18. E Reino Rekuperá

18.2  E Erensia di e santunan            

 

1. Kon grandi ta e pago, ku Dios a primintí na esnan ku ta stmel’E?
1 Korintionan 2:9 ma manera ta pará skirbí: "Kosnan ku wowo no a mira ni orea atende, ni a drenta kuras on di hende, tur loke Dios a prepará pa esnan ku ta stim'E.

 

2. Dor di ken Ela revelá e kosnan aki?
1 Korintionan 2:10 Pasobra na nos Dios a revelá nan pa medio di Su Spiritu. Pasobra e Spiritu ta investigá tur kos, asta e profundidatnan di Dios.

 

3. Kua pago ta spera e berdadero yu di Dios?
Romanonan 6:22 Ma awor ku boso a wòrdu librá di piká i a bira esklabu di Dios, e benefisio ku boso tin ta resultá den santifikashon, i e fin, bida etèrno.

 

4. Kiko e, ku ta sembra den Spiritu, lo kosechá?
Galationan 6:8 Pasobra esun ku sembra pa su mes karni lo kosechá korupshon for di e karni, ma esun ku sembra pa e Spiritu lo kosechá bida etèrno for di e Spiritu.

 

5. Ku kua proposito Dios a duna Su Yu na mundu?
Juan 3:16 "Pasobra Dios a stima mundu asina tantu, ku El a duna Su Yu unigénito, pa ken ku kere den djE no bai pèrdí, ma tin bida etèrno.

 

6. Kiko lo ta e pago di esnan ku nan obranan ta bon?
Romanonan 2:6-10
6 Kende lo paga kada hende segun su obranan:"
7 na esnan ku, pèrseverando den hasimentu di bon, ta buska gloria i onor i inmortalidat-bida etèrno;
8 ma na esnan ku ta buska nan propio interes so i no ta obedesé e bèrdat, ma ta obedesé inhustisia-furia i indignashon.
9 Lo tin tribulashon i angustia pa kada alma di hende ku ta hasi maldat, di hudiu promé i tambe di griego,
10 ma gloria i onor i pas pa kada hende ku ta hasi bon, pa hudiu promé i tambe pa griego.

 

7. Kiko esnan ku ta perserverá den prueba, lo risibí?
Santiago 1:12 Bendishoná ta un hende ku ta pèrseverá den prueba; pasobra unabes ku el a pasa e prueba, e lo risibí e korona di bida, ku Señor a primintí na esnan ku ta stim'E.

 

8. Ki promesa ta wòrdu duná na esnan ku ta kana den sinseridat?
Salmonan 84:12 O Señor di ehérsitonan, bendishoná ta e hende ku ta konfia den Bo!

 

9. Kiko e umildenan lo eredá?
Salmonan 37:11 Ma e umildenan lo eredá e tera, i lo deleitá nan mes den pas abundante.

 

10. Kiko ta wòrdu primintí na esnan ku ta dispuesto i obedesido?
Isaias 1:19 Si boso ta dispuesto i ta obedesé, boso lo kome e mihó di e tera;

 

11. Ki goso i delisia ta spera e yu di Dios?
Salmonan 16:11 Lo Bo mustrami e bereha di bida; den Bo presensia tin plenitut di goso; na Bo man drechi tin delisia pa semper.