6.5 E Reino i Dominio di E Antikristo

 

1. Kiko ta wòrdu bisa di e kachu chiki en komparashon ku e dies kachunan di e di kuater animal di Daniel 7?
Daniël 7:24 Pa loke ta e dies kachunan, for di e reino aki dies rei lo lanta; i un otro lo lanta despues di nan, i e lo ta diferente for di esnan promé i lo hasi tres rei someté nan mes.

 

2. Kon lo e papasía, representá dor di e kachu chiki, lo oponé kontra e Altisimo?
Daniel 7:25 I e lo papia kontra e Haltísimo i lo pèrsigui e santunan di e Haltísimo, i e lo purba di hasi kambio den tempunan i den lei; i e santunan lo wòrdu entregá den su man pa un tempu, tempunan i mitar di un tempu.

 

3. Kon Pablo ta deskribí e poder aki unda e ta papia di e hòmber di pika?
2 Tesalonisensenan 2:4 kende ta oponé i ta halsa su mes riba tur loke ta wòrdu yamá Dios òf opheto di adorashon, asina ku e ta tuma asiento den e tèmpel di Dios, proklamando su mes komo Dios

4. Kon e e kachu chikí lo a trata e pueblo di Dios?
Daniel 7:25 I e lo papia kontra e Haltísimo i lo pèrsigui e santunan di e Haltísimo, i e lo purba di hasi kambio den tempunan i den lei; i e santunan lo wòrdu entregá den su man pa un tempu, tempunan i mitar di un tempu.
Nota: E lo papia kontra e Haltísimo i lo pèrsigui e santunan di e Haltísimo pa motivu di intoleransia kontra esnan ku ta pensa diferente. Dor di gueranan, krusada, masakre, inkisishon i brandstapelRoma a purba pa eksterminá esnan di otro pensamentu. Nos ta kordá e teribel persiguishon de e Waldensennan i e Hugenoten den Fransia, e notorio Bartolomeusnacht, e hororoso di Alva den e teranan Hulandes, e gobierno di bloody Maria den Inglatera,unda sabinan manera Tyndale, Ridley, Cranmer, Bradford etc... a wòrdu kima bibu pa motibu di nan fe. Nos ta kòrda tambe e inkisishon den Spaña, Huss ku Jerome den Bohemia ku a wòrdu matá riba brandstapel.

 

5. Kiko mas segun Skritura e kachu chikí lo a hasi?
Daniel 7:25 I e lo papia kontra e Haltísimo i lo pèrsigui e santunan di e Haltísimo, i e lo purba di hasi kambio den tempunan i den lei; i e santunan lo wòrdu entregá den su man pa un tempu, tempunan i mitar di un tempu.
Nota: E lo purba di hasi kambio den tempunan i den lei; Esaki ta mustra ku e ta algu ku en realidat no por kambia. E ta solamente imaginá ku e por kambia e ley di Dios ku outoridat divino. Ora nos buska den e Katesismo Katoliko, e ta bira kla ku e iglesia a laga e segundo mandamentu afo i a kambia e di kuater.Nos ta lesa den e katesismo: diadomingi ta e prome dia di siman. E iglesia santu a dediká e dia aki na Dios na luga di e dia di Sabat ku según e mandato di Dios tabata wòrdu selebrá bou di e ley bieu. Ounke e die mandamentunan komo leynan natural no por kambia, e iglesia santu sin embargo por a kambiel’e. (uit beknopte verklaring van de MECHELSCHEN CATECHISMUS ten gebruike van middelbaar onderwijs door Zijne DH. Mgr. Lambrecht std, Bisschop van Gent)

 

6. Pa kuantu tempu e santu lo wòrdu entregá den man di e kachu chiki?
Daniel 7:25 I e lo papia kontra e Haltísimo i lo pèrsigui e santunan di e Haltísimo, i e lo purba di hasi kambio den tempunan i den lei; i e santunan lo wòrdu entregá den su man pa un tempu, tempunan i mitar di un tempu.
Daniel 12:7 I mi a tende e hòmber bisti na lino, kende tabata ariba di e awanan di e riu, ora ku el a hisa su man drechi i su man robes na shelu, i a hura pa Esun ku ta biba pa semper, ku lo ta pa un tempu, tempunan i mitar di un tempu; i asina ku nan kaba di destruí e poder di e pueblo santu, tur e eventonan aki lo keda kumpli.

 

7. Den kua otro profesia e mesun tempu ta wòrdu menshoná?
Revelashon 12:6 I e muhé a hui bai den desierto, kamin¬da e tabatin un lugá ku Dios a prepará, asina ku ayanan e por a wòrdu alimentá pa 1.260 dia.
Revelashon 12:14 I e dos halanan di e águila grandi a wòrdu duná na emuhé, pa e bula bai den desierto na su lugá, kaminda el a wòrdu alimentá pa un tempu i tempunan i mitar di un tempu, for di presensia di e kolebra.
Revelashon 13:5 I a wòrdu duná na djé un boka ku tabata papia palabranan arogante i blasfemia; i outoridat pa aktua kuarent'i dos luna largu a wòrdu duná na djé.
Revelashon 11:2, 3
2 I laga e plenchi ku ta pafó di e tèmpel ked'afó, i no midié, pasobra el a wördu duná na e nashonnan; i nan lo trapa e stat santu bou di nan pia, kuarent'i dos luna largu.
3 I lo mi duna outoridat na mi dos testigunan, i nan lo profetisá pa 1.260 dia, bistí na paña-di-saku

 

8. Kuantu tempu un dia de profesia ta representá?
Numbernan 14:34 Konforme e kantidat di dia ku boso a spioná e tera, esta, kuarenta dia, boso lo karga boso inikidat kuarenta aña, un aña pa kada dia, i boso lo konosé Mi oposishon.
Ezekiel 4:6 "Ora bo a kumpli ku esakinan, kai drumi pa di dos biaha, ebiaha aki riba bo banda drechi, i karga e inikidat di e kas di Juda. Mi a stipulá esaki pa bo pa kuarenta dia, un dia pa kada ana,
Nota: E periodo di tempu aki ta wòrdumenshoné shete biaha den Skritura ie tres diferente terminonan ku a wòrdu usata mustra klaramente ku un aña profetikota igual ku 360 dia i un luna 30 dia.

Un aña                 360 d             42 luna= 42X 30= 1260 dia

Dos aña               720 d

Mitar aña            180 d

                         ________

Total                1260 d     

 

E dominio di e kachu chikí lo a dura un tempu largu di 1260 dia ku ta igual na 1260 aña.R aña 538 a duna e kuminsamentudi e dominio papal. Eksaktamente 1260 aña despues na 1798 Roma wòrdu konkistá, E General Franses a kue papa Pius VI presu.

 

9. Kiko pa ultimo lo wòrdu hasi ku e dominio di e kachu chikí?
Daniel 7:26 'Ma e korte lo sinta pa huzga, i su dominio lo wòrdu kitá, eliminá i destruí pa semper.
Nota: Esaki ta nifika e fin di e poder aki na fin di historia di mundu i pronto despues lo tin e binida di Kristo.

 

10. Na ken e dominio lo wòrdu duna por fin?
Daniel 7:27 E ora ei e soberania, e dominio i e grandesa di tur e reinonan bou di henter shelu lo wòrdu duná na e pueblo di e santunan di e Haltfsimo; Su reino lo ta un reino etèrno, i tur e dominionan lo sirbiE i obedes'E.'