3.12 Yamamentu i Skohementu segun Beibel

 

1. Kiko e apostel Pedro ta atvertí nos pa hasi?
2 Pedro 1:10 Pesei, rumannan, sea ainda mas diligente pa ta sigur ku ta El a yama i a skohe boso; pasobra tanten ku boso ta praktiká e kosnan aki, boso lo no trompeká nunka;

 

2. Kua amonestashon, ku Cristo a duna, ta siña e mesun berdat?
Revelashon 3:11 'Mi ta bin pronto; tene firme na loke bo tin, pa ni un hende no kita bo korona.

 

3. Riba kual kondishon e korona bida a wòrdu primintí?
Revelashon 2:10 No tene miedu di loke bo ta bai sufri. Mira, diabel ta bai tira algun di boso den prizon, pa boso wòrdu poní na prueba, i boso lo sufri tribulashon dies dia largu. Sea fiel te na morto i lo Mi dunabo e korona di bida.

 

4. Den ken i foi ki tempu nos a wòrdu skohí pa ta santu i salbá?
Efesionan 1:4 meskos ku El a skohe nos den djE promé ku fundashon di mundu, pa nos por ta santu i sin kulpa dilanti di djE.

5. Kiko ta e karakter di esnan ku a wòrdu skohí foi fundashon di mundu?
Efesionan 1:4 meskos ku El a skohe nos den djE promé ku fundashon di mundu, pa nos por ta santu i sin kulpa dilanti di djE.

 

6. Pa kiko Dios a predestiná esnan ku ta optené e karakter aki?
Efesionan 1:5 Den amor El a predestiná nos pa wòrdu adoptá komo Su yunan pa medio di Jesu-Cristo, segun e bon intenshon di Su boluntat,

 

7. Na kiko Dios a yama nos?
Romanonan 8:28 l nos sa ku Dios ta hasi tur kos obra huntu pa bon pa esnan ku ta stima Dios, pa esnan ku ta yamá segun Su propósito.

 

8. Pa kiko nos a wdu predestiná?
Efesionan 1:11 Den djE tambe nos a optené un erensia, siendo predestiná konforme e propósito di Esun ku ta obra tur kos segun e konseho di Su boluntat,

 

9. Kuantu hende Dios ta deseá pa salbá?
1 Timoteo 2:4 Kende ta deseá pa tur hende wòrdu salbá i yega na konosementu di e bèrdat.

10. Riba kua kondishon salbashon ta wòrdu ofresé?
Echonan 16:31 I nan a bisa: " buta bo konfiansa den Señor Jesus i lo bo ta salbá, abo i e hendenan di bo kas."

11. Pa kuantu tempu e fe aki mester wòrdu ehersé pa finalmente wòrdu salbá?
Mateo 24:13 Ma esun ku pèrseverá te na fin, esei lo ta salbá.
Santiago 1:12 Bendishoná ta un hende ku ta pèrseverá den prueba; pasobra unabes ku el a pasa e prueba, e lo risibí e korona di bida, ku Señor a primintí na esnan ku ta stim'E.

 

12. Kua skritura tin biaha ta wòrdu sita pa prueba ku Dios tin kier tokante e manera e ta trata hende?
Romanonan 9:18 Asina anto E tin miserikòrdia di esun ku E kier, i E ta enduresé esun ku E kier.

 

13. Pero kua otro skritura ta mustra ku ken Dios ta miserikordioso i ken no?
Salmonan 18:25, 26
25 Na e hende miserikòrdioso Bo ta mustra Bo mes miserikàrdioso; na e hende rekto Bo ta mustra Bo mes rekto;
26 na e hende puru Bo ta mustra Bo mes puru, ma na e hende pèrvèrso Bo ta mustra Bo mes severo.
Isaias 55:7 Laga e malbado bandoná su kaminda, i e hende inhustu su pensamentunan;
i lagu'é bolbe serka Señor, i E lo tin kompashon kuné; i serka nos Dios, pasobra E lo pordoná abundantemente

 

14. Kiko ta nesesario pa parti di hende pa ta salbá?
Josue 24:15 I si ta desagradabel den boso bista pa sirbi Señor, skohe pa boso mes awe kende boso lo sirbi: sea e dios¬nan ku boso tatanan tabata sirbi, kualnan tabata na e otro banda di Riu Eufrates, òf e diosnan di e amoreonan, den kende nan tera boso ta biba; ma pa loke ta ami i mi kas, nos lo sirbi Señor.
Juan 7:17 Si un hende kier hasi Su boluntat, e lo sa di e siñansa, si ta di Dios e ta, òf si ta Mi mes ta papia.
Echonan 16:31 I nan a bisa: "buta bo konfiansa den Señor Jesus i lo bo ta salbá, abo i e hendenan di bo kas."
Revelashon 22:17 I e Spiritu i e brùit ta bisa: "Bin." I laga esun ku tende, bisa: "Bin." I laga esun ku tin set, bin; laga esun ku kier, tuma e awa di bida pòrnada.

 

15. Den kua echo kada keriente por regosihá?
Lukas 10:20 Ma no regosihá den esaki, ku e spiritunan ta someti na boso, ma regosihá ku boso nòmbernan ta skirbi den shelu."

 

16. E nombernan di ken ta wòrdu wardá den e Buki di Bida?
Revelashon 3:5 Esun ku vense lo wòrdu bisí! na paña blanku; i lo Mi no kita su nòmber for di e buki di bida, i lo Mi konfesá su nòmber dilanti di Mi Tata i dilanti di Su angelnan