1.3 Poder den e palabra

 

1. Pa medio di kiko Dios a krea e shelunan?
Salmonan 33:6, 9
6 Dor di e palabra di SEÑOR e shelunan a wòrdu trahá, i dor di e rosea di Su boka, henter nan ehérsito.
9 Pasobra El a papia, i asina tabata; El a duna òrdu, i esei a bin na eksistensia.
Hebreonan 1:3 I E ta e resplandor di Su gloria i e representashon eksakto di Su naturalesa, i ta sostené tur kos pa medio di e palabra di Su poder. Despues ku EI a hasi purifikashon pa pikánan, EI a sinta na man drechi di e Mahestat den halturanan,

 

2. Pakiko tin algun ku ta ignorante di nan mes boluntat?
2 Pedro 3:5, 6
5 Pasobra di nan mes boluntat nan no kier aseptá e echo aki, ku pa medio di e palabra di Dios e shelunan a eksistí di hopi tempu pasá I e tera a wòrdu formá for di awa i pa medio di awa,
6 dor di kual e mundu di e tempu ei a wòrdu destruí. siendo inundá ku awa.

 

3. Dor di kiko shelu i tera aktual ta wòrdu reservá pa destrukshon?
2 Pedro 3:7 Ma e shelunan i e tera aktual pa medio di Su palabra ta wòrdu reservá pa kandela, wardá pa e dia di huisio i destrukshon di hendenan impio.

 

4. For di kua otro skritura ta resultá ku tin poder kreativo den e palabra di Dios?
Salmonan 148:5 Laga nan alabá e nòmber di SEÑOR, pasobra El a duna òrdu, i nan tabata kreá.

 

5. Ki kambio ta wòrdu okashoná den un hende ku ta den Kristo?
2 Korintionan 5:17 Pesei, si un hende ta den Cristo, ta un kriatura nobo e ta; e kosnan bieu a pasa kaba; ata, tur kos a bira nobo.

 

6. Kon e kreashon nobo ta wòrdu jamá?
Juan 3:3 Jesus a kontestá i a bis'é: "Di bèrdat, di bèrdat, Mi ta bisabo, si un hende no nase di nobo, e no por mira e reino di Dios."

 

7. Dor di kua medio e kreashon nobo ò nansementu di nobo ta wòrdu okashoná?
1 Pedro 1:23 pasobra boso a nase di nobo, no di simia ku ta koruptibel sino inkoruptibel, esta, pa medio di e palabra di Dios ku ta biba i ta permanesé pa semper.

 

8. Kiko ta e prome palabra kreativo ku Beibel ta denotá? I kiko tabata e resultado?
Genesis 1:3 E ora ei Dios a bisa: "Laga tin lus. " I tabatin lus.

 

9. Ki relashon ta eksistí entre kreashon di luz den prinsipio i e luz di e evangelio?
2 Korintionan 4:6 Pasobra Dios, Kende a bisa: "Lus lo resplandesé for di skuridat," ta Esun ku a resplandesé den nos kurason pa duna e lus di e konosementu di e gloria di Dios den kara di Cristo.

 

10. Di kon e hendenan tabata straña di e siñansa di Kristo?
Lukas 4:32 i nan a keda strañá di Su siñansa, pasobra Su palabra tabata ku outoridat.

 

11. Kiko tabata testigua di e poder den palabranan di Kristo?
Lukas 4:36 I nan tur a keda asombrá, i nan tabata diskuti nan ku nan, bisando: "Ta ki palabra esaki ta? Pasobra ku outoridat i poder E ta ordená e spiritunan impuru, i nan ta sali."

 

12. Kiko ta segun Kristo e semia di e reino di Dios?
Lukas 8:11 "Awor e parábola ta esaki: e simia ta e palabra di Dios.”

 

13. Unda e palabra di Dios mester biba?
Kolosensenan 3:16 Laga e palabra di Cristo biba rikamente den boso, ku tur sabiduria siñando i spièrtando otro ku salmo i himno i kantika spiritual, kantando ku gradisimentu den boso kurason na Dios.

 

14. Kiko Cristo tabata bisa di e hudiunan enkredulo en relashon ku e palabra di Dios?
Juan 5:38 I boso no tin Su palabra ta biba den boso, pasobra boso no ta kere Esun ku EI amanda.

 

15. Kon e palabra di Dios ta obra den e kreyentenan?
1 Tesalonisensenan 2:13 I pa e motibu aki nos ta gradisí Dios konstantemente tambe, ku ora boso a risibí for di nos e palabra di Dios Su mensahe, boso a asept'é no komo palabra di hende, ma pa loke e ta bèrdaderamente, e palabra di Dios ku ta obra tambe den boso ku ta kere.

 

16. Ki naturalesa nos ta risibí dor di e promesanan di Dios?
2 Pedro 1:4 Pasobra pa medio di esakinan El a duna nos Su promesanan presioso i maraviyoso, ku pa medio di nan boso por a bira partisipante den e naturalesa divino, ya ku boso a skapa for di e korupshon ku tin den mundu pa kousa di pashon.

 

17. Kiko ta purifiká e kreyentenan?
Juan 15:3 Boso ta limpi kaba pa motibu di e palabra ku Mi a papia ku boso.

 

18. Kon e hoben por mantenè su kaminda puro?
Salmonan 119:9 Kon un hoben por mantenè su kaminda puru? Dor di mantené esei segun Bo palabra.

 

19. Kon Dios tabata kura su pueblo den tempu antigwedat?
Salmonan 107:20 El a manda Su palabra i a kura nan, i a libra nan for di nan destrukshonnan.

 

20. Kon e senturion a mustra su fe den e poder kurativo di e palabra di risto?
Mateo 8:8 Ma e senturión a kontestá i a bisa: "Señor, mi no ta digno pa Bo bin bou di mi dak, ma djis papia un palabra, i mi sirbidó lo ta kurá.

 

21. Ki poder e palabra tin ora e ta wardá den e kurason?
Salmonan 119:11 Bo palabra mi a skonde den mi kuras on, pa mi no peka kontra Bo.
Salmonan 17:4 Pa loke ta e echonan di hende, dor di e palabra di Bo lepnan mi a warda mi mes di e berehanan di hende violento.

 

22. Di kon Dios a humiliá Israel i a laga nan sufri hamber?
Deuteronomio 8:3 I El a umiyábo i a lagabo pasa hamber, i a alimentábo ku mana ku bo no tabata konosé, ni bo tatanan no tabata konosé, pa E hasibo komprendé ku hende no ta biba di pan so, ma ku hende ta biba di tur loke ta sali for di boka di SENOR.

 

23. Kiko ta nesesario fueara di tendementu di e palabra?
Santiago 1:22 Ma sea kumplidónan di e palabra i no solamente tendedónan ku ta gaña nan mes.

 

24. Kiko ta e resultado ora nos hasi e boluntat di Dios?
Juan 2:17 I e mundu ta pasa bai i su deseonan tambe, ma esun ku hasi e boluntat Dios ta permanesé pa semper.

 

25. Kiko e Salmista ta bias nos ku e Palabranan di Dios ta I kiko e ta hasi ku Su Palabranan?
Salmonan 12:6-7
6 palabranan di SEÑOR ta palabranan puru, manera plata refiná den un fòrnu di klei, purifiká shete biaha.
7 Abo, 0 SEÑOR, lo warda nan; Abo lo preservá nan for di e generashon aki pa semper.