3.16 Obedensia pa medio di Fe

 

1. Kiko Señor a komandá Abraham pa hasi?
Genesis 12:1 Awor Señor a bisa Abram: "Sali for di bo tera, i for di bo famianan i for di kas di bo tata, bai na e tera ku lo Mi mustrabo;

 

2. Kon Abraham a kumplí ku e mandato aki?
Genesis 12:4 Asina Abram a sali bai manera Señor a papia kuné, i Lot a bai kuné. Awor Abram tabatin setent'i sinku aña dia ku el a sali for di Haran.

 

3. Kiko tabata e fruta di e Abraham su obedensha?
Hebreonan 11:8 Pa medio di fe Abraham, ora ku el a wòrdu yamá, a obedesé dor di sali bai na un lugá ku e tabata pa risibí komo erensia; i el a sali bai, sin sa unda e tabata bai.

4. Ki mandato Dios a duna Abraham despues?
Genesis 22:2 I EI a bisa: "Tuma bo yu hòmber awor, bo úiniko yu, kende bo ta stima, Isaak, i bai na e tera di Moria, i ofres'é aya komo un ofrenda kimá riba un di e serunan ku lo Mi bisabo di djé."

 

5. A base di kiko e promesanan hasi na Abraham a wòrdu ripití?
Genesis 22:16-18
16 i a bisa: "Pa Mi mes Mi ta hura, Señor ta deklará, ku pasobra bo a hasi e kos aki i no a nenga bo yu, bo úniko yu,
17 di bèrdat lo Mi bendishonábo grandemente, i lo Mi multipliká bo desendientenan grandemente manera e streanan di e shelunan i manera e santu ku tin kantu di laman; i bo desendientenan lo poseé e porta di nan enemigunan.
18 I den bo desendientenan tur e nashonnan di e tera lo ta bendishoná, pasobra bo a obedesé Mi bos."

 

6. Kiko a kapasitá Abraham pa resistí e prueba?
Hebreonan 11:17 Pa medio di fe Abraham, ora ku el a wòrdu poni na prueba, a ofresé Isaak; i esun ku a risibí e promesanan tabata ofresiendo su yu unigénito;

 

7. Di kiko e obranan di Abraham ta testifiká?
Santiago 2:21 Nos tata Abraham no a wòrdu hustifiká pa medio di obranan, ora ku el a ofresé su yu Isaak riba altar?

 

8. Kiko tabata Sali perfekto for di su obranan?
Santiago 2:22 Bo ta mira ku fe tabata traha huntu ku su obranan, i komo resultado di e obranan, fe a wòrdu perfekshoná;

 

9. Kua palabranan di skritura ta ekspresá klaramente e fe di Abraham?
Santiago 2:23 i e Skritura a wòrdu kumpli, ku ta bisa: "I Abraham a kere Dios, i esaki a wòrdu kontá p'é komo hustisia, " i el a wòrdu yamá e amigu di Dios.

 

10. Kua typo di fe tin poder serka Dios?
Galationan 5:6 Pasobra den Cristo Jesus ni sirkumsishon ni insirkumsishon no ta nifiká nada, ma fe ku ta obra dor di amor.

 

11. Ku ki proposito e misterio di e evangelio ta wòrdu revelá?
Romanonan 16:26 ma ku awor ta revelá, i pa medio di e Skrituranan di e profetanan segun e mandamentu di e Dios etèrno, a wòrdu hasi konosí na tur e nashonnan pa e obedensia di fe.

 

12. Pa ki proposito e grasia di Cristo ta wòrdu risibí?
Romanonan 1:5 Dor di djE nos a risibí grasia i apostolado pa trese obedensia di fe mei¬mei di tur e paganonan pa kousa di Su nòmber,

 

13. Kua ehempel di obedensha Cristo a duna?
Filipensenan 2:8 I hañando Su mes den kondishon di hende, El a umiyá Su mes dor di bira obedesido te na morto, asta morto na un krus.

 

14. Kiko el a kosta pa E siña obedensha?
Hebreonan 5:8 Ounke ku E tabata Yu, El a siña obedensia dor di e kosnan ku EI a sufri.

 

15. Pa ken Cristo a bira e outor di salbashon etèrno?
Hebreonan 5:9 I despues di a wòrdu hasî perfekto, EI a bira pa tur esnan ku ta obedes'E, e outor di salba¬shon etèrno,

 

16. Kon kompleto e obedensha mester ta?
2 Korintionan 10:5 i pa destruí spekulashonnan i tur arogansia ku ta wòrdu lantá kontra e konosementu di Dios, hibando den koutiverio tur pensamentu, pa hasi nan obedesido na Cristo,

 

17. Ki efekto e predikamentu di e apostelnan tabatin riba e skuchdónan?
Echonan 6:7 I e palabra di Dios a sigui piama; i e kantidat di disipel a sigui oumentá masha hopi mes na Jerusalèm, i un kantidat grandi di e saserdotenan tabata bira obedesido na e fe.

 

18. Kon haltu Dios ta balota obedensha?
1 Samuel 15:22 I Samuel a bisa: "Akaso SEÑOR tin mes tantu delisia den ofrendanan kimá i sakrifisionan ku den obedensia na e bos di SEÑOR? Mira, obedesé ta mihó ku sakrifisio, i skucha ta mihó ku vèt di karné chubatu.
19. Ku kua pikánan bruheria i kapricho ta wòrdu kompará?
1 Samuel 15:23 Pasobra rebeldia ta manera e piká di bruheria, i kapricho ta manera inikidat i idolatria. Pasobra bo a rechasá e palabra di SEÑOR, E tambe a rechasábo komo rei."

 

20. Kua bos tabatin pa Saul mas peso ku e mandamentu di Dios?
1 Samuel 15:24 E ora ei Saul a bisa Samuel: "Mi a peka; di bèrdat mi a transgresá e mandamentu di SEÑOR i bo palabranan, pasobra mi tabatin miedu di e pueblo i a skucha nan bos.

 

21. Ki akusashon Hesus tabatatin kontra e Fariseonan?
Marko 7:9 Tambe El a bisa nan: "Bunita asina boso ta pone e mandamentu di Dios un banda pa kumpli ku boso tradishon.

 

22. Kiko lo ta e destino di esnan ku a desobedsé e evangelio di Cristo?
2 Tesalonisensenan 1:7, 8
7 i pa duna alivio na boso ku ta wòrdu afligí i na nos tambe ora Señor Jesus wòrdu manifestá for di shelu ku Su angelnan poderoso den kandela tur na flam,
8 pa duna pago meresí na esnan ku no konosé Dios i na esnan ku no ta obedesé e evangelio di nos Señor Jesus.

 

23. Kiko ta bira nos estado ora nos obedesé e berdat?
1 Petrus 1:22 Komo ku den obedensia na e bèrdat boso a purifiká boso alma pa un amor sinsero pa ku e rumannan, stima otro fervientemente di kurason,

 

24. Ki promesa ta wòrdu duná na esnan obedesido?
Isaias 1:19 Si boso ta dispuesto i ta obedesé, boso lo kome e mihó di e tera;

 

25. Ken su ehempel nos ta wòrdu amonestá pa sigui?
Hebreonan 6:12 pa boso no flakia, ma pa boso ta imitadónan di esnan ku pa medio di fe i pasenshi ta eredá e promesanan.