16. E Hogar

16.7  Promesanan pa yunan              

1. Kiko ta wòrdu bisá di e di sinku mandamentu?
Efesionan 6:2 Onra bo tata i bo mama (ku ta e promé mandamentu ku un promesa),

2. Kiko ta wòrdu primintí na esnan ku ta onra na mama i tata?
Eksodo 20:12 "Onra bo tata i bo mama, pa bo dianan wòrdu prolongá den e tera ku Señor bo Dios ta dunabo.

3. Kiko Dios ta deseá pa siña Su yunan?
Salmonan 34:11 Bin, yunan, skuchami; lo mi siña boso e temor di Señor.

4. Kiko ta e temor di Dios segun Skritura?
Salmonan 111:10 E temor di Señor ta e prinsipio di sabiduria; tur hende ku kumpli ku Su mandamentunan tin bon komprendementu; Su alabansa ta permanesé pa semper.

5. Kiko ta wòrdu bisá di e hoben pober pero sabí?
Eklesiastes 4:13 Un mucha hòmber pober, ma sabí, ta mihó ku un rei bieu i bobo ku no sa mas kon pa risibí instrukshon.

6. Kon Kristo ta mustra su kuido tiernu pa muchanan?
Mateo 19:14 Ma Jesus a bisa: "Laga e muchanan, i no stroba nan di bin serka Mi, pasobra e reino di shelu ta pertenesé na esnan manera esakinan."

7. Kon Ela mustra ku E ta stima nan?
Marko 10:16 I El a tuma nan den Su brasa i a bendishoná nan, poniendo Su mannan riba nan.

8. Ku ki promesa e Testament Bieu ta finalisá?
Malakias 4:5, 6
5 "Mira, Mi ta bai manda profeta Elias serka boso promé ku binida di e dia grandi i teribel di Señor.
6 I e lo restorá kuraso di e tatanan pa nan yunan, i kurason di e yunan pa nan tatanan, a Mi no bin i afligí e tera ku maldishon."
Nota: for di esaki nos ta siña, ku mientras desobedensia na mayornan i kibramentu di e lasonan familiar lo marká e ultimo dianan (lesa: 2 Timoteo ; Mateo 24: 37-39; Genesis 6: 1, 2), Dios Su mensahe pa e ultimo dianan lo fortifiká e lasonan di amor i kariño un pa otro lo bira mas fuerte i e kurason di mayornan i yuinan lo pega na otro di nobo.

9. Kua situashonnan pasifiko i bienaventurá lo ta den e otro mundu, kompará ku e bida aki?
Isaias 65:23 Nan lo no traha en bano, ni haña yu pa kalamidat; pasobra nan ta yu di esnan ku Señor a bendishoná, i huntu ku nan, nan desendientenan.
Isaias 11:8, 9
8 Yu na pechu lo hunga banda di buraku di kolebra, i yu kitá for di pechu lo hinka su man den kueba di vibora.
9 Nan lo no kousa daño ni destrukshon den henter Mi seru santu, pasobra tera lo ta yen di e konosementu di Señor, manera awa ta tapa laman.