7.6 E manera ku Kristo lo bini

1. Kristo lo bini atrobe?
Juan 14:3 I ora Mi bai i prepará un lugá pa boso, lo Mi bin atrobe i risibi boso serka Mi, pa kaminda Ami ta, boso tambe por ta.

2. Kon Pablo ta deskribí e binida aki?
Hebreonan 9: 28 asina Cristo tambe, Kende a wòrdu ofresi un biaha so pa karga e pikánan di hopi hende, lo paresé pa di dos biaha, no pa karga piká, ma pa salbashon di esnan ku ta sper'E

3. E prome disipelnan tabata pensa ku morto lo tabata e segunda binida di Hesus?
Juan 21:21-23
21 0ra Pedro a mir'é, el a bisa Jesus: "Señor, i kiko lo ta di e hòmber aki?"
22 Jesus a bis'é: "Si Mi kier pa e keda te ora Mi bin, ta bo asunto esei? Abo siguiMi!"
23 Asina e palabra aki a plama den e rumannan, ku e disipel ei lo no muri; ma Jesus no a bis'é ku e lo no muri, ma solamente: "Si Mi kier pa e keda te ora Mi bin, ta bo asunto esei?"

4. Ku ki palabranan e angelnan a bisa na Su asension, ku Kristo lo bin atrobe?
Echonan 1: 9-11
9 I ora ku El a kaba di bis a e kosnan aki, El a wòrdu tumá na shelu, mientras ku nan tabata para mira, i un nubia a kit'E for di nan bista.
10 I mientras ku nan tabata fiha nan bista na shelu segun ku E tabata subi bai, ata dos hòmber bist! na blanku a bin para banda di nan,
11 kendenan tambe a bisa: "Hòmbernan di Galilea, pakiko boso ta para wak na shelu? E Jesus aki, Kende a wòrdu tumá for di boso na shelu, lo bolbe di e mesun manera ku boso a mir'E ta bai shelu."

5. Kon Kristo mes a bisa ku E lo bin atrobe?
Mateo 16:27 Pasobra e Yu di Rende lo bin den e gloria di Su Tata, huntu ku Su angelnan; anto E lo rekompensá kada hende segun su obranan.
Mateo 24:30 "E ora ei e señal di e Yu di Rende lo paresé na shelu, i e ora ei tur e tribunan di riba tera lo lamentá, i nan lo mira e Yu di Hende ta bin riba e nubianan di shelu ku poder i gran gloria.
Lukas 9:26 Pasobra ken ku tin bèrguensa di Mi i di Mi palabranan, di djé e Yu di Rende lo tin bèrguensa ora ku E bin den Su gloria, i e gloria di e Tata i di e angelnan santu.

6. Kuantu hende lo mire ora E ta bini atrobe?
Revelashon 1:7 Mira, E ta bin ku e nubianan, i tur wowo lo mir'E, tambe esnan ku a traspas'E; i tur e tribunan di tera lo lamentá pa Su motibu. Sí Amèn.

7. Kua evento milagroso lo akompañá e binida di Señor?
1 Tesalonisensenan 4:16 Pasobra Señor mes lo baha for di shelu ku un gritu, ku bos di arkangel i ku tròmpèt di Dios; i e mortonan den Cristo lo lanta promé.

8. Ki spiertamentu Kristo a duna tokante ideanan falsu di e manera di binida?
Mateo 24:23-26
23 E ora ei, si un hende bis a boso: 'Mira, ata e Cristo aki,' Of 'At'E aya,' no ker'é.
24 Pasobra Cristonan falsu i profetanan falsu lo lanta, i lo hasi señalnan i maraviyanan grandi pa gaña, si ta posibel, asta e eliginan.
25 Mira, Mi a bisa boso di antemano.
26 "Pesei, si nan bisa boso: 'At'E ta den desierto,' no sali bai, of: 'At'E ta den e kambernan mas paden,' no kere nan.

9. Kon visibel lo ta Su binida?
Mateo 24:27 Pasobra meskos ku lamper ta bin for di pariba, i ta kòrta te pabou, asina binida di e Yu di Hende lo ta.