3.3 Repentimentu 

 

1. Ken ta wòrdu yamá pa repentí?
Lukas 5:32 Mi no a bin pa yam a e hustunan, sino pekadónan, na repentimentu.

 

2. Kiko ta akompaña repentimentu?
Lukas 24:47 i ku repentimentu pa pordon di piká mester a wòrdu proklamá den Su nòmber na tur nashon, kuminsando na Jerusalèm.

 

3. Pa medio di kiko pika ta wòrdu konosé?
Romanonan 3:20 pasobra pa medio di e obranan di Lei ningun hende lo no ta hustifiká den Su bista; pasobra dor di Lei ta bin konosementu di piká.

 

4. Kuantu hende ta kai bou di piká?
Romanonan 3:9 Kiko anto? Nos ta mihó ku nan? Di ningun manera; pasobra ya nos a kulpa tantu hudiu komo griego ku nan tur ta bou di piká;

 

5. Kiko pekadornan ta trese riba nan mes?
Efesionan 5:6 No laga ni un hende gaña boso ku palabra bano, pasobra ta pa motibu di e kosnan aki e furia di Dios ta bin riba e yunan di desobedensia.

 

6. Kiko ta laga un pekador bira konsiente di su estado pekaminoso?
Juan 16:7, 8
7 Ma Mi ta bis a boso e bèrdat, ta kumbini boso ku Mi ta bai; pasobra si Mi no bai, e Konsolador lo no bin serka boso; ma si Mi bai, lo Mi mand'E serka boso.
8 I E, ora ku E bin, lo konbensé mundu di piká, i di hustisia i di huisio;

 

7. Kua palabranan ta Sali for di boka di esnan ka ta konvensí di piká?
Echonan 2:37 Awor ora nan a tende esaki, nan a wòrdu konmoví te den profundidat di nan kurason, i a puntra Pedro i e otro apòstelnan: "Rumannan, kiko nos mester hasi?"
Echonan 16:30 i despues ku el a hiba nan pafó, el a bisa: Señornan, kiko mi mester hasi pa ta salbá'?

 

8. Ki kontesta e palabra di Dios ta duna riba e preguntanan aki?
Echonan 2:38 I Pedro a kontestá nan: "Repentí, i laga kada un di boso wòrdu batisá den e nòmber di Jesu-Cristo pa pordon di boso pikánan; i boso lo risibî e don di Spiritu Santu.
Echonan 16:31 I nan a bisa: "Kere den Señor Jesus i lo bo ta salbá, abo i e hendenan di bo kas.

 

9. Kiko e pekador ta sinti obligá pa hasi?
Salmonan 38:18 Pasobra mi ta konfesá mi inikidat; mi ta yen di angustia pa motibu di mi piká.

 

10. Kiko tristesa segun Dios su boluntat ta produsí?
2 Korintionan 7:10 Pasobra e tristesa ku ta segun e boluntat di Dios ta produsí un repentimentu ku ta hiba na salbashon, i kual no ta duel hende nunka; ma e tristesa di mundu ta produsí morto.

 

11. Kiko tristesa di mundu ta produsí?
2 Korintionan 7:10 Pasobra e tristesa ku ta segun e boluntat di Dios ta produsí un repentimentu ku ta hiba na salbashon, i kual no ta duel hende nunka; ma e tristesa di mundu ta produsí morto.

12. Kiko Juan Bautista a bisa e fariseonan i saduseonan ora el a mira nan biniendo pa wòrdu batisá?
Mateo 3:7 Ma ora ku el a mira hopi di e fariseonan i e saduseonan ta bin pa wòrdu batisá, el a bisa nan: "Boso, generashon di víbora, ta ken a atverti boso pa hui for di e furia ku ta bin?

 

13. Kiko el a bisa ku nan mester a hasi?
Mateo 3:8 Pesei, duna fruta ku ta kuadra ku repentimentu,

 

14. Ora Dios a manda spierta e hendenan di Nineve, kon na a mustra nan arepentimentu i kiko tabata e resultado?
Jonas 3:10 Ora Dios a mira nan echonan, ku nan a bira for di nan mal kaminda, e ora el Dios a repentí di e kalamidat ku El a deklara ku E lo trese riba nan. I E no a hasié.

 

15. Kiko ta hiba pekadornan na arepenrimentu i kombershon?
Romanonan 2:4 òf bo ta menospresiá e rikesa di Su kariño, toleransia i pasen-shi, sin sa ku e kariño di Dios ta hibabo na repentimentu?