12. Kresementu Kristian i Konklushon

12.22  Sembramentu i Kosechá 

 

1. Kiko Pablo ta bisa tokante sembramentu i kosecha?
Galationan 6:7 No gaña boso mes: Dios no ta laga hasi bofon di djE; pasobra loke un hende sembra, esaki tambe e lo kosechá.

 

2. Kon Kristo ta ekspresá e mesun berdat?
Lukas 6:37,38
37 "No huzga, i boso lo no wòrdu huzgá; no kondená, i boso lo no wòrdu kondená; pordoná, i boso lo wòrdu pordoná.
38 Duna, i lo wòrdu duná na boso: un midi bon yená, bon primi, bon sakudí, ku ta basha ofer, nan lo drama den boso skochi. Pasobra ku e mesun midi ku boso midi kuné lo wördu midi bèk pa boso."

3. Riba kua kondishon Dios ta ofresé pordon, segun Kristo?
Mateo 6:14,15
14 Pasobra si boso pordoná hende nan transgreshonnan, boso Tata selestial tambe pordoná boso.
15 Ma si boso no pordoná hende, boso Tata tampoko lo no pordoná boso transgreshonnan.
Lesa tambe Mateo 18:23-35

 

4. Riba kua prinsipio básiko Dios ta anda ku hende?
Salmonan 18:25,26
25 Na e hende miserikòrdioso Bo ta mustra Bo mes miserikàrdioso; na e hende rekto Bo ta mustra Bo mes rekto;
26 na e hende puru Bo ta mustra Bo mes puru, ma na e hende pèrvèrso Bo ta mustra Bo mes severo.

5. Kon e mesun prinsipio básiko aki ta wòrdu aplika na inkrédulo?
Salmonan 109:17 Tambe e tabata gusta maldishon, i esei a bin riba djé; i e no tabata hiba gustu den bendishon, asina esei a keda leu for di djé.

6. A base di kiko Babilonia a wòrdu husgá?
Jeremias 50:29 "Yama hopi tiradó di flecha bin kontra Babilonia, tur esnan ku ta span bog; lanta kampamentu kontra djé na tur banda; no laga ni un skapa. Pagu'é segun su obra; di akuèrdo ku tur loke el ahasi, hasi meskos kuné; pasobra el a bira arogante pa ku Señor, pa ku Esun Santu di Israe!.

 

7. Dikon Hesus a bias Pedro pa e pone su spade bèk na su luga?
Mateo 26:52 E ora ei Jesus a bis'é: "Pone bo spada bèk na su lugá; pasobra tur esnan ku saka spada lo peresé pa medio di spada.

 

8. Di kon e Papado mester a bai den koutiverio?
Revelashon 13:10 Esun ku ta destiná pa bai den koutiverio, den koutiverio e ta bai; esun ku mata ku spada, ku spada e mester wòrdu matá. At'aki e pèrseveransia i e fe di e santunan.

 

9. Kiko lo ta kastigu di Babilon spiritual?
Revelashon 18:6 Pagu'é bèk mes tantu ku el a paga, i debolbé na djé dòbel segun su obranan; den e kopa ku el a meskla, meskla dos biaha mas tantu p'é.

 

10. Kiko, segun Pedro, lo bin riba e persiguidor?
Salmonan 7:16 Su pèrvèrsidat lo bolbe riba su mes kabes, i su violensia lo baha riba korona di su mes kabes.

 

11. Kiko a pasa ku Haman ku kier a mata tur e Hudiunan?
Ester 7:10 Asina nan a kologá Haman na e palu-di-horka ku el a prepará pa Mardokeo, i rei su rabia a baha.
Salmonan 9:15 E nashonnan a senk den e buraku ku nan mes a koba; den e reda ku nan a skonde, nan mes pia a keda pegá.

 

12. Kiko tin ku hasi ora nos ke amigunan?
Proverbionan 18:24 Un hende ku tin amigunan tin ku komportá su mes amigabel, ma tin un amigu ku ta mas pegá ku un ruman.