11. E Bida solamente den Kristo
11.1 Origen di Satanas, su historia i su destinashon final
1. Tin otro sernan, fuera di e rasa humano, ku tambe a peka?
2 Pedro 2:4 Pasobra si Dios no a spar angelnan ora nan a peka, ma a tira nan den fièrnu i a kondená nan na posnan di skuridat, pa wòrdu reservá pa huisio,
2. Kiko ta e nòmber di esun ku a tenta angelnan pa peka?
Mateo 25:41 "E ora ei E lo bisa tambe na esnan ku ta na Su man robes: 'Apartá boso for di Mi, boso maldishonánan, bai den e kandela etèrno ku a wòrdu prepará pa diabel i su angelnan;
3. Ku ki otro nòmbernan E ta konosí?
Revelashon 12:9 I e gran dragon a wòrdu tirá abou, e kolebra di antiguedat, kende ta wòrdu yamá diabel i Satanás, kende ta gaña henter mundu; el a wòrdu tirá abou riba tera, i su angelnan a wòrdu tirá abou huntu kuné.
Isaias 14:12 "Mira kon bo a kai for di shelu, strea di mardugá, yu hòmber di mainta! Bo a wòrdu tirá riba e tera, abo ku a debilitá e nashonnan!
4. Kiko tabata e posishon di Satanas ora E la wòrdu kreá?
Ezekiel 28:15 Bo tabata perfekto den bo kamindanan for di e dia ku bo a wòrdu kreá, te na e momento ku inhustisia a wòrdu hañá den bo.
5. Kua eskripshon e profeta Ezekiel ta duna di dje?
Ezekiel 28:12-14
12 "Yu di hende, lanta un lamentashon pa rei di Tiro i bis'é: 'Asina Señor Dios ta bisa: "Bo tabatin e seyo di perfekshon, yen di sabiduria i perfekto den bunitesa.
13 Bo tabata na Edén, e hòfi di Dios; bo tabata dòrná ku tur sorto di
piedra presioso: rubi, topasio i djamanta, berilo, òneks i yaspe,
safiro, turkesa i esmeralda; i e obra di arte di bo monturanan i bo skarnirnan tabata di oro. Riba e dia ku bo a wòrdu kreá, nan a wòrdu prepará.
14 Bo tabata ungí komo e kerubin wardadó, i Ami a ponebo einan.
Bo tabata riba e seru santu di Dios; bo tabata kana meimei di e piedranan di kandela.
6. Ki spiritu ingrato i ambisioso a poderá di Satanas ku a guia na su kaida?
Isaias 14:13,14
13 Ma bo a bisa den bo kurason: 'Lo mi subi na shelu; lo mi hasi mi trono mas haltu ku e streanan di Dios, i lo mi sinta riba e seru di asamblea, na e partinan mas retirá di nòrt,
14 Lo mi subi mas haltu ku e halturanan di e nubianan; lo mi hasi mi mes meskos ku e Haltísimo.
7. Ta soberbia a kousa su kaida?
Ezekiel 28:17 Bo kurason a bira orguyoso pa motibu di bo bunitesa; bo a korumpí bo sabiduria pa motibu di bo splendor. Mi a bentabo abou na suela; Mi a ponebo dilanti di reinan, pa nan mirabo.
8. Kiko ta bin prome ku destrukshon, segun Salomo?
Proverbionan 16:18 0rguyo ta bin promé ku destrukshon, i un spiritu arogante promé ku kaida.
9. Kon e profeta Isaias ta deskribí e kaida di Satanas?
Isaias 14:12 "Mira kon bo a kai for di shelu, strea di mardugá, yu hòmber di mainta! Bo a wòrdu tirá riba e tera, abo ku a debilitá e nashonnan!
10. Dikon Satanas a wòrdu tira abou for di su posishon haltu?
Ezekiel 28:16 Pa motibu di bo negoshamentu ekstenso bo a yena ku violensia, i bo a peka. Pesei Mi a tirabo for di e seru di Dios komo algu profano, i Mi a destruïbo, O kerubin wardadó, for di meimei di e piedranan di kandela.
