17. Salut i Temperansia

17.3  Peligernan di intemperansia             

1. Kiko Skritura ta bisa tokante biña?
Proverbionan 20:1 Biña ta un hasidó di bofon, bibida stèrki un borotadó; i esun ku ta bou di su influensia no ta sabí.

2. Kiko ta un di e peligernan di intemperansia?
Proverbionan 23:20,21
20 No anda ku esnan ku ta gusta dal nan biña, ni ku esnan ku ta golos pa kome karni.
21 Pasobra e buraché i e hende golos lo bira pober, i kabishamentu lo hasi un hende bisti paña kibrá.

3. Kiko ta otro peligernan di intemperansia?
Oseas 4:11 Prostitushon, biña i biña nobo ta kita komprendementu.
Isaias 28:7 I esakinan tambe ta zeilu pa motibu di biña, i ta tambaliá pa motibu di bibida stèrki: e saserdote i e profeta ta zeilu pa motibu di bibida stèrki; biña tin nan tur bruhá; nan ta tambaliá pa motibu di bibida stèrki; nan ta zeilu mientras ku nan tin vishon; nan ta trompeká ora nan ta dikta sentensia.

4. Ku kua pika buracheria ta wòrdu kontá?
Galationan 5:19-21
19 Awor e obranan di karni ta evidente, kualnan ta: inmoralidat, impuresa, sensualidat,
20 idolatria, bruheria, hostilidat, bringamentu, yalursheit, rabiamentu, pleitamentu, desakuèrdo, doktrina falsu,
21 envidia, buracheria, parandiamentu, i kosnan asin' aki, di kualnan mi ta spièrta boso di antemano, meskos ku mi a spièrta boso kaba di antemano, ku esnan ku praktiká sorto di kosnan asina lo no eredá e reino di Dios.

5. Kiko ta akompañá intemperansia?
Proverbionan 23:29, 30
29 Ken tin ai? Ken tin ferdrit? Ken tin pleitu? Ken tin keho? Ken tin herida sin kousa? Ken tin wowo kòrá?
30 Esnan ku ta sinta oranan largu ku biña, esnan ku ta bai pa purba biña mesklá.

6. Kon bibida stèrki ta rekompensa un hende na final?
Proverbionan 23:31 32
31 No wak biña ora ku e ta kòrá, ora ku e ta briya den kopa, ora ku e ta baha suave asina;
32 na final e ta morde manera kolebra, i ta pika manera vibora.