7.8 E Resurekshon di e Hustunan

 

1. Di kiko nos no mester ta ignorante?
1 Tesalonisensenan 4:13 Ma nos no kier, rumannan, pa boso keda den ignoransia tokante di esnan ku a muri, pa boso no ta tristu manera e otronan ku no tin speransa.

 

2. Kiko ta wòrdu duná komo base di speransa i konsuelo?
1 Tesalonisensenan 4: 17 E ora ei nos ku ta na bida, i ku a keda, lo wòrdu tumá den e nubianan huntu ku nan pa kontra ku Sefior den laira, i asina nos lo ta semper ku Señor.

 

3. Ku kiko nos mester konsolá otro?
1 Tesalonisensenan 4:18 Pesei, konsolá otro ku e palabranan aki.

 

4. Di kiko, Kristo ta bisa, nos no mester strañá?
Juan 5: 28,29
28 "No straña boso di esaki, pasobra e ora lo yega den kual tur ku ta den graf lo tende Su bos,
29 i lo sali; esnan ku a hasi bon, pa un resurekshon di bida, esnan ku a kometé maldat, pa un resurekshon di huisio.

 

5. Kiko ta wòrdu bisá di esnan ku ta kai bou di e prome resurekshon?
Revelashon 20:6 Bendishoná i santu ta esun ku tin parti den e promé resurekshon; riba esakinan e di dos morto no tin poder, ma nan lo ta saserdotenan di Dios i di Cristo i lo reina huntu kunE pa mil aña.

 

6. Riba ki echo Pablo ta basá e speransa di e Kristian?
1 Korintionan 15:12-19
12 Awor si Cristo ta wòdu prediká, ku El a wòrdu lantá for di e mortonan, kon al gun di boso ta bisa ku no tin resurekshon di e mortonan?
13 Ma si no tin resurekshon di e mortonan, anto ni Cristo tampoko no a wòrdu lantá;
14 i si Cristo no a wòrdu lantá, e ora ei nos predikamentu ta bano, i boso fe tambe ta bano.
15 Ademas, nos ta resultá di ta testigunan falsu di Dios, pasobra nos a duna testimonio kontra Dios ku El a lanta Cristo, Kende E no a lanta, si di bèrdat e mortonan no ta wòrdu lantá.
16 Pasobra si e mortonan no ta wòrdu lantá, Cristo tampoko no a wòrdu lantá;
17 i si Cristo no a wòrdu lantá, boso fe ta sin balor; ainda boso ta den boso pikánan.
18 E ora ei tambe esnan ku a muri den Cristo a peresé.
19 Si ta den e bida aki so nos a spera den Cristo, e ora ei di tur hende nos ta esnan mas di kompadesé.

 

7. Kua deklarashon sigur e apostel ta deklará?
1 Korintionan 15:20-22
20 Ma awor Cristo a wòrdu lantá for di e mortonan, e promé fruta di esnan ku a muri.
21 Pasobra komo ku morto a bin pa medio di un hende, asina tambe pa medio di un hende a bin e resurekshon di e mortonan.
22 Pasobra meskos ku den Adam tur ta muri, asina tambe tur lo wòrdu hasi bibu den Cristo.

 

8. Kiko Kristo mes ta bisa ku E ta?
Revelashon 1:18 i Esun ku ta biba; i Mi tabata morto, i mira, Mi ta bibu pa semper, i Mi tin e yabinan di morto i di Hades.

 

9. Kua pregunta Job ta hasi i ta kontestá?
Job 14:14,15
14 Si un hende muri, lo e bolbe biba? Tur e dianan di mi lucha lo mi spera, te ora mi liberashon bin.
15 Abo lo yama, i ami lo kontenstáBo; lo Bo anhelá na e obra di Bo mannan.

 

10. Di kon Job tabata deseá ku su palabranan por wòrdu deskribí den un buki, ku nan por a wòrdu di kap riba un baranka ku grifel di heru i chumbu pa semper?
Job 19:25 ,26
25 Pasobra mi sa ku mi Redentor ta biba, i ku na final E lo para riba tera.
26 I despues ku mi kueru keda destruí, mi sa esaki, ku den mi karni lo mi mira Dios,

 

11. Kon e santunan lo wòrdu resusitá, segun Pablo?
1 Korintionan 15:51, 52
51 Mira, mi ta konta boso un misterio; nos tur lo no muri, ma nos tur lo wòrdu transformá,
52 den un momento, den un fregá di wowo, na e ultimo zonidu di tròmpèt; pasobra e tròmpèt lo zona, i e mortonan lo wòrdu lantá den inkorupshon, i nos lo wòrdu transformá.

 

12. Ki kambio grandi lo tuma lugá den nos kurpa?
1 Korintionan 15:42-44
42 Asina e resurekshon di e mortonan tambe ta. Kurpa ta wòrdu sembrá den korupshon i ta wòrdu lantá den inkorupshon;
43 ta wòrdu sembrá den desonor, ta wòrdu lantá den gloria; ta wordu sembrá den debilidat, ta wòrdu lantá den poder;
44 ta wòrdu sembrá un kurpa natural, ta wòrdu lantá un kurpa spiritual.

 

13. Kua palabranan lo bira realidat?
1 Korintionan 15: 55 O morto, unda bo viktoria ta? o morto, unda bo pui ta?"!

 

14. Ki ora, David a bisa, e lo ta satisfecho?
Salmonan 17: 15 Ma pa loke t'ami, lo mi mira Bo kara den hustisia; i ora mi spièrta lo mi ta satisfecho di mira Bo kara.

 

15. Kua promesa di konsuelo Dios a duna tokante e santunan ku a muri?
Oseas 13: 14 "Lo Mi reskatá nan for di e poder di Seol; la Mi redimí nan for di morto. Morto, unda ba sumpiñanan ta? o Seol, unda ba pui ta? "Kompashon la ta skondí for di Mi bista.

 

16. Kiko mas El a primintí di hasi?
Revelashon 21:4 i E lo seka tur lágrima kita for di nan wowo; i lo no tin morto mas; lo no tin lamento mas, ni yoramentu, ni doló; e promé kosnan a pasa."