11. Na kua luga Satanas ku su angelnan a wòrdu tirá ora el a wòrdu saká for di e seru di Dios pa wòrdu reservá pa huisio?
2 Pedro 2:4 Pasobra si Dios no a spar angelnan ora nan a peka, ma a tira nan den fièrnu i a kondená nan na posnan di skuridat, pa wòrdu reservá pa huisio,
12. Kon e guera entre Kristo i Satanas den shelu ta wòrdu deskribí dor di e eskritor de Revelashon?
Revelashon 12:7-9
7 I tabatin guera den shelu, Miguel i su angelnan tabata hasi guera kontra e dragon. I e dragon i su angelnan tabata hasi guera,
8 i nan no a prevalesé, i no tabatin lugá mas pa nan den shelu.
9 I e gran dragon a wòrdu tirá abou, e kolebra di antiguedat, kende ta wòrdu yamá diabel i Satanás, kende ta gaña henter mundu; el a wòrdu tirá abou riba tera, i su angelnan a wòrdu tirá abou huntu kuné.
13. Ku kua palabranan Kristo ta mustra riba e kaida di Satannas?
Lukas 10:18 I EI a bisa nan: "Mi a mira Satanás kai for di shelu manera Iamper
14. Foi tempu di su kaida Satanas a yega un dia di parse dilanti di Dios.?
Job 1:6 Awor a yega un dia ku e yu hòmbernan di Dios a bin pa presentá nan mes dilanti di Señor, i Satanás tambe a bin den nan.
Job 2:1 A yega un otro dia ku e yu hòmbernan di Dios a bin pa presentá nan mes dilanti di Señor, i Satanás tambe a bin den nan pa presentá su mes dilanti di Señor.
15. Kiko tabata e kontesta di Satanas ora a pidiele foi unda el a bini?
Job 1:7 I Señor a bisa Satanás: "For di unda bo ta bin?" E ora ei Satanás a kontestá Señor i a bisa: "For di bai-bin riba tera i di kana pariba-pabou den djé.
Job 2:2 I Señor a bisa Satanás: "For di unda bo ta bin?" I Satanás a kontestá S i a bisa: "For di bai-bin riba tera i di kana pari¬ba-pabou den djé.
16. Kiko tabata e karakter di Satanas foi tempu di si kaida?
1 Juan 3:8 esun ku ta praktiká piká ta di diabel; pasobra diabel a hasi piká for di prinsipio. E Yu di Dios a paresé pa e propósito aki, pa E destrui e obranan di diabel.
17. El a yega di para un dia den berdat?
Juan 8:44 Boso ta di boso tata e diabel, i boso kier hasi e deseonan di boso tata. E tabata un matadó for di prinsipio, i no ta para den e bèrdat, pasobra no tin bèrdat den djé. Ki ora ku e papia un mentira, e ta papia for di su mes naturalesa, pasobra e ta un gañadó i e tata di mentira.
18. Kiko ta uniko “prinsipio” ku nos sa algu di dje?
Genesis 1:1 Den prinsipio Dios a krea e shelunan i tera.
19. Kiko mas, segun Kristo, Satanas ta fuera di un matadó di hende?
Juan 8:4 Boso ta di boso tata e diabel, i boso kier hasi e deseonan di boso tata. E tabata un matadó for di prinsipio, i no ta para den e bèrdat, pasobra no tin bèrdat den djé. Ki ara ku e papia un mentira, e ta papia for di su mes naturalesa, pasobra e ta un gañadó i e tata di mentira.
20. Kiko Dios a bisa Adam i Eva, ku lo tabata e konsekuensia ora no lo a peka dor di kome for di fruta prohibí?
Genesis 2:17 ma di e palu di konosementu di bon i malu lo bo no kome, pasobra e dia ku bo kome di djé, lo bo muri sigur.
