7.1 E Gran Pronóstiko Di Nos Señor

 

1. Kua sintimentunan Hesus tabatin pa Jerusalem ora e tabata na punto pa drenta Jersusalem pa ultimo biaha prome di Su krusifikshon?
Lukas 19: 41, 42
41 I ora ku El a yega mas serka i a mira e stat, El a yora pa su motibu,
42 bisando: "Ai, si bo tabata sa riba e dia aki, abo mes, kiko ta trese pas pa bo Ma awor nan ta skondí pa bo wowo.

 

2. Ku kua palabranan e tabata anunsia e destrukshon di Jerusalem?
Lukas 19: 43, 44
43 Pasobra e dianan lo bin pa bo ku bo enemigunan lo lanta un baluarte rònt di bo, i rondonábo i serabo aden di tur banda,
44 i bashabo abou na suela i bo yunan denter di bo, i nan lo no laga den bo ni un piedra riba otro, pasobra bo no a kòrda e tempu ku Dios a bishitábo."

 

3. Kua apelashon penoso E la hasi riba e stat?
Mateo 23: 37 "O Jerusalèm, Jerusalèm, abo ku ta mata e profetanan i ta piedra esnan ku ta wòrdu mandá serka djé! Kuantu biaha Mi no tabata kier a hunta bo yunan, maner a un galiña ta hunta su puitunan bou di su halanan, i boso no tabata kier.

 

4. Kiko E la bisa ora tabata saliende for di e tempel?
Mateo 23: 38 Mira, boso kas ta keda desolá pa boso!

 

5. Kiko e didipelnan a puntra ora nan e tende Su palabranan?
Mateo 24: 3 I ora ku E tabata sintá riba Seru di Oleifi, e disipelnan a bin nan so serka djE, bisando: "Bisa nos, ki tempu e kosnan aki lo sosodé, i kiko lo ta e señal di Bo binida i di e fin di tempu?

 

6. Kon Cristo a hasi kla den Su palabranan, ku ni e fin di mundu, ni e fin di e nashon Hudiu tabata algu ku pronto lo a sosodé?
Mateo 24:4-6
4 I J esus a kontestá i a bisa nan: "Mira pa ningun hende no gaña boso.
5 Pasobra hopi lo bin den Mi nòmber, bisando: 'Ta ami ta e Cristo,' i lo gaña hopi hende.
6 I boso lo tende di gueranan i rumornan di gueranan; mira pa boso no spanta, paso¬bra e kosnan ei mester tuma lugá, ma ainda no ta e fin.

 

7. Kiko E la bisa tokante e gueranan, hamber, pest i temblornan ku lo a tuma luga prome ku e eventonan?
Mateo 24: 8 Ma tur e kosnan aki ta e prinsipio di dolónan di parto.

 

8. Ku kua palabranan Cristo a duna un resumen kòrtiko di e situashon di Su pueblo prome ku e kosnan aki lo sosodé?
Mateo 24:9-12
9 "E ora ei nan lo entregá boso na tribulashon i lo mata boso, i tur nashon lo odia boso pa kousa di Mi nòmber.
10 I na e tempu ei hopi lo trompeká i lo entregá otro i odia otro.
11 I hopi profeta falsu lo lanta i lo gaña hopi hende.
12 I pasobra inikidat ta oumentá, amor di hopi hende lo fria.

 

9. Ken, segun Cristo, lo ta salbá?
Mateo 24: 13 Ma esun ku pèrseverá te na fin, esei lo ta salbá.

 

10. Ki ora, El a bisa, ku e fin lo bini?
Mateo 24: 14 I e evangelio aki di e reino lo wordu prediká den henter mundu komo un testimonio na tur nashon, i e ora ei e fin lo yega.

 

11. Di kua siñal Cristo a papia, na kua Su disipelnan lo tabata sa ku e destrukshon di Jerusalem tabata serka?
Lukas 21: 20 Ma ora boso mira Jerusalèm rondoná dor di ehérsitonan, rekonosé anto ku su desolashon ta serka.

