12. Kresementu Kristian i Konklushon

12.8  Konsuelo den tempu di aflikshon  

 

1. Dios su pueblo ta liber di aflikshon?
Salmonan 34:20 Hopi ta e aflikshonnan di e hustu, ma Señor ta libr'é for di nan tur.

 

2. Kon Dios ta para ku e afligínan?
Job 34:28 asina ku nan a hasi e sklamashon di e pober yega serka djE, i ku E por tende e sklamashon di e afligínan.

 

3. Kiko Ela primintí di ta pa esnan den angustia?
Salmonan 46:1 Dios ta nos refugio i fortalesa, un pronto ousilio den tempu di angustia.

4. Ku ki sintimentu Señor ta mira riba su yuinan?
Salmonan 103:13 Meskos ku un tata tin kompashon ku su yunan, asina SEÑOR tin kompashon ku esnan ku ta tem'E.

 

5. Kiko E sa i kiko E ta kòrda?
Salmonan 103:14 Pasobra E sa di kiko nos ta trahá; E ta kòrda ku ta stòf nos ta.

 

6. Kiko Señor a primintí di ta pa e oprimínan?
Salmonan 9:9 Tambe Señor lo ta un refugio pa e oprimínan, un refugio den tempunan di angustia.

 

7. Kiko Dios a primintí su yuinan, ora nan ta pasa aflikshon i tentashon?
Isaias 43:2 Ora bo ta pasa dor di e awanan lo Mi ta ku bo, i dor di e riunan, nan lo no lastrabo bai ku bo. Ora bo ta kana dor di kandela, esaki lo no flamabo, ni e flam lo no kimabo.

 

8. Kiko David ta bisa di su aflikshon?
Salmonan 119:71 Ta bon pa mi ku mi a wòrdu afligí, pa mi por siña Bo statutonan.

9. Kiko tabata su orashon mientras e tabata wòrdu afigí?
Salmonan 25:18 Mira mi aflikshon i mi doló, i pordoná tur mi pikánan.

 

10. Kiko e tabata hasi prome ku ela wòrdu afligí?
Salmonan 119:67 Promé ku mi a wòrdu afligí, mi a desviá, ma awor mi ta warda Bo palabra.
.

11. Kiko Kristo a siña dor di sufrimentu?
Hebreonan 5:8 Ounke ku E tabata Yu, El a siña obedensia dor di e kosnan ku EI a sufri.

 

12. Kiko mester pasa nos tur pa perfekshoná nos karakter?
Hebreonan 12:5,6
5 i boso a lubidá e spièrtamentu ku a wòrdu dirigí na boso komo yunan: "Mi yu, no menospresiá e disiplina di Señor, ni desmayá ora ku E reprendébo;
6 pasobra esnan ku Señor ta stima, E ta disipliná, i E ta suta tur yu ku E ta risibí."

 

13. E disiplina aki lo ta kousa pa goso?
Hebreonan 12:11 Na e momento mes ningun disiplina no ta parse di ta kousa di goso, sino di doló; ma pa esnan ku a wòrdu entrená dor di djé, despues e ta duna e fruta pasífiko di hustisia.

 

14. Ki kurashi i poder tin ku ta den nos durante ora di aflikshon?
Hebreonan 12:12 Pesei, fortalesé e mannan ku ta swak i e rudianan ku ta debil,
Job 4:3, 4
3 Mira, bo a spièrta hopi hende, i bo a fortalesé mannan debil.
4 Bo palabranan a yuda esnan ku ta trompeká pa nan keda para, i bo a fortalesé rudianan debil.
Isaias 35:3 Enkurashá esnan agotá, i fortalesé esnan debil.

 

15. Kiko Job a bisa meimei di su aflikshonnan?
Job 13:15 Maske E matami, tòg lo mi konfia den djE. Sinembargo, lo mi defendé mi kamindanan Su dilanti.

 

16. Kon Dios ta wòrdu yamá den Skritura?
2 Korintionan 1:3 Bendishoná sea e Dios I Tata di nos Señor Hesu-Kristo, e Tata di miserikòrdianan I Dios di tur konsuelo,

 

17. Ken Dios ta konsolá?
2 Korintionan 7:6 ta Dios, Kende ta konsolá esnan abatí, a konsolá nos ku e binida di Tito;

 

18. Ki promesa ta wòrdu duná na esnan ku ta yora?
Mateo 5:4 Bendishoná ta esnan ku ta yora, pasobra nan lo wòrdu konsolá.