21. Kiko Satanas a bisa Eva loke toka e asuntu ei?
Genesis 3:41 I e kolebra a bisa e muhé: "Siguramente boso lo no muri!
22. Kiko ta e konsekuensia di entrada di pika den mundu?
Romanonan 5:12 Pesei, meskos ku dor di ún hende piká a drenta den mundu, i morto dor di piká, i asina morto a pasa pa tur hende, pasobra tur a peka.
1 Juan 5:19 Nos sa ku nos ta di Dios, i henter mundu ta bou di kontrol di e malbado.
1 Korintionan 15:22 Pasobra meskos ku den Adam tur ta muri, asina tambe tur lo wòrdu hasi bibu den Cristo.
23. Kiko Satanas a hasi, ora Kristo a bin pa salba humanidat?
Marko 1:12,13
12 I mesora e Spiritu a mand'E den desierto.
13 I El a keda kuarenta dia den desierto i a wòrdu tentá dor di Satanás; iE tabata huntu ku e bestianan di mondi, i e angelnan tabata sirbiE.
Lesa Marko 4:1-11
24. Kon pisa Kristo a wòrdu tentá dor di Satanas?
Hebreonan 4:15 Pasobra nos no tin un Sumosaserdote ku no por kompadesé di nos debilidatnan, sino Un ku a wòrdu tentá den tur kos meskos ku nos, ma tòg sin piká.
25. Kiko iglesia a sufri foi tempu di Hesus?
Revelashon 12:13 I ora ku e dragon a mira ku el a wòrdu tirá abou riba tera, el a pèrsiguí e muhé ku a duna lus na e yu hòmber,
26. Lo e restu di iglesia lo sinti e rabia di Satanas, i dikon?
Revelashon 12:17 I e dragon tab at a furioso riba e muhé, i a bai pa hasi guera ku e restu di su desendientenan, kendenan ta warda e mandamentunan di Dios i tin e testimonio di JesuCristo,
27. Kon Satanas lo gaña e hendenan den ultimo dianan?
Revelashon 13:14 I e ta gaña esnan ku ta biba riba tera pa medio di e milagernan ku a wördu pèrmití na djé pa hasi den presensia di e bestia, bisando esnan ku ta biba riba ter a pa traha un imagen na onor di e bestia ku tabatin e herida di spada i ku a bolbe biba.
.
28. Kiko lo hunta e pueblonan pa reuní nan mes pa e gran bataya di Armagedon?
Revelashon 16:14 pasobra nan ta spiritunan di demoñonan ku ta hasi milagernan, ku ta sali bai serka e reinan di henter mundu, pa reuni nan pa e guera di e gran dia di Dios Todopoderoso.
29. Di kon lo wòrdu permití, ku hende lo kai bou di e rabia di Satanas dje manera ei?
2 Tesalonisensenan 2:10-12
10 i ku tur e engaño di inikidat pa esnan ku ta peresé, pasobra nan no a aseptá e amor pa e bèrdat, pa nan por wòrdu salbá.
11 I pa e motibu aki Dios lo manda riba nan un influensia di eror, pa nan kere mentira,
12 pa nan tur wòrdu huzgá, kendenan no a kere e bèrdat, ma a hiba gustu den maldat.
1 Reinan 22:20-23.
20 I Señor a bisa: 'Ken lo gaña Akab pa bai muri na Ramot-ga-laad?'
"I un a bisa esaki i un otro a bisa esaya.
21 E ora ei un spiritu a bin dilanti i a bai para dilanti di Señor, i a bisa: 'Ami lo gañ'é.'
22 "I Señor a bis'é: 'Kon?' "I el a bisa: 'Ami lo bai i bira un spiritu di mentira den boka di tur su profetanan. '
"E ora ei EI a bisa: 'Abo mester gañ'é, i bo ta logra tambe. Bai i hasi asina.' 23 "Pesei anto, mira, Señor a pone un spiritu di mentira den boka di tur e profetanan aki di bo; i Señor a proklamá desaster kontra bo."