 

12. Ora nan a mira e siñal aki, kiko e disipelnan mester a hasi?
Mateo 24:15, 16
15 "Pesei, ora boso mira e Abominashon di Desolashon'y ku profeta Daniel a papia di djé, ta para den e lugá santu (laga esun ku ta lesa, komprendé),
16 e ora ei laga esnan ku ta na Judea hui bai na e serunan;
Nota: Den oktober 66 n.C, ora Cestius a sitia e stat, pero pa motibu di un òf otro manera, diripiente a retira su ehersito, e kristiannan a rekonosé e siñal ku Kristu a pronostiká i a huí. Despues ku Cestius a retirá hopi Hudiunan prinsipal a huí for di e stat. E ta remarkabel, ku durante e sitio teribel di Tito, tres aña i mei despues, nan no sá di ni un Kristian, ku a pèrdé su bida, mientras nan ta bisa ku 11.000.000 Hudiunan a pèrdé nan bida. Esaki ta un lès remarkabel di e balor i importansia di skundriña i tin fe den e profesianan i paga tino na e siñalnan di tempu. Esnan ku a kere den loke Hesus a bisa i tabata keda mira na e siñal ku Ela predisí, a wòrdu salbá. Mientras inkredulonan a keda destruí. Asina e lo ta tambe na e fin di mundu. E vigilantenan i e kerientenan lo wòrdu salbá, mientras e indiferentenan i inkredulonan lo wòrdu kohé di sorpresa.

 

13. Ora e siñal lo a parse, kon lihe nan mester a huí?
Mateo 24:17, 18
17 no laga esun ku ta riba dak baha pa saka e kosnan ku ta den su kas bai kuné;
18 i no laga esun ku ta den kunuku bai bèk pa kohe su mantel.

 

14. Aparte ku El a atvertí Su disipelnan pa huí, kon mas El a mustra Su prekupashon i kuido pa nan.
Mateo 24:20 Ma hasi orashon pa boso huida no sosodé den wenter , ni riba un dia di Sabat;
Nota: E orashonnan di e siguidornan di kristo a wòrdu kontestá.
E eventonan a wòrdu reglá dital forma ku ni e Hudiunan ni e Romanonan a strobá e huida di e kristiannan. Despues ku Cestius a retirá, e Hudiunan a persigui su ehersito i e kristiannan tabatin oportunidat pa bandoná e stat. Tambe e teranan rondó tabata liber di enemigunan ku por a kòrta nan kaminda.
Durante e sitio aki e Hudiunan a reuní na Jerusalem pa selebrá Kabana Sukòt asina e Kristiannan di Judea por a huí sin estorbo i esaki den primavera, e tempu mas favorabel pa huí.

 

15. Kua otro prueba Cristo e menshoná?
Mateo 24:21 pasobra e ora ei lo tin un gran tribulashon, manera nunka tabatin for di prinsipio di mundu te awor aki, i ku lo no tin nunka mas tampoko.
Nota: Despues di e destrukshon di Jerusalem a sigui e persiguishon di e kristiannan bou di e emperadornan Romano durante e prome tres siglonan di e era Kristian, kuminsando bou di Diokletianus, den 303 n.C, ku a dura dies aña I tabata e persiguishon mas severo I amarga di e pueblo di Dios, ku mundu a kontemplá.
Despues a sigui persiguishon di e santunan mas grandi i mas teribel durante e dominio Papal ku a wòrdu presidí den Daniel 7: 25 i Revelashon 12: 6. Tur e tempunan di angustia tabata òf bou di Roma paganu òf bou di Roma papal.

