12. Kresementu Kristian i Konklushon

12.7  E bon efekto di tristesa  

 

1. Dikon ta miho bai na un kas di rou ku bai na un kas di fiesta?
Eklesiastes 7:2 Ta mihó bai na un kas di rou ku bai na un kas di fiesta, pasobra morto ta e fin di tur hende, i esun ku ta na bida ta tuma esaki na kuenta.

2. Kiko David a pidi Dios pa siñ’e?
Salmonan 39:4 " Señor, lagami sa mi fin i kuantu mi dianan ta; lagami sa kon pasahero mita.
Salmonan 90:12 Asina anto, siña nos konta nos dianan, pa nos por presentá na Bo un kurason yen di sabiduria.

 

3. Di kon tristesa ta miho ku harimentu?
Eklesiastes 7:3 Tristesa ta mihó ku harimentu, pasobra ora ku un kara ta tristu, e kurason por ta kontentu.

 

4. Hustunan ta liber di aflikshonnan den e mundu aki?
Salmonan 34:19 Hopi ta e aflikshonnan di e hustu, ma Señor ta libr'é for di nan tur.

 

5. Dios tin goso den sufrimentu di hende?
Lamentashonnan 3:31-33
31 Pasobra Señor lo no rechasá pa semper.
32 Maske E kousa tristesa, tòg E lo tin kompashon segun Su miserikòrdia abundante.
33 Pasobra E no ta afligí boluntariamente, ni ta hasi yunan di hende bira triste.

 

6. Dios ta bishitá un hende i ora e wòrdu disipliná, E ta lag’e den desesperashon?
Job 5:17,18
17 " Bendishoná ta e hòmber ku Dios ta reprendé; pesei no despresiá e disiplina di e Todopoderoso.
18 Pasobra E ta kousa doló i E ta duna alivio; E ta heridá i Su man ta kura.

 

7. Den kua palabranan e berdat aki ta bolbe wòrdu ékpresá?
Oseas 6:1 "Ban, laga nos bolbe na Señor. Pasobra El a sker nos, ma E lo kura nos; El a heridá nos, ma E lo mara nos ku verbant.
Isaias 61:1-3
1 E Spiritu di Señor Diosta riba mi, pasobra Señor a ungimi pa hiba bon nobo na esnan afligí; EI a mandami pa kura hende di kurason kibrá, pa proklamá libertat na katibunan, i libertat na prezonan,
2 pa proklamá e aña agradabel di Señor, i e dia di vengansa di nos Dios; pa konsolá tur esnan ku ta yora,
3 pa duna esnan ku ta yora na Sion un korona di bunitesa na lugá di shinishi,
zeta di alegria na lugá di yoramentu, un mantel di alabansa na lugá di un spiritu di desesperashon. Asina nan lo wòrdu yamá "eiknan di hustisia", e plantashon di Señor, pa E wòrdu glorifiká.

 

8. Ta ken Señor ta disipliná?
Hebreonan 12:6 pasobra esnan ku SEÑOR ta stima, E ta disipliná, i E ta suta tur yu ku E ta risibí."

 

9. Ora nos ta wòrdu disipliná, e ta un kousa pa goso?
Hebreonan 12:11 Na e momento mes ningun disiplina no ta parse di ta kousa di goso, sino di doló; ma pa esnan ku a wòrdu entrená dor di djé, despues e ta duna e fruta pasífiko di hustisia.

 

10. Kiko, fuera di pika, ta kousa mas tristesa ku otro kosnan?
E morto i perdida di stimánan

 

11. Morto ta trese tristesa, pa e kristiannan, ku no por wòrdu konsolá?
1 Tesalonisensenan 4:13 Ma nos no kier, rumannan, pa boso keda den ignoransia tokante di esnan ku a muri, pa boso no ta tristu manera e otronan ku no tin speransa.

 

12. Kiko e aflikshonnan ku ta pa un momento, ta hasi pa nos?
2 Korintionan 4:17 Pasobra nos aflikshon leve, ku ta pa un momento so, ta obra pa nos un peso di gloria muchu mas grand i i etèrno,
Romanonan 8:28 l nos sa ku Dios ta hasi tur kos obra huntu pa bon pa esnan ku ta stima Dios, pa esnan ku ta yamá segun Su propósito.