18. E Reino Rekuperá

18.6  E Hogar di e Salbanan             

 

1. Ku ki proposito tera wòrdu kreá?
Isaias 45:18 Pasobra, asina Señor, Kende a krea e shelunan, ta bisa (E ta e Dios, Kende a forma tera i a trah'é; El a stables'é, i no a krea esaki pa e keda bashí, ma El a form'é pa e wòrdu habitá): "Am i ta Señor, i no tin ningun otro.

 

2. Ken Dios a duna tera?
Salmonan 115:16 E shelunan ta e shelunan di Señor, ma tera El a duna na e yunan di hende.

3. Ku ki proposito Dios a krea hende?
Salmonan 8:6 Bo ta lagu'é tin dominio riba e obranan di Bo mannan; Bo a pone tur kos bou di su pia,
Genesis 1:26 E ora ei Dios a bisa: "Laga Nos traha hende segun Nos imagen, konforme Nos semehansa; i laga nan goberná riba e piskánan di laman i riba e parhanan di shelu i riba e bestianan di kria i riba hen ter e tera, i riba tur bestia ku ta lastra riba tera."
Hebreonan 2:8 tur kos Bo a someté bou di su pianan.

 

4. Kon hende a pèrde su dominio?
Romanonan 5:12 Pesei, meskos ku dor di ún hende piká a drenta den mundu, i morto dor di piká, i asina morto a pasa pa tur hende, pasobra tur a peka.
Romanonan 6:23 Pasobra e pago di piká ta morto, ma e don di grasia di Dios ta bida etèrno den Cristo Jesus, nos Señor.

 

5. Ora hende a pèrde su dominio, na ken el a entregel’e?
2 Pedro 2:19 i ta primintí nan libertat mientras ku nan mes ta esklabu di korupshon; pasobra dor di loke un hende ta wòrdu vensi, dor di esaki e ta wòrdu esklabisá tambe.

 

6. Kua derecho di propiedat satanas a eksigí, ora ela tenta Hesus?
Lukas 4:5, 6
5 I el a hib'E na un lugá haltu i a mustr'E tur e reinonan di mundu den un momento di tempu.
6 I diabel a bis'E: "Lo mi dunaBo henter e dominio aki i su gloria; pasobra esei a wòrdu entregá na mi, i mi ta dun'é na esun ku mi kier.

 

7. Dor di ken e prome dominio lo wòrdu restablesé?
Mikeas 4:8 I pa loke t'abo, toren di e tou, seritu di e yu muhé di Sion, serka bo e lo bin e dominio di antes lo bin, e reino di e yu muhé di Jerusalèm.
Nota: Kristo ta e toren di e tao.

 

8. Di kon Kristo a bisa ku e umildenan ta bendishoná?
Mateo 5:5 Bendishoná ta esnan umilde, pasobra nan lo eredá e tera.
Nota: E erensia no por wòrdu realisa den e bida aki, pasobra aki e umildenan realmente tin poko di e kosnan bon di e tera aki?

 

9. Di ken David ta bisa ku awor nan ta prosperá mas?
Salmeo 73:3-7
3 Pasobra mi tabata envidioso di e arogantenan, ora mi a mira e prosperidat di e malbadonan.
4 Pasobra nan no konosé doló na ora di morto, i nan kurpa ta salú i fuerte.
5 Nan no ta pasa trabou manera otro hende; ni nan no ta wòrdu afligí manera otro hende.
6 Pesei orguyo ta nan koyar; violensia ta tapa nan manera un bisti,
7 Nan wowo ta bul'afó di vèt; e imaginashonnan di nan kurason no tin limite,

 

10. Unda e hustunan lo wòrdu rekompensá?
Proverbionan 11:31 Si e hustu wòrdu rekompensá riba tera, kuantu mas e malbado i e pekadó!

 

11. Kiko lo ta e diferensia entre e parti di e hustunan i e malbadonan?
Salmonan 37:34 Spera riba Señor i sigui Su kaminda, i E lo halsabo pa eredá e tera; ora ku e malbadonan wòrdu kòrta kitá afó, abo lo mira esaki.

 

12. Ki promesa a wòrdu hasí na Abraham tokante e tera?
Genesis 13:14,15
14 Anto SeñorR a bisa Abram, despues ku Lot a separá for di djé: "Awor hisa bo kara i, for di e lugá kaminda bo ta, mira panòrt, pasùit, pariba i pabou;
15 pasobra henter e tera ku bo ta mira lo Mi duna abo i bo desendientenan pa semper.

 

13. Kuantu kos tabata involví den e promesa aki?
Romanonan 4:13 Pasobra e promesa na Abraham òf na su desendensia, ku e lo a bira eredero di mundu, no tabata dor di Lei, ma dor di e hustisia di fe.

 

14. Kuantu parti di e tera Abraham a risibí durante su bida?
Echonan 7:5 I E no a dun'é ningun erensia den djé, ni sikiera ûn pida di tereno; i tòg, asta tempu ku e no tabatin yu ainda, El a primintí di duna e tera ei na djé, i na su desendensia despues di djé, komo propiedat.
Hebreonan 11:13 Tur esakinan a muri den fe, sin a risibi e promesanan, ma ku a mira nan i a duna nan un bonbiní for di un distansia, i ku a konfesá ku nan tabata stranhero i eksiliado riba tera.

