7.4 E Lucha entre Kapital i labor

 

1. Pa ki motibu den ultimo dianan tempu lo ta trbahoso?
2 Timoteo 3:1-4
1 Ma sabi esaki, ku den e ultimo dia¬nan tempunan trabahoso lo bin.
2 Pasobra hende lo ta stimadó di nan mes, stimadó di plaka, gabadó, arogante, blasfemadó, desobedesido na mayornan, ingrato, impio,
3 sin amor, irekonsiliabel, ku mala lenga, sin dominio propio, grosero, odiadó di loke ta bon,
4 traidó, imprudente, sobèrbè, mas bien stimadó di plas er ku stimadó di Dios;

 

2. Den ki tempu hende lo akumulá tesoro, segun profesia?
Santiago 5:1-3
1 Awor skucha, boso rikunan, yora i lamentá pa boso kalamidatnan ku ta biniendo riba boso.
2 Boso rikesa a putri i mòt a kome boso pañanan.
3 Boso oro i boso plata a frustia, i nan frustu lo ta un testimonio kontra boso i lo kaba ku boso karni meskos ku kandela. Ta den e ulti-mo dianan boso a akumulá boso tesoro!

 

3. Ku ki motibu Kristo a kastiga e hòmber, den e komparashon, ku a dera su talento?
Mateo 25:26,27
26 "Ma su shon a kontestá i a bis'é: 'Abo, esklabu malbado i floho, bo tabata sa ku mi ta kosechá kaminda mi no a sembra, i ku mi ta rekohé kaminda mi no a stroi simia.
27 Pesei bo mester a pone mi plaka na banko, pa ora mi bin, mi risibí loke ta di mi ku interes.

 

4. Kiko kristo a bisa e hoben riku pa hasi?
Mateo 19:21 Jesus a bis'é: "Si bo kier ta perfekto, bai i bende bo propiedatnan i duna na hende pober, i lo bo tin tesoro den shelu; i bin, siguiMi."

 

5. Kiko Dios, den e komparashon, a bisa e hòmber riku ku tabata pensa pa traha magasinanan grandi pa warda su biennan?
Lukas 12:20 "Ma Dios a bis'é: 'Abo, bobo! Awenochi mes bo alma lo wòrdu eksigí for di bo; i awor ken lo bira doño di loke bo a prepará?"

 

6. Kon e rikunan a biba, segun Santiago?
Santiago 5:5 Boso a hiba un bida di luho riba tera i a entregá boso mes na plaser; boso a gòrda boso kurason den un dia di matansa.

 

7. Ken ta duna hende poder pa gana rikesa?
Deuteronomio 8:18 Ma kòrda Señor bo Dios, pasobra ta E ta dunabo poder pa gana rikesa, pa E konfirmá Su aliansa ku EI a hura na bo tatanan, manera ta awe.

 

8. Kon e rikunan a trata e hustunan, segun Santiago?
Santiago 5:6 Boso a kondená i mata e hende hustu; e no ta resistí boso.

 

9. Kon e rikunan a falta e trahadornan ku a traha pa nan?
Santiago 5:4 At'e pago ku boso a keda sin paga e trahadónan ku a kòrta yerba den boso kunukunan ta sklama kontra boso; i e yoramentu di esnan ku a kosechá a yega na orea di e Señor di Sabaot.

 

10. Kiko hopi trahadornan ta hasi, pa risibi un sueldo aseptabel?
Nan ta forma sindikato, organisa welga, boykot etc....

 

11. Skritura ta menta ku violensia lo wòrdu husá den e lucha aki?
Habakuk 2:6,7
6 "Tur esakinan lo no entoná un proverbio di menospresio kontra djé, si, bofon i insinuashonnan kontra djé, i bisa: 'Ai di esun ku ta oumentá loke no ta di djé, i ta hasi su mes riku ku kosnan fiá! Te ki tempu esaki mester sigui asina?'
7 Esnan ku ta dunabo fiansa lo no lanta direpiente, i esnan ku ta kobra bo lo no spièrta? Di bèrdat, lo bo bira botin pa nan.

 

12. Ta Dios su boluntat pa su pueblo tuma parti den e kombinashon aki?
Isaias 8:12 "No bisa: 'Esaki ta un kòmplòt', tokante di tur loke e pueblo aki ta yama kòmplòt; i no teme loke nan ta teme, ni tene miedu di djé.

 

13. Ken nos mester teme i pa ken nos mester tin miedu?
Isaias 8:13 Ta e Señor di ehérsitonan boso mester konsiderá komo santu; E ta Esun ku boso mester teme, i E ta Esun di Kende boso mester tin miedu.

 

14. Kiko Dios ta bisa su pueblo pa hasi den e tempu aki?
Santiago 5: 7,8
7 Pesei, tene pasenshi, rumannan, te na e binida di Señor. At'e kunukero ta spera e produkto presioso di e tera, teniendo pasenshi kuné, te ora ku e haña e awaserunan tempran i lat.
8 Boso tambe tene pasenshi; fortalesé boso kurason, pasobra e binida di Señor ta serka.

 

15. Kua mandato lo tabatata un solushon pasifiko den e lucha proliferá i oumentá?
Mateo 22:39 i e di dos ta semehante: 'Stima bo próhi¬mo manera bo mes.
Filipensenan 2:4 no buska boso interes personal so, ma buska tambe interes di otronan.
Mateo 7:12 Pesei, tur loke boso kier pa hende hasi pa boso, hasi meskos pa nan, pasobra esaki ta e Lei i e Profetanan.