18. E Reino Rekuperá

18.1  E Reino di Gloria            

1. Ken lo reina finalmente den e reino di Dios?
Mikeas 4:8 I pa loke t'abo, Toren di e tou (Kristo), seritu di e yu muhé di Sion, serka bo e lo bin e dominio di antes lo bin, e reino di e yu muhé di Jerusalèm.

2. Kiko Kristo a bisa, ora Pilato a puntr’e si E tabata un rei?
Juan 18:37 Pesei, Pilato a puntr'E: "Abo ta un rei anto?" Jesus a kontestá: "Bo ta bisa ku Mi ta rei. Pa esaki Mi a nase i pa esaki Mi a bin den mundu, pa duna testimonio di e bèrdat. Tur esnan ku ta di e bèrdat ta tende Mi bos."

3. Ki aparensha Kristo tabatatin den Su transfigurashon?
Mateo 17:2 I EI a wòrdu transfigurá nan dilanti; i Su kara tabata briya manera solo, i Su pañanan a bira mes blanku ku lus.

4. Ken mas a parese na e momentu ei?
Mateo 17:3 I mira, Moisés i Elias a paresé na nan, i tabata papia kunE.
Nota: Den e presentashon di reino miniatura di Kristo i entrada triunfo den Jerusalem (Mateo 21: 1-9), Kristo a parese manera Rei; Moises (Judas 9) tabata representá e santunan morto ku lo resusitá na e binida di Hesus; i Elias (2 Reinan 2: 11) e santunan bibu ku lo subi bai shelu.

5. Ku ki proposito Kristo lo bini atrobe?
2 Tesalonisensenan 1:10 Ora ku E bin pa wòrdu glorifiká den Su santunan riba e dia ei, i pa wòrdu atmirá dor di tur esnan ku a kere-pasobra boso a kere nos testimonio duná na boso.

6. Di kiko e santunan lo papia?
Salmo 145:11 Nan lo. papia di e gloria di Bo reino, i papia di Bo poder,

7. Pa kuantu tempu e reino aki lo permanesé?
Salmo 145:13 Bo reino ta un reino etèrno, i Bo dominio ta di generashon pa generashon.