1.4 Bida den E Palabra

                                                                                             

1. Kiko ta e naturalesa di e Palabra di Dios?
Hebreonan 4:12 Pasobra e palabra di Dios ta bibu i aktivo i mas skèrpi ku kualkier spada di dos filo, i ta penetrá te na e divishon di alma i spiritu, i di skarnir i tuti,(manteka-di-wesu) i ta kapas pa huzga e pensamentunan i inten-shonnan di kurason.

 

2. Kon e deklarashon di Dios ta wòrdu deskribí?
Hebreonan 7:38 Esaki ta esun ku tabata den e kongregashon den desierto huntu ku e Angel ku tabata papia kuné riba Seru Sinai, i ku tabata ku nos tatanan; i el a risibí palabranan bibu pa duna boso.

 

3. Kiko Cristo tabata deklará ku Su palbranan tabata?
Juan 6:63 Ta e Spiritu ta Esun ku ta duna bida; e karni no bal nada; e palabranan ku Mi a papia ku boso ta spiritu i ta bida.

 

4. Kiko tabata e testimonio di Pedro tokante e palabranan di Cristo?
Juans 6:68 Simon Pedro a kontest'E: "Señor, serka ken nos lo bai? Abo tin e palabra¬nan di bida etèrno.

 

5. Kiko Cristo a deklará ku e palabranan di Su Tata tabata?
Juan 12:50 I Mi sa ku Su mandamentu ta bida etèrno; pesei e kosnan ku Mi ta papia, Mi ta papia presis manera e Tata a bisaMi.

 

6. Ki les nos tin ku siña for di e alimentashon di e yuinan di Israel ku manna?
Deuteronomio 8:3 I El a umiyábo i a lagabo pasa hamber, i a alimentábo ku mana ku bo no tabata konosé, ni bo tatanan no tabata konosé, pa E hasibo komprendé ku hende no ta biba di pan so, ma ku hende ta biba di tur loke ta sali for di boka di SEÑOR.

 

7. Ki splikashon Hesus a duna tokante e lès aki?
Juan 6:32, 33
32 E ora ei Jesus a bisa nan: "Di bèrdat, di bèrdat, Mi ta bisa boso, no ta Moisés a duna boso e pan for di shelu, ma ta Mi Tata ta duna boso e pan bèrdadero for di shelu.
33 Pasobra e pan di Dios ta Esun ku ta baha for di shelu i ta duna bida na mundu."

 

8. Kiko Hesus a deklará pa splika e les aki mas aleu?
Juan 6:35 Jesus a bisa nan: "Ami ta e pan di bida; esun ku bin serka Mi lo no haña hamber, i esun ku kere den Mi lo no haña set nunka.

 

9. Kua benfisio tin den e komementu di e pan di bida?
Juan 6:57, 58
57 Meskos ku e Tata ku ta biba a mandaMi, i Ami ta biba dor di e Tata, asina esun ku komeMi tambe lo biba dor di Mi.
58 Esaki ta e pan ku a baha for di shelu; no manera e tatanan a kome mana i a muri; esun ku kome e pan aki lo biba pa semper."

 

10. Kiko ta wòrdu bisa di Jeremias ku a alimentá su mes ku e berdadero manna?
Jeremias 15:16 Tur ora ku Bo palabranan a wòrdu hañá, mi a kome nan, i Bo palabranan a bira un goso pa mi i e delisia di mi kurason; pasobra mi a wòrdu yamá na Bo nòmber, SEÑOR Dios di ehérsitonan.

 

11. Ki nòmber Hesus a haña komo e revelashon di e pensamentu di Dios den karni?
Juan 1:1 Na prinsipio tabata e Palabra, i e Palabra tabata ku Dios, i e Palabra tabata Dios.
Revelashon 19:13 I E ta bistí ku un bistí tiñá ku sanger; i Su nòmber ta wòrdu yamá E Palabra di Dios.

 

12. Kiko tabatin den e Palabra?
Juan 1:4 Den djE bida tabata, i e bida tabata e lus di hende.

 

13. Kon Hesus a wòrdu yama en relashon ku esaki?
1 Juan 1:1 Loke tabata for di prinsipio, loke nos atende, loke nos a mira ku nos wowo, loke nos a kontemplá i loke nos man a toka, di e Palabra di Bida

 

14. Kon bin, e hudiunan no a haña bida den e Skrituranan?
Juan 5:39, 40
39 Boso ta skudriñá e Skrituranan, pasobra boso ta kere ku ta den nan boso tin bida etèrno; i ta esakinan ta duna testimonio di Mi;
40 i boso no kier bin serka Mi pa boso por tin bida.

 

15. Kiko tambe ta parti di nos experensha kristian?
Hebreonan 6:5 i ku a purba e bon palabra di Dios i e podernan di e siglo ku ta bin,
Jeremias 15:16 Tur ora ku Bo palabranan a wòrdu hañá i mi a kome nan, i Bo palabranan a bira un goso pa mi i e delisia di mi kurason; pasobra mi a wòrdu yamá na Bo nòmber, SEÑOR Dios di ehérsitonan.

 

16. Ora Hesus a apuntá Pedro su trabou di bida, ki instrukshon Ela dune’le?
Juan 21:17 El a bis'é pa di tres biaha: "Simon, yu di Jonas, bo ta stimaMi?"
Pedro a bira tristu, pasobra pa di tres biaha El a bis'é: "Bo ta stimaMi?" I el a kontest'E: "Señor, Bo sa tur kos; Bo sa ku mi ta stimaBo." Jesus a bis'é: "Kuida Mi karnénan.

17. Ki mandato apostoliko ta mustra e manera ku mester obedesé e mandato aki?
2 Timoteo 4:1, 2
1 Mi ta hurabo den e presensia di Dios i di Cristo Jesus, Kende lo huzga e bibunan i e mortonan: (mi ta hurabo) dilanti di Su aparishon i Su reino:
2 prediká e palabra; sea prepará na tempu i for di tempu; spièrta, reprendé, eksortá, ku hopi pasenshi i instrukshon.

 

18. Kon nos a wòrdu siñá pa resa pa alimentashon fisiko i spiritual?
Mateo 6:11 Duna nos awe nos pan di kada dia