7.9 E kambio den mundu

 

1. Kiko e kondishon di mundu lo ta na Su segunda binida, segun Kristo?
Lukas 17:26-30
26 "I meskos ku a sosodé den e dianan di Noe, asina lo ta tambe den e dianan di e Yu di Hende:
27 nan tabata kome, nan tabata bebe, nan tabata kasa, nan tabata wòrdu duná pa kasa, te na e dia ku Noe a drenta e arka, i e diluvio a bin i a destruí nan tur.
28 "Tabata meskos ku a sosodé den e dianan di Lot: nan tabata kome, nan tabata bebe, nan tabata kumpra, nan tabata bende, nan tabata planta, nan tabata traha kas;
29 ma riba e dia ku Lot a sali for di Sodoma a yobe kandela i swafel for di shelu i a destruí nan tur.
30 "Lo ta meskos riba e dia ku e Yu di Hende wòrdu revelá.

 

2. Kon e kondishon di mundu tabata den dia di Noe?
Genesis 6:5-11
5 E ora ei Señor a mi ra ku maldat di hende tabata grandi riba tera, i ku tur intenshon di e pensamentunan di su kurason tabata kontinuamente maldat so.
6 EIa duel Señor ku El a traha hende riba tera i E tabata tristu den Su kurason.
7 I Señor a bisa: "Lo Mi destrui hende ku Mi a krea for di riba superfisio di tera, tantu hende komo bestia i tur loke ta lastra i parhanan di shelu, pasobra ta duel Mi ku Mi a traha nan."
8 Ma Noe a haña grasia den bista di Señor.
9 Esakinan ta e generashonnan di Noe. Noe tabata un hòmber hustu, perfekto den su generashonnan: Noe tabata kana ku Dios.
10 I Noe a engendrá tres yu hòmber: Sèm, Kam i Jafet.
11 Awor tera tabata korumpi den bista di Dios i tera tabata yen di violensia.

 

3. Kon Pablo a deskribí e ultimo dianan?
2 Timoteo 3:1 Ma sabi esaki, ku den e ultimo dia¬nan tempunan trabahoso lo bin.

 

4. Kiko lo hasi e tempu trabahoso, segun Pabo?
2 Timoteo 3:2-5
1 Ma sabi esaki, ku den e ultimo dianan tempunan trabahoso lo bin.
2 Pasobra hende lo ta stimadó di nan mes, stimadó di plaka, gabadó, arogante, blasfemadó, desobedesido na mayornan, ingrato, impio,
3 sin amor, irekonsiliabel, ku mala lenga, sin dominio propio, grosero, odiadó di loke ta bon,
4 traidó, imprudente, sobèrbè, mas bien stimadó di plas er ku stimadó di Dios;
5 ku tin aparensia di ta religioso bèrdè, ma ku ta nenga su poder; evitá e sorto di hendenan aki.

 

5. Kosnan lo bira mehor òf pehor, prome ku Señor bini atrobe?
2 Timoteo 3:13 Ma hendenan malbado i gañadònan lo bai di malu pa peor, gañando i siendo gañá.

 

6. Kuantu tempu e hendenan bon in e hendenan malu lo keda huntu, segun e komparashon di e trigu i e yerba shimaron?
Mateo 13:30 Laga tur dos krese huntu te na kosecha; i na tempu di kosecha lo mi bisa e kosechadónan: "Rekohé e yerba shimaron promé i mara nan na bòshi pa kima nan; ma rekohé e trigo warda den mi mangasina

 

7. Ki ora e kosecha ta bini?
Mateo 13:39 e enemigu ku a sembra nan ta diabel i e kosecha ta e fin di mundu; i e kosechadónan ta angelnan.

 

8. Ku ki proposito e evangelio mester wòrdu prediká den henter mundu, segun Kristo?
Mateo 24:14 I e evangelio aki di e reino lo wordu prediká den henter mundu komo un testimonio na tur nashon, i e ora ei e fin lo yega.

 

9. Ki ora e “hòmber di pika,” òf “ e misterio di inikidat,” i tambe yamá “e malbado,” lo yega na su fin?
2 Tesalonisensenan 2:8 I e ora ei e malbado ei lo wòrdu manifestá, kende Señor lo destruí ku rosea di Su boka i kaba kuné ku e resplandor di Su binida,

 

10. Kuantu tempu e kachu chiki di Daniel 7: 25 lo hasi guera kontra e santunan?
Daniël 7:21,22
21 Mi a sigui wak i e kachu ei tabata hasi guera kontra e santunan i tabata vense nan,
22 te ora ku e Ansiano di Dianan a bin, i huisio a wòrdu duná na fabor di e santunan di e Haltisimo, i e tempu a yega ku e santunan a poderá di e reino.

