3.11 Konsagráshon

 

1. Kua ofrenda Esekias a òrdená pa trese, ora el a restorá e sevisio den tempel?
2 Kronikanan 29:27 Anto Ezekias a duna òrdu pa ofresé e ofrenda kimá riba e alt ar. Ora ku e ofrenda kimá a kuminsá, e kantika na Señor tambe a kuminsá ku tròmpèt, akompañá pa e instrumèntnan di David, rei di Israel.

2. Ora e pueblo a partisipá na e servisio, Kon Esekias a splika nan e nifikashon di tur esaki?
2 Kronikanan 29:31 E ora ei Ezekias a kontestá i a bisa: "Awor ku boso a konsagrá boso mes na Señor, hala serka i trese sakrifisionan i ofrendanan di gradisimentu na e kas di Señor.

3. Kon e konsagráshon aki ta wòrdu rekomendá na tur Kristian?
Romanonan 12:1 Pesei mi ta roga boso, rumannan, pa medio di e miserikòrdianan di Dios, pa presentá boso kurpanan komo sakriftsionan bibu i santu, aseptabel pa Dios, kual ta boso sirbishi spiritual di adorashon.

 

4. Kiko e sakrifisio kontinuo ta wòrdu spliká ku e ta?
Hebreonan 13:15 Dor di djE anto, laga nos ofresé kontinuamente un sakrifisio di alabansa na Dios, esta, e fruta di lepnan ku ta duna gradisimentu.na Su nòmber,

5. Kon e iglesia kristian mester kontinuá e servisio do konsagráshon?
1 Pedro 2:5 boso tambe, manera piedranan bibu, ta wòrdu edifiká komo un kas spiritual pa un saserdosio santu, pa ofresé sakrifisionan spiritual ku ta aseptabel pa Dios pa medio di JesuCristo.

 

6. Ken a duna e ehempel di konsagráshon total?
Mateo 20:27, 28
27 i ken ku kier ta esun di promé entre boso lo ta boso esklabu;
28 meskos ku e Yu di Hende no a bin pa wòrdu sirbí, ma pa sirbi, i pa duna Su bida komo preis di reskate pa hopi."

 

7. Ki posishon Hesus a okupá bao di su disipelnan?
Lukas 22:27 Pasobra ta ken ta mas grandi: esun ku ta sinta na mesa of esun ku ta sirbi? No ta esun ku ta sinta na mesa? Ma Ami ta meimei di boso manera esun ku ta sirbi.

 

8. Den kiko nos mester ta igual ku Cristo?
Filipensenan 2:5 Laga tin den boso e aktitut aki ku tabatin tambe den Cristo Jesus

 

9. Kiko e spiritu di umildat i konsagrashon di Cristo a permitie di hasi?
Filipensenan 2:7 ma a bandoná Su mes gloria, tumando forma di un sirbidó, siendo trahá den e semehansa di hende.

10. Kon profundo Cristo a umiyá su mes?
Filipensenan 2:8 I hañando Su mes den kondishon di hende, El a umiyá Su mes

 

11. Kon E ta atvertí nos pa praktiká e mesun konsagrashon?
Mateo 11:29 Tuma Mi yugo riba boso, i siña di Mi, pasobra Mi ta mansu i umilde di kurason; i boso lo haña sosiegu pa boso alma.

 

12. Ki kondishon e ta buta pa esnan ku ke siguie?
Lukas 14:33 Asina anto, ningun di boso ku no ta renunsiá tur loke e tin no por ta Mi disipel.

13. Kiko ta e prueba ku un hende no ta pertenesé na Cristo?
Romanonan 8:9 Sinembargo, boso no ta den karni, sino den e Spiritu, si di bèrdat e Spiritu di Dios ta biba den boso. Ma si un hende no tin e Spiritu di Cristo, e no ta pertenesé na djE.

 

14. Kon un hende, ku ta konfesá ku e ta den Cristo, tin ku kana?
1 Juan 2:6 esun ku bisa ku e ta permanesé den djE mester kana na mesun manera ku El a kana.

 

15. Nos ta pertenesé na nos mes?
1 Korintionan 6:19, 20
19 òf boso no sa ku boso kurpa ta e tèmpel di Spiritu Santu, Kende ta den boso, Kende boso tin di Dios, i ku boso no ta pertenesé na boso mes?
20 Pasobra boso a wòrdu kumprá pa un preis: pesei glorifiká Dios den boso kurpa.

16. Kiko nos ta wòrdu atvertí pa hasi?
1 Korintionan 6:20 Pasobra boso a wòrdu kumprá pa un preis: pesei glorifiká Dios den boso kurpa.

 

17. Di kiko e kurpa di kristianan ta un tempel?
1 Korintionan 6:19 òf boso no sa ku boso kurpa ta e tèmpel di Spiritu Santu, Kende ta den boso, Kende boso tin di Dios, i ku boso no ta pertenesé na boso mes?

 

18. Ora un hende ta berdaderamente konsagrá, kiko e ta despuesto pa hasi?
Isaias 6:8 Despues mi a tende e bos di Señor ta puntra: "Ken lo Mi manda i ken lo bai pa Nos?" E ora ei mi a kontestá: "At'ami aki! Manda ami!

 

19. Kon e boluntat pa sirbí ta wòrdu ekspresá den otro palabranan?
Salmonan 123:2 Mira, manera wowo di sirbidónan ta riba man di nan shon, manera wowo di sirbiente ta riba man di e señora, asina nos wowo ta riba SENOR nos Dios, te ora ku E tene miserikòrdia di nos.