12. Kresementu Kristian i Konklushon

12.14  Konfesá pikánan i pordoná otro  

 

1. Kiko Dios a primintí pa hasi, ora nos konfesá nos pikanan?
1 Juan 1:9 Si nos konfesá nos pikánan, E ta fiel i hustu pa pordoná nos nos pikánan i pa limpia nos di tur inhustisia.

2. Kon a wòrdu hasi posibel pa pikanan por wòrdu pordoná?
1 Juan 2:1, 2
1 Mi yu chikitunan, mi ta skirbi boso e kosnan aki pa boso no hasi piká. I si un hende hasi piká, nos tin un Abogado serka eTata, Jesu-Cristo, e hustu;
2 i E mes ta e propisiashon pa nos pikánan, i no pa di nos so, ma tambe pa esnan di hen ter mundu.

 

3. Na ken pikanan mester wòrdu konfesá i pakiko?
Salmonan 51:6 Kontra Abo, Abo so, mi a peka i a hasi loke ta malu den Bo bista, asina ku Bo ta keda hustifiká ora Bo ta papia, i puru ora Bo ta huzga.
Genesis 39:9 No tin ningun hende mas haltu den e kas aki ku ami, i e no a nengami nada sino abo so, pasobra abo ta su esposa. Kon anto mi por hasi e maldat grandi aki i peka kontra Dios?"

 

4. Ki mandato ta wòrdu duná tokante konfeshon di pikanan?
Santiago 5:16 Pesei, konfesá boso pikánan un na otro, i hasi orashon un pa otro, pa boso wòrdu kurá. E orashon efektivo di un hende hustu por logra hopi.

 

5. Kiko nos ta hasi di naturalesa, ora nos hasi malu?
Genesis 3:12, 13
12 I e hòmber a bisa: "E muhé ku Bo a duna pa ta huntu ku mi, ta el a dunami for di e palu, i mi a kome. "
13 E ora ei Señor Dios a bisa e muhé: "Ta kiko e kos aki ta ku ba a hasi?" I e muhé a bisa: "E kolebra a gañami i mi a kome."
Genesis 4:9 E ora ei Señor a bisa Kain: "Unda ba ruman Abel ta?" I el a bis a: "Mi no sa. Ta wardadó di mi ruman mi ta anto?"

 

6. Kiko David a bisa despues ku ela wòrdu konfrontá ku su pika?
Salmonan 51:5 Pasobra mi ta rekonosé mi transgreshonnan, i mi piká ta semper mi dilanti

 

7. Ora David a confesá su pika ku un kurason kibrá, kiko tabata e palabra di Dios dor di e profeta Natan, na dje,?
2 Samuel 12:13 E ora ei David a bisa Natan: "Mi a peka kontra SEÑOR. " I Natan a bisa David: "SEÑOR tambe a kita bo piká; lo bo no muri.

 

8. Ta yega di ta un kaminda rekto, pa mustra bo ruman riba su falta?
Mateo 18:15 "I si bo ruman peka kontra bo, bai i mustr'é su falta entre abo kuné so; si e skuchabo, bo a gana bo ruman.
Levitiko 19:17 'No odia bo ruman den bo kurason; reprendé bo próhimo, ma no kai den piká pa su motibu.

 

9. Ku ki spiritu e tipo di trabou aki mester wòrdu hasí?
Galationan 6:1 Rumannan, asta si un hende wòrdu sorprendí den kualkier delito, boso, ku ta spiritual, restorá un hende asina den un spiritu di mansedumbre; kada un wak su mes, pa boso tambe no wòrdu tentá.

10. Kiko Kristo ta bisa nos pa hasi, ora nos ta resa i pakiko?
Marko 11:25 I ki ora ku boso ta para hasi orashon, pordoná si boso tin aigu kontra un hende, pa boso Tata ku ta den shelu tambe pordoná boso boso transgreshonnan.

11. Si nos no pordoná otro, kiko Dios lo no hasi?
Marko 11:26 Ma si boso no pordoná, boso Tata ku ta den shelu tampoko lo no pordoná boso transgreshonnan."

 

12. Kua palabranan di Hose, papia na su rumannan, ta mustra ku ela pordoná nan di e hecho ku nan a bendele na e Egyptonan?
Genesis 45:5-8
5 I awor, no sea tristu ni rabiá ku boso mes pasobra boso a bendemi akinan, pasobra Dios a mandami boso dilanti pa preservá bida.
6 Pasobra dos aña kaba tabatin hamber den e tera aki, i ainda ta bin sinku aña den kual lo no tin plugmentu ni kosecha.
7 I Dios a mandami boso dilanti pa preservá un restante pa boso riba tera i pa tene boso na bida pa medio di un gran liberashon.
8 "Pesei anto, no ta boso a mandami akinan, sino Dios; i EI a hasimi un tata pa Farao i señor di henter su kas i gober¬nadó di henter tera di Egipto.

 

13. Ora Pedro a pidi Hesus kuantu biaha e mester pordoná su ruman, kiko tabata e kontesta di Hesus?
Mateo 18:21, 22
21 E ora ei Pedro a bin i a puntr'E: "Señor, kuantu bes mi ruman lo pek a kontra mi, i ami mester pordon'é? Te shete bes?"
22 Jesus a kontest'é: "Mi ta bisabo, no te shete bes, sino te setenta bes shete.

 

14. Kua spiritu Hesus a manifestá pa ku esnan ku a krusifikel’E?
Lukas 23:34 I Jesus a bisa: "Tata, pordoná nan, pasobra nan no sa kiko nan ta hasi." I nan a tira lot i a parti Su pañanan entre nan.

 

15. Kon Esteban a manifesta e mesun spiritu pa ku esnan ku a piedr’E?
Echonan 7:59-60
59 I nan a sigui piedra Esteban, mientras ku e tabata invoká Dios i bisa: "Señor Jesus, risibi mi spiritu! "
60 I el a kai na rudia i a grita na bos haltu: "Señor, no tuma e piká aki di nan na kuenta!" I ora ku el a kaba di bisa esaki, el a muri. I Saulo a konsentí di henter su kurason den e morto di Esteban