13. Orashon i Servisio Dibino

13.1  Importansia di Orashon

 

1. Ku kua nòmber e Salmista ta aserká Dios?
Salmonan 65:2 Abo ku ta skucha orashon, serka Bo tur hende ta bin.

2. Ken Dios ta rekompensá, segun Beibel?
Hebreonan 11:6 I sin fe ta imposibel pa agrad'E, pasobra esun ku bin serka Dios mester kere ku E ta, i ku E ta Esun ku ta rekompensá esnan ku ta busk'E.

 

3. Kon despuesto Dios ta pa skucha i tende orashon?
Mateo 7:11 Si boso anto, siendo malbado, sa di duna boso yunan loke ta bon, kuantu mas boso Tata ku ta den shelu lo duna loke ta bon na esnan ku pidiE!

4. Kiko ta mustra, mas ku kualkier otro kos, Ku Dios ta despuesto pa duna nos tur-tur kos huntu ku su Yui?
Romanonan 8:32 Esun ku no a spar ni Su mes Yu, ma a entregu'E pa nos tur, lo E no duna nos tur-tur kos tambe huntu kunE?

 

5. Riba kua kondishon e bendishonnan ku nos tin mester, ta wòrdu duná?
Mateo 7:7,8
7 "Pidi, i lo wòrdu duná na boso; buska, i boso lo haña; bati, i lo wòrdu habri pa boso.
8 Pasobra ken ku pidi ta r isibi, i esun ku buska ta hafia, i pa esun ku bati lo wòrdu habri.

 

6. For di ken tur donnan bon i perfekto ta bin?
Santiago 1:17 Tur bon regalo i tur don perfekto ta for di ariba, i ta baha bin for di e Tata di lusnan, serka Kende no tin variashon ni sombra di kambio.

 

7. Si kualkier di nos falta sabiduria, kiko ta wòrdu bisá pa hasi?
Santiago 1:5 Ma si kualkier di boso falta sabiduria, lagu'é pidi Dios, Kende ta duna na tur hende generosamente i sin reproche, iesaki lo wòrdu duná na djé.

 

8 . Kon un hende mester pidi pa risibí?
Santiago 1:6, 7
6 Ma lagu'é pidi den fe sin ningun duda, pasobra esun ku duda ta manera un ola di laman ku ta wòrdu lastrá i tirá dor di bientu.
7 Pasobra no laga e hende ei spera ku e lo risibí algu di Señor,
Marko 11:24 Pesei Mi ta bisa boso, tur loke boso pidi ora boso ta hasi ora-shon, kere ku boso ta risibié, i e lo bira di boso.


9. Den kua sitiuashon un hende ta, si Dios no a tende su orashon?
Salmonan 66:18 Si mi a warda maldat den mi kurason, Señor lo no atendemi;
Isaias 59:1, 2
1 Mira, e man di Señor na ta kòrtiku ku e no por salba; tampoko Su orea na ta sordo ku e na por tende.
2 Ma boso inikidatnan a kousa separashon entre boso i boso Dios; i boso pikánan a hasi ku Su kara a keda skondí pa boso, asina ku E na ta tende.
Santiago 4:3 Boso ta pidi i no ta risibí, pasobra boso ta pidi ku motibu robes, pa boso gast'é den boso plasernan.

 

10. Ken su orashon ta un abominashon, segun e Salmista?
Proverbionan 28:9 Esun ku hasi su mes sordo pa no skucha lei, asta su orashon ta un abominashon.

 

11. Kiko Kristo ta bisa di orashon den skondí?
Mateo 6:6 Ma abo, ora bo ta hasi orashon, bai den bo kamber di mas paden, i ora bo a sera bo porta, hasi orashon na bo Tata ku ta den skondi; i bo Tata, ku ta mira den skondi, lo rekompensá bo.

 

12. Unda Hesus tabata retirá pa su orashon sliensioso?
Mateo 14:23 I despues ku El a manda e multitutnan bai, E so a subi bai riba seru pa hasi orashon. I ora nochi a sera, E tabata Su so ayanan

 

13. Pa ken Hesus a siña nos pa resa?
Mateo 5:44 Ma Ami ta bisa boso, stima boso enemigunan, bendishoná esnan ku ta maldishoná boso, hasi bon na esnan ku ta odia boso, i hasi orashon pa esnan ku ta maltratá boso i ta pèrsiguí boso,

 

14. Ora nos ta resa, kiko nos mester hasi, pa risibí pordon?
Marko 11:25 I ki ora ku boso ta para hasi orashon, pordoná si boso tin aigu kontra un hende, pa boso Tata ku ta den shelu tambe pordoná boso boso transgreshonnan.

 

15. Ku kiko nos orashon mester wòrdu akompañá?
Filipensenan 4:6 No preokupá pa nada; ma den tur kos, pa medio di orashon i súplika ku gradisimentu, laga boso petishonnan ta konosi dilanti di Dios.

 

16. Kon frekuentamente nos mester resa?
Salmo 145:2 Tur dia lo mi bendishonáBo, i lo mi alabá Bo nòmber pa semper I semper.

 

17. Kon frekuentamente, David a bisa, ku e lo resa?
Salmonan 55:17 Atardi, mainta i mèrdia lo mi keha i grita yora, i E lo tende mi bos.
Daniel 6:10 Awor ora Daniel a haña sa ku e dokumento a wòrdu firmá, el a bai den su kas (awor den su kamber ariba e tabatin bentananan habrí den direkshon di Jerusalèm); i el a sigui hinka rudia tres biaha pa dia, i a hasi orashon i a duna gradisimentu dilanti di su Dios, manera e tabata hasi anteriormente.

 

18. Kiko ta wòrdu bisá di Cornelio i su famia?
Echonan 10:1, 2
1 Awor tabatin un hòmber na Cesarea ku yama Cornelio, un senturión di loke tabata wòrdu yamá e batayon italiano,
2 un hòmber deboto ku tabata teme Dios huntu ku tur e hendenan di su kas, ku tabata duna hopi limosna na e pueblo hudiu i ku tabata hasi orashon na Dios kontinuamente.

19. Den ken su nòmber Kristo a siña nos pa resa?
Juan 14:13 I tur loke boso pidi den Mi nòmber, esei lo Mi hasi, pa e Tata wòrdu glorifiká den e Yu.
.

20. Di kon e hues inhustu a tende e orashon di e biuda?
Lukas 18:2- 5
2 bisando: "Den un sierto stat tabatin un hues ku no tabatin temor pa Dios, ni rèspèt pa hende.
3 I un biuda den e stat eiku tur ora bai tabata bin serkadjé, bisando: 'Hasi hustisia pa mi kontra mi atversario.'
4 "I pa un tempu e no tabata kier; ma despues el a bisa den sumes: 'Maske mi no tin temor pa Dios, ni rèspèt pa hende,
5 tòg, pasobra e biuda aki ta molestiámi, lo mi hasi hustisia p'é, pa e no kansa mi dor di bin kada bes asina.'"