamá?
Hebreonan 1:7 I di e angelnan E ta bisa: "Kende ta hasi Su angelnan spiritunan, i Su sirbidónan flam di kandela.
4. Kiko ta diferensia entre e dos Adamnan?
1 Korintionan 15:45 Asina tambe ta pará skirbí: "E promé hende, Adam, a bira un alma bibu.:" E ultimo Adam a bira un spiritu ku ta duna bida.
5. Nos kurpa presente ta natural òf spiritual?
1 Korintionan 15:46 Sinembargo, loke ta spiritual no ta promé, sino loke ta natural; despues loke ta spiritual.
6. Ki ora e hustunan lo tin kurpanan spiritual?
1 Korintionan 15:44 ta wòrdu sembrá un kurpa natural, ta wòrdu lantá un kurpa spiritual. Si tin un kurpa natural, tin un kurpa spiritual tambe.
7. Kiko e palabra sembra aki ke men?
1 Korintionan 15:36 Boso, bobonan! Loke bo sembra no ta haña bida si e no muri;
Nota: Hende awor aki no ta den posishon di e naturalesa inmortal i spiritual di e angelnan. E lo no tin e naturalesa ei prome ku e resurekshon. Si e ta hustu, e lo risibí inmortalidat i lo no muri mas.
Lukas 20: 36 pasobra nan no por muri mas tampoko, pasobra nan ta manera angel, i ta yunan di Dios, siendo yunan di resurekshon.
8. Kon e naturalesa di hende ta wòrdu deskribí?
Job 4:17 'Humanidat por ta hustu dilanti di Dios? Un hende por ta puru dilanti di Esun ku a trah'é? Impuru i Inhustu
9. Kiko e naturalesa di Dios ta?
1 Timoteo 1:17 Awor na e Rei etèrno, inmortal, invisibel, e úniko Dios, sea on or i gloria pa semper i semper. Amèn.
10 .For di kiko Dios a forma hende den prinsipio?
Genesis 2:7 E ora ei Señor Dios a forma hende di e stòf di tera i a supla e rosea di bida den su nanishi; i hende a bira un ser bibu.
11. Ki akshon a hasi hende un ser (alma) bibu?
Genesis 2:7 E ora ei Señor Dios a forma hende di e stòf di tera i a supla e rosea di bida den su nanishi; i hende a bira un ser (alma) bibu.
12. Tin otro kriaturanan, fuera di hende, ta wòrdu yama “sernan bibu”?
Revelashon 16:3 I e di dos angel a basha su kòmchi den laman, i esaki a bira sanger manera sanger di un hende morto; i tur ser bibu den laman a muri.
Nota: E alma bibu no ta parti di hende; pero e rosea di bida, ku a wòrdu supla den hende, ta hasi hende bira un alma bibu òf un kriatura.
13. Tin otro, fuera di hende, ku tin “rosea di bida”?
Genesis 7:21,22
21 I tur karni ku tabata move riba tera a muri: par ha, bestia di kria, bestia di mondi i tur bestia ku ta kriul den otro riba tera, i tur hende;
22 tur loke tabata riba tera seku, tur ku tabatin rosea di e spiritu di bida den nan nanishi a muri.
14. Rosea di bestia ta igual ku di hende?
Eklesiastes 3:19 Pasobra destino di yu di hende i destino di bestia ta meskos. Manera esun ta muri, e otro tambe ta muri; di bèrdat, nan tur tin e mesun rosea i no tin bentaha pa hende riba bestia, pasobra tur ta banidat.
15. Kon Job ta yama e loke Dios a supla den nanishi di hende?
Job 27:3 pasobra tanten ku tin bida den mi, i e rosea di Dios ta den mi nanishi,
16. Ora hende ta entregá e spiritu aki, kiko ta pasa kune?
Eklesiastes 12:7 E ora ei e stof lo bolbe na e tera ku el a bin for di djé, i espiritu lo bolbe na Dios, Kende a duna esaki.
Nota: E spiritu di bida, pa medio kual hende ta biba i kual Dios a fié, ta bai back serka e gran Kreador di e bida. Komo ku el a wòrdu krea dor di Dios, e ta pertenesé na djE i hende por risibí bida eterno solamente komo un regalo di Dios, dor di Kristo Hesus (Romano 6: 23). Ora e spiritu regresá serka Dios, e kurpa ta bolbe na stòf di tera for di kual Dios a krea é. E persona no ta eksistí mas komo un alma bibu, konsiente ku por pensa.