15. Kuantu di e promesanan primintí Abraham tabata spera durante su bida?
Hebreonan 11:8-10
8 Pa medio di fe Abraham, ora ku el a wòrdu yamá, a obedesé dor di sali bai na un lugá ku e tabata pa risibí komo erensia; i el a sali bai, sin sa unda e tabata bai.
9 Pa medio di fe el a biba komo stranhero den e tera di promesa, manera den un tera straño, bibando den tènt huntu ku Isaak i Jakob, ko-erederonan di e mesun promesa;
10 pasobra e tabata buska e stat ku tin fundeshinan, di kual Dios ta e arkitekto i konstruktor.

 

16. ken ta e semia na ken e promesa aki a wòrdu duná?
Galationan 3:16 Awor e promesanan a wòrdu hasi na Abraham i na su simia. E no ta bisa: "I na simianan," komo si fuera e ta referí na hopi, ma mas bien na ún: "I na bo simia, " esta, Cristo.

 

17. Ken ta e eroderonan di e promesa aki?
Galationan 3:29 I si boso ta pertenesé na Cristo, e ora ei boso ta desendiente di Abraham, erederonan segun promesa.

 

18. Di kon e santunan di e tempu di antaño no a risibí e promesa?
Hebreonan 11:39,40
39 I tur esakinan ku a haña aprobashon pa medio di nan fe no a risibí loke a wòrdu primintí,
40 pasobra Dios a proveé aIgu mihó pa nos, pa nan no wòrdu hasi perfekto sin nos.

 

19. Kiko lo bira di e tera aki riba e dia di Señor?
2 Pedro 3:10 Ma e dia di Señor lo bin manera un ladron, den kual e shelunan lo pas a bai ku un boroto inmenso, i e elementonan lo wòrdu des trui ku un kalor intenso, i e tera i su obranan lo wòrdu kimá kompletamente.

 

20. Kiko lo sigui despues di e gran kimamentu aki?
2 Pedro 3:13 Ma segun Su promesa nos ta sperando shelunan nobo i un tera nobo, den kual ta biba hustisia.

 

21. Na kua promesa den Testament Bieu Pedro tabata referí?
Isaias 65:17 "Pasobra mira, Mi ta krea shelunan nobo i un tera nobo; i e kosnan di antes lo no wòrdu rekòrdá mas ni bin na memoria.

 

22. Kiko a wòrdu mustrá na Juan den un vishon?
Revelashon 21:1 I mi a mira un shelu nobo i un tera nobo; pasobra e promé shelu i e promé tera a pasa, i laman no tabata eksistí mas.

 

23. Kiko e santunan lo hasi den e tera nobo?
Isaias 65:21-23
21 I nan lo traha kas i biba den nan; tambe nan lo planta kunukunan di wendrùif i kome nan fruta.
22 Nan lo no traha kas pa otro hende biba aden, ni planta pa otro hende kome; pasobra manera e dianan di un palu, asina e dianan di Mi pueblo lo ta; i Mi skohinan lo disfrutá di e obra di nan mannan pa hopi tempu.
23 Nan lo no traha en bano, ni haña yu pa kalamidat; pasobra nan ta yu di esnan ku Señor a bendishoná, i huntu ku nan, nan desendientenan.

 

24. Kon sirbisial lo wòrdu proveé den nan nesesidatnan?
Isaias 65:24 Tambe lo sosodé ku promé ku nan yama, lo Mi kontestá, i mientras nan ta papia ainda, lo Mi tende.

 

25. Ki situashon pasífiko lo reina den e tera e ora ei?
Isaias 65:25 Lobo i lamchi di karné lo kome yerba huntu; leon lo kome yerba seku manera buey; i stof di tera lo ta kolebra su kuminda. Nan lo no hasi malu ni daño den henter Mi seru santu," Señor ta bisa.

 

26. Kua tempu di servisio stipulá pa servisio lo tin den e tera nobo?
Isaias 66:22,23
22 "Pasobra meskos ku e shelunan nobo i e tera nobo, ku lo Mi traha, lo permanesé Mi dilanti, " Señor ta deklará, "asina boso desendientenan i boso nòmber lo permanesé.
23 I lo ta di luna nobo pa luna nobo, i di sabat pa sabat, ku henter humanidat lo bin pa bùig Mi dilanti, " Señor ta bisa.

 

27. Kiko e redemínan di Señor lo hasi e ora ei?
Isaias 35:10 i esnan redimí di Señor lo bolbe; nan lo bin Sion ku gritu di goso, ku goso etèrno riba nan kabes. Nan lo haña alegria i goso, i tristesa i suspiro lo hui bai.

 

28. Kon ekstenso e dominio di Kristo lo ta?
Salmonan 72:8 Lagu'é goberná tambe di laman pa laman, i for di Riu Eufrates te na e finnan di tera.

 

29. Kiko Daniel ta bisa tokante e reino aki?
Daniel 7:27 E ora ei e soberania, e dominio i e grandesa di tur e reinonan bou di henter shelu lo wòrdu duná na e pueblo di e santunan di e Haltísimo; Su reino lo ta un reino etèrno, i tur e dominionan lo sirbiE i obedes'E.'