16. Pa kousa di ken e periodo di persiguishon Papal a wòrdu hasi kòrtiku?
Mateo 24:22 I si e dianan ei na a wòrdu hasi mas kòrtiku, ningun bida lo no a wordu salbá; ma pa kousa di e eliginan e dianan ei lo wòrdu hasi mas kòrtiku,
Nota: Dor di influensia di e Reforma den iglesia I e movementunan ku a surgi foi dje, e poder Papal pa eherse mandatonan kontra esnan ku nan tabata yama renegadonan a bira menos te ku e siglo diesocho, e kuminsamentu di époka di libertat I persiguishon a stop den su totalidat.

 

17. Kontra kua tentashon Cristo ta sigui spierta nos?
Mateo 24:23, 24
23 E ora ei, si un hende bis a boso: 'Mira, ata e Cristo aki,' Of 'At'E aya,' no ker'é.
24 Pasobra Cristonan falsu i profetanan falsu lo lanta, i lo hasi seîialnan i maraviyanan grandi pa gaña, si ta posibel, asta e eliginan.

 

18. Kiko, segun Cristo, lo tabata e siñal di Su binida i e fin di mundu?
Lukas 21:25, 26
25 "I lo tin señalnan den solo i luna i streanan, i riba tera angustia entre e nashonnan, i desesperashon pa motibu di e ronkamentu di laman i olanan;
26 hendenan ta desmayá di miedu i den e ekspektativa di e kosnan ku ta bin riba mundu, pasobra e podernan di e shelu¬nan lo wòrdu sakudi,

 

19. Kiko lo tabata e prome siñalnan i kiko nan lo tabata?
Mateo 24: 29 Ma mesora, despues di e tribulashon di e dianan ei, 'solo lo bira skur i luna lo no duna su klaridat i e streanan lo kai for di shelu, i e podernan di e shelunan lo wòrdu sakudí

 

20. Kon Marko ta ekspresá esaki?
Marko 13:24, 25
24 Ma den e dianan ei, despues di e tribulashon ei, 'solo lo bira skur i luna lo no duna su klaridat.
25 I e streanan lo kai for di shelu, i e podernan ku ta den e shelunan lo wòrdu sakudi.'
Nota: E persiguishonnan papal a stòp kasi kompleto mei mei di e siglo diesocho. E ora ei e siñal di Su binida a kuminsá manifestá.

 

21. Ki ora milagroso eklipse di solo a tuma luga?
Riba 19 mei 1780
Nota: 19 mei 1780 ta konosé di Historia komo “e di skur.” Riba e dia ei a bin riba merdia un skuridat strañu riba e Mundu Nobo, riba kual kasi henter mundu tabata fiha nan wowo. Den hopi kas belanan tabata wòrdu sendé. Paranan a bira ketu in desparsé. E galiñanan a drenta hòki. Hopi hende a kere ku e dia di huisio a yega, i esei tabata na akuerdo ku e impreshon ku Dios tabata ke pa e siñal aki a hasi. E dia aki a anunsia e binida di Hesus.

 

22. Ki ora luna no tabata duna su klaridat?
E anochi di 19 mei 1780
Nota: Aunke luna tabata yen e anochi delantá, e skuridat di e anochi ei tabata asina diki, ku pa un tempu no por a mira ningun lus den shelu i un papel blanku tené u par di duim dilanti wowo no por a wòrdu distingui. Esaki tambe tabata un siñal di e segundo binida di Hesus.

 

23. Kua siñal lo a sigui e eklipse di solo i luna?
Mateo 24: 29 Ma mesora, despues di e tribula¬shon di e dianan ei, 'solo lo bira skur i luna lo no duna su klaridat i e streanan lo kai for di shelu, i e podernan di e shelunan lo wòrdu sakudí

 

24. Ki ora e streanan tabata kai, manera pronostiká?
Op 13 november 1833

 