30. Pa kuantu tempu Satanas lo wòrdu mará na e binida di Kristo?
Revelashon 20:1, 2
1 I mi a mira un angel ta baha for di shelu ku e yabi di e abismo i
un kadena grandi den su man.
2 I el a gara e dragon, e kolebra di antiguedat, kende ta diabel i Satanás, i a mar'é pa mil aña,
31. Kiko lo tuma lugá na e fin di e mil añanan?
Revelashon 20:7, 8
7 I ora ku e mil añanan keda kumpli, Satanás lo wòrdu gelòs for di su prizon,
8 i lo sali pa gaña e nashonnan ku ta keda den e kuater skinanan di tera, Gòg i Magòg, pa reunî nan pa guera; nan kantidat ta manera e santu kantu di laman.
32. Kiko lo sosodé, ora Satanas i su ehersito lo rondoná e stat di santunan?
Revelashon 20:9 I nan a subi bin riba henter e hanchura di tera i a rondoná e kampamentu di e santunan i e stat stimá; i kandela a baha for di shelu i a devorá nan.
33. Kiko por fin la ta e destinashon final di Satanas?
Ezekiel 28:18, 19
18 Ku e multitut di bo inikidatnan, den e inhustisia di bo negoshamentu, bo a profaná bo santuarionan. Pesei Mi a laga kandela sali for di bo: esaki a kaba ku bo, i Mi a hasibo bira shinishi riba tera den bista di tur esnan ku ta mirabo.
19 Tur ku konosébo entre e nashonnan ta keda tur babuká pa bo motibu; bo a bira un horor, i lo bo no t'ei mas.
34. Pakiko Kristo a tuma parti den nos naturalesa?
Hebreonan 2:14 Asina anto, komo ku e yunan ta kompartí den karni i sanger, E mes tambe a tuma parti na e mesun manera, asina ku pa medio di morto E por a destrui esun ku tabatin poder riba morto, esta, diabel,
35. Ki spiertamentunan ta wòrdu duná na e Kritiannan en bista di e odio di Satanas kontra Dios i tur loke ta bon?
1 Pedro 5:8, 9
8 Sea sobrio, sea alerta. Boso atversario, e diabel, ta kana rònt manera un leon ku ta gruña, buskando ken e por devorá.
9 Ma resistié, firme den boso fe, sabiendo ku boso rumannan den henter mundu ta pasando dor di e mesun eksperensianan di sufrimentu.
Santiago 4:7 Pesei, someté boso na Dios. Resistí diabel i e lo hui for di boso.
36. Ku kua arma Kristo a risistí Satanas ku éksito?
Mateo 4:4-10
4 Ma El a kontestá i a bisa: "Ta pará skirbí: 'Hende lo no? biba di pan so, ma di tur palabra ku ta sali for di boka di Dios.'"
5 E ora ei diabel a hib'E na e stat santu; i el a pon'E para riba e pinákulo di tèmpel,
6 i a bis'E: "Si bo ta e Yu di Dios, tira Bo kurpa abou; pasobra ta pará skirbi: 'E lo duna Su angelnan enkargo tokante di Bo i den nan mannan nan lo kargaBo, pa Bo no dal Bo pia na piedra.'?"
7 Jesus a kontest'é: "Tambe ta pará skirbî: 'No tenta Señor bo Dios.
8 Atrobe diabel a hib'E riba un seru masha haltu mes, i a mustr'E tur e reino¬nan di mundu i nan gloria;
9 i el a bis'E: "Tur e kosnan aki lo mi dunaBo, si Bo tira Bo kurpa abou i adorámi."
10 E ora ei Jesus a kontest'é: "Bai for di akinan, Satanás! Pasobra ta pará skirbi: 'Adorá SEÑOR bo Dios, i sirbi E so.