 

19. Dikon Dios ta konsolá nos, ora nos ta den aflikshon?
2 Korintionan 1:4 Kende ta konsolá nos den tur nos aflikshon, pa asina nos tambe por konsolá esnan ku ta den kualke aflikshon ku e mesun konsuelo ku Dios a konsolá nos kuné.
Nota: Un hende ku a pasa dor di aflikshon i tempu difisil i a haña konsuelo di Dios, ta den mehor estado pa konsolá otro.

 

20. Kon nos mester kompadesé ku esnan desesperá?
Romanonan 12:15 Regosihá ku esnan ku ta regosihá, i yora ku esnan ku ta yora.
Job 6:14 "Pa e hende ku ta desesperá mester tin kompashon di parti di su amigu, pa e no bandoná temor di e Todopoderoso.

 

21. Hesus ta kompadesé ko nos ora nos ta aflikshon?
Hebreonan 4:15 Pasobra nos no tin un Sumosaserdote ku no por kompadesé di nos debilidatnan, sino Un ku a wòrdu tentá den tur kos meskos ku nos, ma tòg sin piká.

 

22. Kon Ela mustra su kompashon den kaso di Maria i su amiganan ku tabata yorá e morto di Lazaro?
Juan 11:33-35
33 Anto ora Jesus a mir'é ta yora, i e hudiunan ku a bin huntu kuné tambe ta yora, EI a bira profundamente konmoví den spiritu i masha emoshoná,
34 i a bisa: "Unda boso a pon'é?" Nan a bis'E: "Señor, bin mira."
35 Jesus a yora.
Nota: Hesus a yora no solamente pa Maria i su amiganan. Mirando pa dilanti dor di e siglonan, Ela mira e lagrimanan i sufrimentu, ku morto lo a trese na humanidat riba tera. Su kurason tabata konmoví ku e miseria di hende Ela yora ku esnan ku tabata yora.

 

23. Ki siguransa presioso tur tin ku ta stima Dios kiko por a pasa?
Romanonan 8:28 l nos sa ku Dios ta hasi tur kos obra huntu pa bon pa esnan ku ta stima Dios, pa esnan ku ta yamá segun Su propósito.

 

24. Manera ken nos no mester ta, ora nos stimanan muri?
1 Tesalonisensenan 4:13 Ma nos no kier, rumannan, pa boso keda den ignoransia tokante di esnan ku a muri, pa boso no ta tristu manera e otronan ku no tin speransa.

 

25. Ora nos amigunan muri, ku ki palabranan nos mester konsolá otro?
1 Tesalonisensenan 4:14-18
14 Pasobra si nos ta kere ku Jesus a muri i a lanta atrobe, meskos tambe Dios lo trese huntu kunE esnan ku a muri den Jesus
15 Pasobra esaki nos ta bisa boso pa medio di e palabra di Señor: nos ku ta bibu, i ku ta keda te na e binida di Señor, lo no bai dilanti di esnan ku a muri.
16 Pasobra Señor mes lo baha for di shelu ku un gritu, ku bos di arkangel i ku tròmpèt di Dios; i e mortonan den Cristo lo lanta promé.
17 E ora ei nos ku ta na bida, i ku a keda, lo wòrdu tumá den e nubianan huntu ku nan pa kontra ku Sefior den laira, i asina nos lo ta semper ku Señor.
18 Pesei, konsolá otro ku e palabranan aki.

 

26. Ki promesa Dios a duna e mamann, ku aperde nan yuinan dor di morto?
Jeremias 31:16 Asina Señor ta bisa: "Domina bo bos pa bo no yora, i bo wowonan pa nan no basha lágrima, pasobra bo obra lo wòrdu rekompensá, " Señor ta deklará, "i nan lo bolbe for di tera di e enemigu.

 

27. Kiko lo ta e eksperensia di Su pueblo, segun Kristo?
Juan 16:20, 33
20 Di bèrdat, di bèrdat, Mi ta bisa boso, ku boso lo yora i lamentá, ma mundu lo regosihá; i boso lo ta tristu, ma boso tristesa lo bira goso.
33 "E kosnan aki Mi a papia ku boso, pa den Mi boso por tin pas. Den mundu boso tin tribulashon, ma tene kurashi, Mi a vense mundu."

 

28. Den ki sentido e kosecha di Dios su pueblo lo ta diferente for di nan sembramentu?
Salmonan 126:5, 6
5 Esnan ku sembra ku awa na wowo lo kosechá ku gritu di alegria.
6 Esun ku bai na yoramentu, kargando e saku di simia, sin duda lo bolbe ku gritu di alegria, kargando su bohinan di mainshi.