13. Orashon i Servisio Dibino

13.3  Vigilá den Orashon

 

1. Den kiko nos ta wòrdu atvertí pa resa?
1 Pedro 4:7 Fin di tur kos ta serka; pesei, sea ku sano huisio I sobrio ku e propósito di por hasi orashon.

2. Kiko ta un di e kosnan ku Señor ta resa pe den e “Nos Tata?
Mateo 6:13 I no hiba nos den tentashon, ma libra nos for di e malbado, [Pasobra di Bo e reino ta, i e poder i e gloria, pa semper. Amèn.

 

3. Pa medio di kiko nos por skapa di kai den tentashon?
Mateo 26:41 Keda vigilá i hasi orashon, pa boso no kai den tentashon; e spiritu ta boluntario, ma e karni ta debil."

 

4. Kon en deber aki ta wòrdu ékspresá un biaha mas?
Kolosensenan 4:2 Dediká boso mes na orashon, keda alerta den djé ku un aktitut di gradisimentu;

 

5. Kon fiel nos mester ta den e asuntu aki?
Efesionan 6:18 Ku tur orashon i súplika pidi tur ora bai den Spiritu, i ku esaki na bista, sea alerta ku tur pèrseveransia i súplika pa tur e santunan.

 

6. Ki ora Israel tabata mas fuerte den bataya?
Eksodo 17:11 Asina a sosodé ku ora Moisés tabata tene su man na laira, Israel tabata prevalesé, ma ora ku e tabata laga su man baha, Amalek tabata prevalesé.

 

7. Kiko a sosodé ora e kabes di kas no tabata alerta?
Mateo 24:43 Ma sea sigur di esaki, ku si e kabes di kas tabata sa den ki ora di anochi e ladron tabata di bin, e lo a keda alerta i lo no a pèrmiti pa kibra drenta su kas.

 

8. Ki eksperensia esnan ku ta spera riba Señor lo tin?
Isaias 40:31 ma esnan ku spera riba Señor lo haña forsa renobá; nan lo bula bai ariba ku hala manera águila, nan lo kore sin bira fatigá, nan lo kana sin kansa.

 

9. Di kon Habakuk kier a tene warda?
Habakuk 2:1 Lo mi para tene warda i stashoná mi mes riba e baluarte· i lo mi spera pa mira kiko E lo papia ku mi, i kiko mi mester kontestá ora mi wòrdu reprendí,

 

10. Kon nos por skapa e maldat ku lo tuma luga den mundu?
Lukas 21:36 Ma sea alerta tur ora bai, hasiendo orashon pa boso por tin forsa pa skapa di tur e kosnan aki ku ta bai tuma lugá, i pa para dilanti di e Yu di Hende."

 

11. Kiko ta konsekuensia di no vigilá?
Lukas 12:45,46
45 Ma si e esklabu ei bisa den su kurason: 'Mi shon ta tarda pa bin,' i e kuminsá suta e esklabunan, tantu hòmber komo muhé, i kuminsá kome i bebe i bira burachi,
46 e shon di e esklabu ei lo bin riba un dia ku e no ta spera, i na un ora ku e no sa, i lo kap é na pida-pida, i dun'é un lugá huntu ku e inkrédulonan.