17. Ken solamente tin parti den bida eterno?
1 Juan 5:12 Esun ku tin e Yu tin e bida; esun ku no tin e Yu di Dios no tin e bida.
18. Di kon Adam a wòrdu saká afó for di e hòfi de Eden i wòrdu di ban for di e palu di bida?
Genesis 3:22 E ora ei Señor Dios a bisa: "Mira, e hòmber a bira manera un di Nos, konosiendo bon i malu. I awor, pa e na saka su man kohe for di e palu di bida tambe, i kome i biba pa semper"-
19. Kiko a wòrdu hasí pa warda e kaminda ku ta bai na e palu di bida?
Genesis 3:24 Asina EI a saka e hòmber afó; anto parti pariba di hófi di Edén EI a stashoná e kerubinnan i un spada tur na fIam di kandela ku tabata bira den tur direkshon, pa warda e kaminda ku ta bai na e palu di bida.
20. Kon tur hende den estado natural ta wòrdu konsiderá?
Efesionan 2:3 Nos tur tambe tabata biba antes meimei di nan, den e pashonnan di nos karni, kumpliendo ku e deseonan di karni i di mente, i tabata di naturalesa yunan di furia, meskos ku e otronan.
21. Ora e furia di Dios keda riba un persona, kiko esei ta horta foi dje?
Juan 3:36 Esun ku kere den e Yu tin bida etèrno; ma esun ku no obedesé e Yu lo no mira bida, ma e furia di Dios ta keda riba djé."
22. Ken ta salba e pekador for di e furia?
Romanonan 5:9 Muchu mas anto, siendo hustifiká awor pa medio di Su sanger, nos lo ta salbá for di e furia di Dios dor di djE.
23. Den ken e bida futuru di e Kristian ta skondí?
Kolosensenan 3:3 Pasobra boso a muri i boso bida ta skondí ku Cristo den Dios.
24. Ki ora e bida aki lo wòrdu duná na e kerientenan?
Kolosensenan 3:4 Ora Cristo, Kende ta nos bida, wòrdu revelá, e ora ei boso tambe lo wòrdu revelá huntu kunE den gloria.
25. Ken solamente tin inmortalidat di naturalesa?
1 Timoteo 6:14-16
14 pa bo warda e mandamentu sin mancha ni reproche, te na e aparishon di nos Señor Jesu-Cristo,
15 kual E lo manifestá na su debido tempu Esun, Kende ta e bendishoná i e úniko Soberano, e Rei di reinan, i Señor di señornan;
16 Kende so tin inmortalidat i ta biba den e lus inaksesibel; Kende ningun hende
26. Dor di ken inmortalidat a bin na kla?
2 Timoteo 1:10 ma ku awor a wòrdu revelá pa medio di e aparishon di nos Salbador Cristo Jesus, Kende a aboli marto, i a trese bida i inmortalidat na kla pa medio di e evangelio,
27. Na ken bida eterno a wòrdu primintí?
Romanonan 2:6, 7
6 Kende lo paga kada hende segun su obranan:"
7 na esnan ku, pèrseverando den hasimentu di bon, ta buska gloria i onor i inmortalidat-bida etèrno;
28. Ki ora e kerientenan lo wòrdu bisti ku inmortalidat?
1 Korintionan 15:50-52
50 Awormi ta bisaesaki, rumannan, ku karni i sanger no por eredá e reino di Dios; ni korupshon no ta eredá inkorupshon.
51 Mira, mi ta konta boso un misterio; nos tur lo no muri, ma nos tur lo wòrdu transformá,
52 den un momento, den un fregá di wowo, na e ultimo zonidu di tròmpèt; pasobra e trömpèt lo zona, i e mortonan lo wòrdu lantá den inkorup¬shon, i nos lo wòrdu transformá.
29. Kiko lo wòrdu tragá?
1 Korintionan 15:54, 57
54 Ma ora e loke ta koruptibel aki bistí loke ta inkoruptibel, i e loke ta mortal aki bistí loke ta inmortal, e ora ei e palabra ku ta pará skirbí lo keda kumpli: "Morto ta tragá den viktoria.'
57 ma grasia sea na Dios, Kende ta duna nos e viktoria pa medio di nos Señor Jesu-Cristo.