 

11. Kon e dia di Señor lo bin riba riba mundu?
1 Tesalonisensenan 5:2-4
2 Pasobra boso mes sa masha bon ku e dia di Señor lo bin meskos ku un ladron den anochi.
3 Mientras ku nan ta bisa: "Pas i siguridat!" pèrdishon lo bin riba nan direpiente, manera doló di parto riba un muhé na estado; i nan lo no skapa.
4 Ma boso, rumannan, no ta den skuridat, ku e dia ei lo a sorprendé boso manera un ladron;

 

12. Kiko algun di esnan ku ta den skuridat lo bisa, ora nan ta tende di e binida di Señor?
2 Pedro 3:3,4
3 Sabi esaki promé ku tur kos, ku den e ultimo dianan bofonadónan lo bin ku nan bofon, siguiendo nan mes pashonnan,
4 i bisando: "Unda e promesa di Su binida ta? Pasobra desde ku e tatanan a muri, tur kos ta keda meskos ku nan tabata for di prinsipio di kreashon."

 

13. Kiko lo wòrdu siñá tur kaminda den e ultimo dianan?
Mikeas 4:1-3
1 lo sosodé den e ultimo dianan ku e seru di e kas di Señor
lo wòrdu stablesí komo hefe di e serunan. E lo wòrdu halsá mas haltu ku e seritunan, i e pueblonan lo basha bai na djé.
2 I hopi nashon lo bin bi a: "Ban laga nos subi bai na e seru di Señor i na e kas di e Dios di Jakob, pa E siña nos di Su kamindanan i pa nos kana den Su berehanan." Pasobra e lei lo sali for di Sion, e palabra di Señor for di Jerusalèm.
3 I E lo huzga entre hopi pueblo i hasi desishon pa nashonnan leu i poderoso. E ora ei nan lo bati nan spadanan traha plug ku nan, i nan lo bati nan lansanan traha skèr-pa-snui ku nan; nashon lo no lanta spada kontra nashon, i nunka mas nan lo no tren pa guera.
Isaias 2:3-5
3 I hopi pueblo lo bin bisa: "Ban, laga nos subi bai na e seru di Señor, na e kas di e Dios di Jakob, pa E siña nos tokante di Su kamindanan, i pa nos kana den Su berehanan." Pasobra e lei lo sali for di Sion, i e palabra di Señor for di Jerusalèm.
4 I E lo huzga entre e nashonnan, i lo reprendé hopi pueblo. I nan lo bati nan spadanan traha plug ku nan, i nan lo bati nan lansanan traha skèr pa snui ku nan. Nashon lo no lanta spada kontra nashon,i nunka mas nan lo tren pa guera.
5 Bin, kas di Jakob, laga nos kana den e lus di Señor. E dia di Señor

 

14. Kua mensahe ta mustra e berdadero estado di asuntunan?
Joel 3:9,10
9 Proklamá esaki meimei di e nashonnan: prepará un guera; lanta e hòmbernan poderoso! Laga tur e sòldánan hala serka, laga nan subi.
10 Bati boso plugnan traha spada ku nan, i bati boso skèrnan-pa-snui traha lansa ku nan; laga e debil bisa: "Mi ta un hòmber poderoso."

 

15. Kiko e hendenan ta bisa, mientras nan ta hasi preparashon pa guera?
Jeremias 6:14 Nan a gaña kura e herida di Mi pueblo, bisando: 'Pas, pas,' ma no tin pas.

 

16. Pero Beibel no ta bisa ku e paganunan lo wòrdu duná na Señor komo Su erensia?
Salmonan 2:8 PidiMi, i siguramente lo Mi dunaBo e nashonnan komo Bo erensia, i e finnan di tera komo Bo poseshon.

 

17. Kiko Señor lo hasi ku nan?
Revelashon 19:15 I for di Su boka ta sali un spada skèrpi pa E dal e nashonnan kuné; i E lo goberná nan ku bara di heru; i E ta trapa e hak di pèrs-wendrùif di e furia ardiente di Dios Todopoderoso.