4.9 Nos Ehempel

 

1. Ken su pasonan nos tin ku sigui?
1 Pedro 2:21 Pasobra boso a wòrdu yamá pa e propósito aki, komo ku Cristo tambe a sufri pa boso, lagando un ehèmpel pa boso, pa boso sigui den Su pasonan,

 

2. Kon e kristian mester kana?
1 Juan 2:6 esun ku bisa ku e ta permanesé den djE mester kana na mesun manera ku El a kana.
Kolosensenan 2:6 Pesei, meskos ku boso a risibi Cristo Jesus e Señor, asina kana den djE,

 

3. Kua aktitut mester ta den nos?
Filipensenan 2:5 Laga tin den boso e aktitut aki ku tabatin tambe den Cristo Jesus.

 

4. Kua ehempel Cristo, komo yu, a duna tokante obedensha na mayornan?
Lukas 2:51 I El a bai ku nan i a yega Nazarèt; i El a keda sometí na nan; i Su mama tabata warda tur e palabranan aki den su kurason.

 

5. Kon Cristo su añanan di infansia i hubentut a wòrdu deskribí?
Lukas 2:52 I Jesus tabata krese den sabiduria i estatura, i den grasia serka Dios i hende.

 

6. Ki ehempel El a duna nos tokante bautismo?
Mateo 3:13-15
13 E ora ei Jesus a yega for di Galilea na Jordan serka Juan, pa E wòrdu batisá dor di djé.
14 Ma Juan kier a trata di strob'E, bisando: "Ta ami mester wòrdu batisá dor di Bo, anto Abo ta bin serka mi?"
15 Ma Jesus a kontestá i a bis'é: "Pèrmiti esaki awor, pasobra di e manera aki ta toka nos di kumpli ku tur hustisia." E ora ei el a pèrmitiE.

 

7. Kon Cristo a siña e bida di orashon?
Lukas 6:12 I a sosodé den e dianan ei ku EI a subi bai riba seru pa hasi orashon, i EI a pasa henter anochi den orashon na Dios.
Lukas 9:28 I un ocho dia asina despues di e palabranan aki, a sosodé ku El a hiba Pedro i Juan i Santiago huntu kunE, i a subi bai riba e seru pa hasi orashon.

8. Na kua typo di trabao Hesus a dediká Su bida?
Echonan 10:38 Boso sa di Jesus di Nazarèt, kon Dios a ungiE ku Spiritu Santu i ku poder, i kon El a bai rònt, hasiendo bon i kurando tur ku ta¬bata bou di poder di diabel; pasobra Dios tabata kunE.

 

9. Pa ken i pakiko Cristo a bandoná Su gloria den shelu?
2 Korintionan 8:9 Pasobra boso konosé e grasia di nos Señor Jesu-Cristo, ku ounke E tabata riku, sinembargo pa boso motibu El a bira pober, pa boso dor di Su pobresa por a bira riku.

 

10. Kiko El a hasi ora E tabata wòrdu zundrá i wòrdu trata malu?
1 Pedro 2:23 i ora ku El a wòrdu zundrá, E no a zundra bèk; ora ku El a sufri, E no a menasá, ma a konfia Su mes na Esun ku ta huzga ku hustisia;

 

11. Kon E tabata resa pa esnan ku a krusifiké?
Lukas 23:34 I Jesus a bisa: "Tata, pordoná nan, pasobra nan no sa kiko nan ta hasi." I nan a tira lot i a parti Su pañanan entre nan.
Echonan 3:17 Ma awor, rumannan, mi sa ku boso a hasi esaki den ignoransia, meskos ku boso gobernantenan tambe ahasi.

 

12. Kiko ta e testimoño di Skritura tokante di dj’E?
Hebreonan 1:9 Bo a stima hustisia i a odia maldat; pesei Dios, Bo Dios, a ungíBo ku e zeta di alegria mas ku Bo kompañeronan.