7.2 Siñalnan Di Tempu

 

1. Riba kua echo Hesus a reprendé e Fariseonan i e Saduseanan?
Mateo 16:2, 3
2 Ma EI a kontestá i a bisa nan: "Ora bira tardi boso ta bisa: 'Ta bai tin bon tempu, pasobra shelu ta kòrá.'
3 I mainta: 'Awe ta bai tin mal tempu, pasobra shelu ta kòrá i tur tapá ku nubia skur.' Boso sa kon pa distinguí e aspekto di shelu, ma boso no por distingui e señalnan di e tempunan?

 

2. Kua señal e profeta Isaias a pronostoká, riba kual nan por rekonosé Cristo komo Mesias na Su prome binida?
Isaias 7:14 Pesei Señor mes lo duna boso un señal: Mira, un birgen lo sali na estado i lo haña un yu hòmber, i e lo dun'E e nòmber Emanuel.
Mateo 1:22,23
22 Awor tur esaki a sosodé pa loke a wòrdu papiá dor di Señor pa medio di e profeta por a keda kumpli, ora ku el a bisa:
23 Ata, e birgen lo sali na estado, i lo haña un Yu hòmber, i nan lo dun'E e nòmber EmanueJ, ku tradusi ta nifiká: "Dios ku nos."

 

3. Unda Hesus lo a nase, segun e profeta Mikeas?
Mikeas 5:2 Ma abo, Bètlehèm Efrata, muchu chikitu pa ta entre e famianan di Juda, for di bo lo sa!i Uno pa Mi pa ta Gobernante na Israe!. Su origen ta for di hopi tempu pasá, for di e dianan di etèrnidat.
Mattheus 2:1 Awor despues ku Jesus a nase na Bètlehèm di Judea den e dianan di rei Herodes, ata, sabionan for di oriente a yega Jerusalèm,

 

4. Kua profeta a pronostiká e entrada di Hesus na Jerusalem?
Zacharias 9: 9 Regosihá grandemente, o yu muhé di Sion! Grita ku hubilo, o yu muhé di Jerusalèm! Ata bo Rei ta bin serka bo; E ta hustu i ta trese salbashon, umilde i sintá riba un buriku, riba un buriku yòn, yu di un buriku muhé.
Mateo 21:4, 5
4 Awor esaki a sosodé pa por keda kumpli loke a wòrdu bisá dor di e profeta ku a bisa:
5 "Bisa e yu muhé di Sion: 'Ata bo Rei ta bin serka bo, mansu i sintá riba un buriku, un yu di buriku, yu di un bestia di karga.

 

5. Kua pregunta e disipelnan a hasi na Hesus tokante Su segunda binida?
Mateo 24:3 I ora ku E tabata sintá riba Seru di Oleifi, e disipelnan a bin nan so serka djE, bisando: "Bisa nos, ki tempu e kosnan aki lo sosodé, i kiko lo ta e señal di Bo binida i di e fin di mundu?

 

6. Kon Hesus a kontestá e pregunta aki?
Lukas 21:25,26
25 "I lo tin señalnan den solo i luna i streanan, i riba tera angustia entre e nashonnan, i desesperashon pa motibu di e ronkamentu di laman i olanan;
26 hendenan ta desmayá di miedu i den e ekspektativa di e kosnan ku ta bin riba mundu, pasobra e podernan di e shelunan lo wòrdu sakudi,

 

7. Kiko, segun Cristo lo tabata e señalnan den solo, luna i strea?
Mateo 24:29 Ma mesora, despues di e tribulashon di e dianan ei, 'solo lo bira skur i luna lo no duna su klaridat i e streanan lo kai for di shelu, i e podernan di e shelunan lo wòrdu sakudí

 

8. Den kua palabranan algun profeta den Testament Bieu a pronostiká e señalnan aki?
Amos 8:9 I lo sosodé den e dia ei," Señor Dios ta deklará, "ku lo Mi hasi solo baha na ora di mèrdia, i hasi tera skur di dia kla.

9. Ki dia solo i luna lo a bira skur?
19 di mei 1780

 

10. Ki dia tabatatin e milagrosa kaida di streanan?
13 di november 1833.

 

11. Nos a yega na e tempu ku tin angustia entre nashonnan?
Tur hende ku mente sa, ku mundu na momentu aki ta den angustia I tur hende ta preokupá i alarmá tokante e situashon den mundu I na unda e situashonnan aki ta hiba nos

 

12. Kurason di hende ta desmayá di miedu i den e ekspektativa di e kosnan ku ta bin riba mundu?
Tur hende ku ta konosí ku e eventonan di awor, sa ku esaki ta e kaso

 

13. Kiko por wòrdu bisa di e ronkamentu di laman i olanan den nos tempu?
Siklonnan i warwarunan riba tera, ta aumentá e ultimo añanan i tur aña ta bira mas grandi I ta hasi mas disaster.

14. Kiko, segun profeta Daniel, lo marka e tempu di fin?
Daniël 12:4 Ma pa loke t'abo, Daniel, te ne e palabranan aki skondí i seya e buki te na e tempu di e fin; hopi hende lo kore pariba pabou, i konosementu lo oumentá.

 

15. Kiko a wòrdo pronostiká tokante e situashon moral di mundu den ultimo dianan?
2 Timoteo 3:1-5
1 Ma sabi esaki, ku den e ultimo dianan tempunan trabahoso lo bin.
2 Pasobra hende lo ta stimadó di nan mes, stimadó di plaka, gabadó, arogante, blasfemadó, desobedesido na mayornan, ingrato, impio,
3 sin amor, irekonsiliabel, ku mala lenga, sin dominio propio, grosero, odiadó di loke ta bon,
4 traidó, imprudente, sobèrbè, mas bien stimadó di plas er ku stimadó di Dios;
5 ku tin aparensia di ta religioso bèrdè, ma ku ta nenga su poder; evitá e sorto di hendenan aki.

 

16. Kon,segun apostel Pedro, e mensahe di e binida di Señor lo a wòrdu bofoná?
2 Pedro 3:3,4
3 Sabi esaki promé ku tur kos, ku den e ultimo dianan bofonadónan lo bin ku nan bofon, siguiendo nan mes pashonnan,
4 i bisando: "Unda e promesa di Su binida ta? Pasobra desde ku e tatanan a muri, tur kos ta keda meskos ku nan tabata for di prinsipio di kreashon

 

17. Kiko e fiel sirbidornan di Dios lo hasi den e tempu ei?
Mateo 24:45 Ken anto ta e esklabu fiel i prudente ku su shon a laga enkargá ku su kas pa duna nan nan kuminda na su debido tempu?

 

18. Kiko nos tur ta wòrdu atvertí pa hasi ora e siñalnan a manifestá?
Mateo 24:44 Pa e motibu aki boso tambe sea prepará, pasobra e Yu di Hende lo bin na un ora ku boso no ta pensa.

 

19. Kon e binida di Cristo lo sorprendé e mal esklabunan, ku ta bisa den nan kurason: “Nos Señor ta tarda pa bini?”
Mateo 24:50, 51
50 e shon di e esklabu ei lo bin riba un dia ku e no ta sper'é i na un ora ku e no sa,
51 I lo kòrt'é na pidapida i lo dun'é un lugá huntu ku e hipokrítnan; ayanan lo tin yoramentu i mordementu riba djente.