25. Kiko lo ta e siñalnan di e binida di nos Señor riba tera?
Lukas 21:25, 26
25 I lo tin señalnan den solo i luna i streanan, i riba tera angustia entre e nashonnan, i desesperashon pa motibu di e ronkamentu di laman i olanan;
26 hendenan ta desmayá di miedu i den e ekspektativa di e kosnan ku ta bin riba mundu, pasobra e podernan di e shelunan lo wòrdu sakudi,

 

26. Kiko, segun Cristo, lo ta e prome gran evento ku lo a sigui riba e siñalnan?
Lukas 21:27 I e ora ei nan lo mira e Yu di Hende ta bin den un nubia ku poder i gran gloria.
Mateo 24:30 E ora ei e señal di e Yu di Hende lo paresé na shelu, i e ora ei tur e tribunan di riba tera lo lamentá, i nan lo mira e Yu di Hende ta bin riba e nubia-nan di shelu ku poder i gran gloria.

 

27. Kiko Cristo tabata ke pa Su pueblo hasi ora e siñalnan a kuminsa manifestá?
Lukas 21: 28 Ma ora ku e kosnan aki kuminsá tuma lugá, wak ariba i lanta boso kabes, pasobra boso redenshon ta yegando serka.

 

28. Kiko nos sa, ora e palunan a kuminsa saka su blachinan?
Mateo 24: 32 Awor siña e parábola aki for di e palu di figo: ora su rama a bira moli kaba, i e saka su blachinan, boso sa ku zomer ta serka;

 

29. Kiko nos por sa siguramente ora nos a mira e siñalnan?
Mateo 24: 33 asina boso tambe, ora boso mira tur e kosnan aki, sabi ku E ta serka, dilanti di porta.

 

30. Kiko Cristo a bisa tokante e seguridat di Su pronostiko?
Mateo 24: 34, 35
34 Di bèrdat Mi ta bisa boso ku e generashon aki lo no pasa promé ku tur e kosnan aki tuma lugá.
35 Shelu i tera lo pasa, ma Mi palabranan lo no pasa.
Nota: Kada persona ku ta un poko konosí ku historia, sabi ku loke Hesus a predisí tokante Jerusalem a kumpli literalmente.
Di mesun manera nos por ta sigur ku tur loke a ta bisa tokante e fin di mundu lo wòrdu kumplí di mes manera i asta litealmente.

 

31. Ken so sa e dia eksakto di e binida di Cristo?
Mateo 24:36 Ma di e dia ie ora ei ningun hende no sa, ni e angelnan di shelu tampoko, ni e Yu, sino e Tata so.

 

32. Kiko Cristo a bisa ku lo tabata situashon moral di mundu prome di Su binida?
Mateo 24:37- 39
37 Pasobra e binida di e Yu di Hende lo ta meskos ku e dianan di Noe.
38 Pasobra meskos ku den e dianan ei ku tabata promé ku e diluvio, nan tabata kome i bebe, nan tabata kasa i duna pa kasa, te dia ku Noe a bai den e arka,
39 i nan no a komprendé te ora ku e diluvio a bin i a bai ku nan tur, asina e binida di e Yu di Hende lo ta.

 

33. E echo ku nos no sa e ora eksakto di e binida di Cristo, kua atvertensia importante El a duna nos?
Mateo 24:44 Pa e motibu aki boso tambe sea prepará, pasobra e Yu di Hende lo bin na un ora ku boso no ta pensa.

 

34. Kiko esnan, ku ta bisa den nan kurason ku Señor lo no bin tan pronto, lo eksperensia?
Mateo 24:48- 51
48 Ma si e esklabu malbado ei bisa den su kurason: 'Mi shon lo no bin p'awor,
49 i e kuminsá bati su kompañeronan-esklabu i kome i bebe huntu ku burachénan,
50 e shon di e esklabu ei lo bin riba un dia ku e no ta sper'é i na un ora ku e no sa,
51 I lo kòrt'é na pidapida i lo dun'é un lugá huntu ku e hipokrítnan; ayanan lo tin yoramentu i mordementu riba djente.